LOMA YAABA 7:7 - U TIENU MAAMA TILI 2013

⁷ Lanwani, ti baa yedi be? Li bali maama tie tuonbiadi bi? Kalam! Ama li bali maama n teni ke n bandi ti tuonbiadi n tie yaala. N kan den faami ke li nunponbiadili tie tagili, li yàá tie ke li bali maama den yedi: «Ŋan da pia li nunponbiadili.»

Gourmanchéma Bible

⁷ Lanwani ti baa yedi lede? Li bali maama tie *tuonbiadi bi? Kalam. N kan den bandi ti tuonbiadi n tie yaala, kali li bali maama n den waani nni. N kan den faami ke li nunponbiadili tie tagili li yaa tie ke li bali maama den yedi: «;Nan da pia li nunponbiadili.»

LOMA YAABA 7:7 ပူးပေါင်းရင်းမြစ်များ

Mi cilima 3:6

O pua den laa ke bu tibu bonluonkaala mani mi jiema po, ki go ŋani bu nunbu po, ki tie yaa bonbuadila n baa teni o nilo n baa mi yanfuoma. O den cie bu bonluonkaala ki ŋmani, ki puni o calo yua n den ye o kani, ke omo ŋmani.

2 Samueli 11:2

Yenjuayengu Davidi n den fii o duanu po ki goadi wani o bado diegu yuli po, o den laa o pua ke o wuu. O den ŋani hali boncianla.

Pisomi 119:96

N laa ke yaala n ŋani kuli pia li bianu. Ama a bali maama wani naa pia bianu.

Mi Ñama 20:17

Yin da pia li nunponbiadili yi nisaalilielo diegu po, o pua po, ba o naacemo po, ba o puotuado po, ba o nua po, ba o ŋunbo po, ba yi lielo n die yaa bonla kuli po.»

Mise 2:2

Bi yama yaa baa yua yaa kuanu nni bi yen fie u, Bi yama yaa didi baa yua yaa diegu nni bi yen fie ku. Bi mabindi o diedaano leni o diegu, Ki mabindi o nilo leni o piama.

Matie 5:28

Ama mini n yedi yi, ke yua n noanli pua ke o yama kua o niinni, o conbi leni o o pali nni no yo.

Luki 12:15

O go den yedi bi niba kuli: «Fangi mani yi yula bonŋanla leni mi ŋalimanbuama, kelima o nilo miali ki ŋua o ŋalimano n yabi maama ka.»

Luki 20:16

O baa cua ki bolini laa koaguudiba, ki teni o kuanu nitoaba.» Ban den gbadi lani, bi den yedi: «U Tienu n da tuo line n tieni.»

Jesu Tondiba Tuona 20:33

Mii den kuani n yama oba kuli ligi nni, o wula nni, yaa ka o tiadi nni.

LOMA YAABA 13:9

Lani yaa po yo, ke U Tienu mabilikaama yedi: Ŋan da conbi, ŋan da kpa nilo, ŋan da su, ŋan da tieni mi siedifaama, ŋan da pia li nunponbiadili. Lani leni yaa mabilikaama n sieni kuli, taani yaa mabilikaama n tie ne yaa niinne: Ŋan bua a lielo nani ŋan bua a yuli maama yeni.

LOMA YAABA 3:20

Niloba kuli kan baa li moamoansaali U Tienu kani kelima o tiendi li bali maama n yedi yaala. Li bali maama n teni ke o nilo bandi ti tuonbiadi.

LOMA YAABA 3:5

Lani yaa po, li yaa tie ke tin tieni yaa biadima teni ke U Tienu teginma doagidi, ti baa yedi be? Naani U Tienu ki tiegi, o pali yaa beni kelima ti biadima yeni po? Min maadi yeni, n maadi nani bi nisaaliba n nua maama.

LOMA YAABA 4:1

Ti baa yedi lede Abalahama po, wani yua n tie ti yaaja ti gbanandi nni? O den baa be ti gbanandi po?

LOMA YAABA 4:15

U Tienu bali maama baa cuani U Tienu pabienli cuonu. Li bali maama yàá ye, li bali maama miidima moko ki ye.

LOMA YAABA 5:20

U Tienu bali maama den yuandi ki cua ki teni ke i tagili n yabidi. Ama ti tuonbiadi n den yabidi naankani, U Tienu ŋanbili den yabidi likani ki cie.

LOMA YAABA 6:15

Lanwani, ti baa yedi be? Moala ke U Tienu bali maama ki go die ti, ama o ŋanbili n ji die ti, ti go baa yaa tiendi ti tuonbiadi bi? Kalam!

LOMA YAABA 7:11

Ti tuonbiadi den baa u sanu, kelima li bali maama po, ki boandi nni, ki kpa nni.

LOMA YAABA 7:13

Naani yaala n pia mayuli yeni n teni ke n kpe? Kalam! Ti tuonbiadi n den tieni la, ki taa li bali maama yaama n pia mayuli, ki kpa nni. Lanwani, li bali maama po, li doagidi ti tuonbiadi n bia ki pendi maama.

LOMA YAABA 7:5

Li nisaali-yantiali n den die ti yaa yogunu, li bali maama den fiini li bonbuaka-biadila ti gbanandi kuli nni. Li den teni ke ti tiendi yaala n kpendinni mi kuuma.

LOMA YAABA 7:8

Lani, ti tuonbiadi den baa u sanu, kelima li bali maama po, ki fiini li nunponli buoli kuli n pali nni. Li bali maama yàá ye, ti tuonbiadi moko ki ye.

1 Korenti 15:56

Mi kuuma bonjunkaala n tie ti tuonbiadi. Ti tuonbiadi paalu mo n tie li bali maama.

Efesa 5:3

Yin da tuo mi conconma maama leni majoagindi buoluba kuli, bi mi ŋaliŋabuama maama n ña yi siiga ba waamu, kelima laa dagidi yinba bi nigagidiŋanba po.

Mi Tiadima 5:21

Yin da bua yi lielo pua. Yin da pia nunponbiadili yi lielo diegu po, ba o kuanu po, ba o naacemo po, ba o puotuado po, ba o nua po, ba yi lielo n die yaala kuli po.›

Kolosi 3:5

Lanwani, yin kpa mani ŋanduna bonbuaka-biadila, yaala n die yi gbananbuoli, mi conconma, ti cagindi buoli kuli, ti gbanandi bonbuaka-biadila, yaala n joagini yaa buama kuli leni mi ŋalimanbuama, yaala n tie nani i buli ŋoadima yeni.

1 Tesaloniki 4:5

ki da tuo o gbanandi bonbuakaala n diedi o nani bi nilanba yaaba n kaa bani U Tienu n tiendi maama.

Hebilunba 7:19

Li bali maama yeni ki den fidi ki ŋanbi liba kuli ke li dagidi cain. Ama U Tienu den yuandi ki cuani ti po yaa suginma n ŋani ki cie, tin baa yaa nagidi U Tienu, kelima yaama yaa po.

Josue 7:21

N den laa ti fagidi siiga kpaligolikaŋanbu, ke bu ñani Mesopotami diema po leni ŋanjilifa kujapiena kobilie leni wula bonmunmunli, ke li kpiagu pundi kilo boagidima. N den laa lani kuli, ke n yama kua lienni, ke n taa. Likuli wuo tinga nni n gbandieli siiga, ke ŋanjilifa ye li tiipo.»