LOMA YAABA 7:18 - U TIENU MAAMA TILI 2013

¹⁸ N bani ke yaala n ŋani ki ye n niinni ba waamu, kelima min tie nisaalo maama po. N bua ki tieni yaala n ŋani, ama mii pia li fidu.

Gourmanchéma Bible

¹⁸ N bani ke yaala n ŋani ki ye n niinni baa waamu, lani n tie min tie nisaalo maama po. N bua ki tieni yaala n ŋani, ama mii pia li fidu.

LOMA YAABA 7:18 ပူးပေါင်းရင်းမြစ်များ

Mi cilima 6:5

O Diedo den laa ke bi niba biadima den yabi ki tinga po, ke bi pala yantiana den koa mi biadima nni daali kuli.

Mi cilima 8:21

O Diedo den gbadi yaa nuulu n mani o po. Lanwani, o Diedo den maadi o pali nni mi naa maama: «N kan go soli ki tinga kelima o nisaalo po, kelima o pali nni, o li tia mi biadima hali o biwaama yogunu. N kan go bolini yaala n fo kuli nani min tieni maama moala yeni.

Jobi 14:4

Ŋme n baa fidi ki teni yaala n ŋani N ña yaala n joagini nni? Niloba kuli.

Jobi 25:4

O nilo baa tieni lede ki yaa tiegi U Tienu nintuali? Pua n mali yua n baa gaa lede ki yaa ŋani cain?

Pisomi 119:173

A nuu n tua n gaapo, Kelima n gandi a mabilikaame.

Pisomi 119:176

N puagi nani yaa pia n yaadi yeni, Cua ki lingi mini a naacemo, Kelima mii sundi a bali maama po.

Pisomi 119:32

N tiini a bali maama sanu nni, Kelima a puni nni mi yanfuoma.

Pisomi 119:40

Diidi, yaala n moani n nuni tie Min kubi a mabilikaama. Teni min yaa fo kelima a teginma po.

Pisomi 119:5

N sugini n sani yaa tiegi, Ke min fidi ki kubi a mabilikaama.

Pisomi 51:5

Kelima n tuo ki bandi n tagili, Yogunu kuli n tuonbiadi ye n nintuali.

Esayi 64:6

Ba niyendo ki go ye, Yua n taagi a yeli ki jaandi ki miadi a, Yua jidi o guama ki baa tiadi a po. Lani yaa po yo, ke a buli ti a nunga, Ki ŋaa ti ke ti ŋmadi ki baali, Kelima ti tagili po.

Matie 15:19

Ti yanmaalibiadi, mi kukpama, mi conconma buoli kuli, bu subu, mi siedifaama leni ti sugidi kuli ña li pali nne.

Luki 11:13

Yinba yaaba n bia yaa bani ki pa yi bila li bonŋanla, lanwani laa pia kuli tama ke ti Baa yua n ye tanpoli baa pa yaaba n mia o o Fuoma Yua.»

Jan n diani U Tienu Laabaaliŋamo maama 3:6

O nisaalo n mali yua kuli tie nisaalo, ama U Tienu Fuoma n mali yua kuli pia U Tienu Fuoma miali.

LOMA YAABA 13:14

Yin la o Diedo Jesu Kilisiti yaa tagu nani li liadili yeni, ki da cedi yi gbanandi bonbuakaala n diedi yi.

LOMA YAABA 7:15

Mii bani kuli min tiendi yaala, kelima mii tiendi min bua ki yaa tiendi yaala, ama n tiendi min nani yaala.

LOMA YAABA 7:19

Mii tiendi min bua ki yaa tiendi yaa bonŋanla, ama n tiendi mi biadima, min ki bua ki yaa tiendi yaama.

LOMA YAABA 7:25

N tuondi U Tienu, kelima ti Diedo Jesu Kilisiti po. Lanwani, mini n ba n yantiali nni, n tuo ki ŋua U Tienu bali maama, ama n gbanandi nni n ŋua ti tuonbiadi yaa bali.

LOMA YAABA 7:5

Li nisaali-yantiali n den die ti yaa yogunu, li bali maama den fiini li bonbuaka-biadila ti gbanandi kuli nni. Li den teni ke ti tiendi yaala n kpendinni mi kuuma.

Galati 5:17

O nisaalo gbanandi n bua yaala nia leni U Tienu Fuoma n bua yaala. U Tienu Fuoma n bua yaala mo nia leni ti gbanandi n bua yaala. Li bonliedila yeni koani leni biyaba, ki teni ke yii fidi ki tiendi yin bua yaala.

Galati 5:24

Yaaba n tie Kilisiti yaaba joani ti gbanandi, ti yantiali leni ti bonbuakaala li dapoanpoanli po.

Filipi 2:13

U Tienu n baa teni yin bua, ki go fidi ki tieni nani o yanjagiŋanli n tie maama.

Filipi 3:12

Laa tie ke n peli ki baa i panpaani no ka, bi ke n ŋanbi ki dagidi cain no ka. Ama n suagi ki tiini, ke min fidi ki cuo n nuama panpaani, kelima Jesu Kilisiti den cuo nni lani yaa po yo.

Titi 3:3

Timoko den kpa tie yanluodanba, niyiekaaba leni bi niyaadikaaba. Ti gbanandi bonbuaka-biadila buoli kuli den die ti. Ti den pia ku tugutongu leni li nunponbiadili, ki tie lan pundi ban yaa nani yaaba, ki go nani ti lieba mo.

1 Pieri 4:2

Lani yaa po, yaa dana n sieni yi po ki tinga ne niinni, yin da go ye ki ŋua ti gbanandi bonbuakaala ka, ama yin yaa ye ki tiendi U Tienu yanbuama.