LOMA YAABA 6:3 - U TIENU MAAMA TILI 2013

³ Yii bani ke tinba yaaba n den batisi Jesu Kilisiti nni kuli, li tie o kuuma nni ke ti den batisi?

Gourmanchéma Bible

³ Yii bani ke tinba yaaba n den *batisi Jesu Kilisiti nni kuli, li tie o kuuma nni ke ti den batisi?

LOMA YAABA 6:3 ပူးပေါင်းရင်းမြစ်များ

Matie 28:19

Lanwani, gedi mani ki tieni i nibuoli kuli nni bi ŋoadikaaba, ki batisi ba Baa, Bijua leni U Tienu Fuoma Yua yeli nni, ki bangi ba ban yaa kubi min den yedi yi yaala kuli.

Jesu Tondiba Tuona 19:5

Ban den gbadi lani, bi den tuo ke bi batisi ba o Diedo Jesu yeli nni.

Jesu Tondiba Tuona 2:38

Pieli den guani ki yedi ba: «Lebidi mani yi pala, yi siiga yuakuli n batisi Jesu Kilisiti yeli nni, ke yin baa sugili yi tuonbiadi po. Lani, yi baa baa U Tienu paabu yaabu n tie U Tienu Fuoma Yua.

Jesu Tondiba Tuona 8:16

U Tienu Fuoma Yua daa den jiidi bi siiga oba kuli po. Bi da den batisi ba o Diedo Jesu yeli nni bebe.

LOMA YAABA 6:16

Yii bani ke yi yaa taa yi yula ki teni yua, ki tua o yonbi, ki ŋua o maama kuli, se yin tuo ki tua o yonbi cain? Li tie tiladi, yin ŋoadi ti tuonbiadi yaadi n kpendinni mi kuuma, bi U Tienu tuoma yaama n baa cuani yi po li moamoansaali.

LOMA YAABA 6:8

Li yaa tie ke ti den kpe leni Kilisiti, ti daani ke ti baa yaa ye, ki fo leni o.

LOMA YAABA 7:1

N kpiiba, yi baa gaa min baa maadi yi po yaama na, kelima yi bani li bali maama fuuli. Laa boani yi ke li bali maama die o nilo wan da ye yaa yogunu yo.

1 Korenti 10:2

Bikuli den baa mi batisima Musa niinni, ku tawaligu leni mi ñincianma nni.

1 Korenti 12:13

Bi den batisi tikuli mi Fuoyenma yeni yaa niinni, ke tin tua gbananyendi. Tin tie Jufinba, nilanba, yonbi, bi yaaba n die bi yula, U Tienu puni tikuli ke ti baa ki ñuni Fuoyenma yaa kani.

1 Korenti 15:29

Bi tinkpiba fiima yàá ye, ban batisi yaaba kelima yaa niba n kpe yaa po baa baa li po be? Li yaa tie moamoani ke bi tinkpiba kan fii, be yaa po ke nitoaba batisi bani yaaba n kpe po?

1 Korenti 3:16

Yii bani ke yi tie U Tienu diegu ke o Fuoma ye yi niinni yo?

1 Korenti 5:6

Yin gbengidi yi yula maama yeni, laa ŋani. Yii bani ke li dabinli waamu bebe baa teni ti yonbudi kuli n pili yo?

1 Korenti 6:19

Yii bani ke yi gbanandi tie U Tienu Fuoma Yua yua n ye yi niinni dieli, U Tienu n puni yi yua, ke yii go die yi yula?

1 Korenti 6:9

Yii bani ke yaaba n ki tiegi kan ba biinu U Tienu diema nni yo? Yin da boandi yi yula. Yaaba n tiendi ti cagindi, i buli danba, mi conconma danba, yaaba n biidi bi yula, yaa jaba n taagi leni biyaba,

1 Korenti 9:13

Yii bani ke yaaba n tuuni U Tienu diegu tuonli baa yaa baadi bi jiema U Tienu diegu nni ka? Yaaba n tuuni li padibinbinli kani baadi bi biinu ban padi yaala nne.

1 Korenti 9:24

Yi bani ke yaaba n boagini mi nuama po kuli yen sani. Ama, naani niyendo bebe ka yen baa i panpaani? Sani mani maama, ke yimo baa baa i panpaani.

2 Korenti 13:5

Yinba yi baa, yin kpaagi kpaagi ki le yi yaa ye li dandanli nni. Biigi mani yi yula yi baa. Naani yii bani ke Jesu Kilisiti ye yi niinni yo? Li yaa tie ke yi biigi yi yula, yi baa sua ke yi poadi.

Galati 3:27

Yinba, yaaba n den batisi Kilisiti nni, yi lani wani Kilisiti nani li liadili yeni.

Jaki 4:4

Yinba mi conconma danba yeni, yii bani ke ŋanduna buama tie yibalindi U Tienu po ka? Lanwani, yua n danli leni ŋanduna kuli, tua U Tienu yibali.

1 Pieri 3:21

Mi ñima yeni den tie yaa batisima n faabi yi moala yaa nannanli. Laa tie ke mi batisima ŋuudi ki ñani ti gbanandi joagindi ka. Ama mi baa teni o nilo n pa o yuli U Tienu leni yaa pali n ki pia joagindi. Yi baa ki faabi kelima Jesu Kilisiti fiima bi tinkpiba siiga yaa po.