LOMA YAABA 6:23 - U TIENU MAAMA TILI 2013

²³ Kelima ti tuonbiadi panpaani tie mi kuuma, ama U Tienu ŋanbili paabu tie yaa miali n kan gbeni ti Diedo Jesu Kilisiti nni.

Gourmanchéma Bible

²³ Kelima ti tuonbiadi panpaani tie mi kuuma, ama U Tienu *ŋanbili-paabu tie yaa miali n kan gbeni ti Diedo Jesu Kilisiti nni.

LOMA YAABA 6:23 ပူးပေါင်းရင်းမြစ်များ

Mi cilima 2:17

Ama ŋan da ŋmani mi ŋanma leni mi biadima bandima tibu bonluonkaala, kelima a yaa ŋmani la yaa daali, a baa kpe.»

Mi cilima 3:19

A baa soani li tuonli ki mande, ki nan baa li bonjekaala, Hali ŋan baa guani ki tinga nni, Ŋan den ñani naankani, Kelima a tie mi tama, ki go baa guani mi tama nni.»

Mi Kpanjama 11:19

Yua n ŋua mi teginma caa li miali po, Yua n ŋua mi biadima mo caa mi kuuma po.

Esayi 3:11

Fala baa nandi o nibiado, Kelima waa ŋua yaa sanu n ŋani. Wan soani yaa tuona baa guani Ki baa o yuli po.»

Esayi 3:9

Bi japaadi jia bi buudi. Bi doagidi bi tuonbiadi Nani Sodomi yeni, ki naa wuondi ti mo, Mi yebiadima n ŋmaa ba, Kelima bani n lingi bi fala.

Esekieli 18:20

Yua n tieni ti tuonbiadi yeni, wani n baa kpe. Ki biga kan tugi o baa tagili, bibaa mo kan tugi o biga tagili. O niteginka teginma baa jiidi o yuli po, o nibiado mo yaa biadima n jiidi o yuli po.

Esekieli 18:4

Mini n die yuakuli miali, bibaa miali leni ki biga miali, mini n die laa mialieda kuli. Yua n tieni ti tuonbiadi, wani n baa kpe.

Matie 25:46

Lani, bi baa gedi yaa fala n ki pia juodima kani, ama bi niteginkaaba baa gedi yaa miali n kan gbeni yaa kane.»

Jan n diani U Tienu Laabaaliŋamo maama 10:28

N puuni ba yaa miali n kan gbeni. Bi kan bodi abada. Oba kuli kan fie ba n nuu nni mo.

Jan n diani U Tienu Laabaaliŋamo maama 17:2

A dini o li bali ke o die bi nisaaliba kuli, ke wan pa ŋan puni o yaaba kuli yaa miali n kan gbeni.

Jan n diani U Tienu Laabaaliŋamo maama 3:36

Yua n tuo ki daani Bijua kuli pia yaa miali n kan gbeni. Ama yua n kaa tuo ki daani Bijua, o kan le laa miali. U Tienu pabienli bebe n baa sedi o yuli po.»

Jan n diani U Tienu Laabaaliŋamo maama 4:14

Ama yua n ñuni min baa pa o yaa ñima kuli, u ñuñuunu kan go cuo o abada. Min baa pa o yaa ñima baa tua ñinbunli o niinni, ki yaa pudi ki puubi hali yaa miali n kan gbeni nni.»

Jan n diani U Tienu Laabaaliŋamo maama 4:36

Yua n yendi baadi o panpaani ki taagi ti kpaandi yaa miali n kan gbeni po, ke yua n buli leni yua n yendi kuli, n taani ki mangi bi pala.

Jan n diani U Tienu Laabaaliŋamo maama 5:24

N yedi yi i moamoani, yua n cengi n maama, ki daani yua n soani nni, pia yaa miali n kan gbeni. O kan cua ti buudi po, ama o ñani mi kuuma nni ki kua li miali nni.

Jan n diani U Tienu Laabaaliŋamo maama 6:27

Yin da tuuni mani ki baadi yaa jiema n pendi ka. Yin yaa tuuni mani ki baadi yaa jiema n baa ye hali yaa yogunu kuli ki puuni yaa miali n kan gbeni. O Joa Bijua n baa pa yi laa jiema kelima Baa U Tienu n tieni o po o maalima.»

Jan n diani U Tienu Laabaaliŋamo maama 6:40

N Baa yanbuama go tie line, ke yua n nuali Bijua ki daani o kuli, n baa yaa miali n kan gbeni, ke min fiini o bi tinkpiba siiga, li juodidaali.»

Jan n diani U Tienu Laabaaliŋamo maama 6:68

Simon Pieli den guani ki yedi o: «N Daano, ti baa gedi ŋme yaa kani? Fini n pia yaa miali n kan gbeni yaa maama.

LOMA YAABA 1:32

Ba ke bi bani U Tienu mabilikaama yaama n tiegi ki yedi ke li pundi ke yaaba n tieni laa bonbiadila n kpe, bi tiendi la bani bi ba, ki go saagi yaaba n tiendi yeni po i moamoani.

LOMA YAABA 2:7

Yaaba n tiendi yaala n ŋani kaa cedi, ki lingi U Tienu kani ti kpiagidi, ti jigidi leni yaa miali n ki pia kuuma, U Tienu baa pa ba yaa miali n kan gbeni.

LOMA YAABA 5:12

Ti tuonbiadi den kua ŋanduna nni kelima niyendo yaa po, ti tuonbiadi yeni mo den teni ke mi kuuma kua. Li tie yeni ke mi kuuma den pundi bi nisaaliba kuli, kelima bikuli tieni ti tuonbiadi.

LOMA YAABA 5:17

Li yaa tie Adama yeni n den tieni yaa tuonbiadi po, mi kuuma den diedi bi niba kuli ke bi kpe kelima laa niyendo po. Lanwani laa pia kuli tama, ke yaaba n baa U Tienu ŋanbicianli, ki go baa yaa paabu n tie li moamoansaali, baa yaa pia li miali ki die, kelima Jesu Kilisiti yaa po.

LOMA YAABA 5:21

Lanwani, nani ti tuonbiadi n den die bi niba ki teni ke bi ku maama, U Tienu ŋanbili mo diedi bi niba yene, kelima U Tienu saa bi po moamoani ke bi tiegi. Lani yaa po o kuani ba yaa miali n kan gbeni nni, kelima ti Diedo Jesu Kilisiti yaa po.

LOMA YAABA 6:16

Yii bani ke yi yaa taa yi yula ki teni yua, ki tua o yonbi, ki ŋua o maama kuli, se yin tuo ki tua o yonbi cain? Li tie tiladi, yin ŋoadi ti tuonbiadi yaadi n kpendinni mi kuuma, bi U Tienu tuoma yaama n baa cuani yi po li moamoansaali.

LOMA YAABA 6:21

Moala yi jie i fe leni yin den tiendi yaala lanyogunu. Yi den baa be ñuadi laa bonla po? Laa bonla baa juodi mi kuuma.

LOMA YAABA 8:13

Yi yaa tiendi ti gbanandi n bua yaala, yi baa kpe. Ama yi yaa teni ke mi Fuoma paalu kpa yi gbanandi bontienkaala, yi baa yaa ye.

LOMA YAABA 8:38

Moala, n bani cain ke bonliba kuli kan fidi ki paadi ti leni U Tienu buama. Ba mi kuuma, ba li miali, ba malekinba, ba mi fawaama paaciami danba, ba yaala n ye moala ne, ba yaala n baa ti cua,

LOMA YAABA 8:39

ba i paaciami, ba yaaba n ye tanpoli, ba yaaba n ye tiipo, mi tagima kuli nni, liba kuli kan fidi ki paadi ti leni U Tienu n pia ti po yaa buama. O den doagidi laa buama, ti Diedo Jesu Kilisiti nni.

LOMA YAABA 8:6

Yua kuandi o yama ti gbanandi n bua yaala yaa niinni, li baa gedini o mi kuuma po. Ama yua n kuandi o yama U Tienu Fuoma n bua yaala yaa niinni, li baa gobidi ki gedini o li miali leni mi yanduanma po.

Galati 3:10

Yaaba n nua ke bi baa baa li moamoansaali kelima li bali maama kubima po ye ti solindi nni, kelima li diani: «U Tienu n naali yua n naa kubi ki go tieni laa bali maama n yedi yaala.»

Titi 1:2

Lani n tie ban baa yaa dugidi n baa pa ya miali n kan gbeni, U Tienu yua n kan pua faama n den niani yaa miali, hali ke ŋanduna daa ye.

Jaki 1:15

Lanwani, o bonbuaka-biadila yaa punbi, li baa maa ti tuonbiadi. Ti tuonbiadi mo yaa kpedi ki dagidi, tini mo baa maa mi kuuma.

1 Jan 2:25

Wan niani ti yaala tie yaa miali n kan gbeni.

Mi Doagidima 21:8

Ama bi jawaandanba, yaaba n ki daani, ti cagindi danba, bi nikpaba, mi conconma buoli kuli danba, u ñoagubiadu danba, i buli danba leni yaaba n pua mi faama kuli, bikuli yekaanu baa yaa tie u mu leni li cidibili n co yaa kpenu nni. Lani n tie mi kuliema.»