LOMA YAABA 6:22 - U TIENU MAAMA TILI 2013

²² Ama moala ke yi faabi leni ti tuonbiadi yonbidi, ki tua U Tienu yonbi, yin baadi yaala lienni tie mi gagidiŋanma, ke likuli baa cuani yaa miali n kan gbeni.

Gourmanchéma Bible

²² Ama moala ke yi faabi leni ti tuonbiadi yonbidi ki tua U Tienu yonbi, yin baadi yaala lienni tie mi gagidiŋanma, ke likuli baa cuani yaa miali n kan gbeni.

LOMA YAABA 6:22 ပူးပေါင်းရင်းမြစ်များ

Mi cilima 50:17

‹Tieni a kpeliba po sugili bi biadima leni bi tuonbiadi po leni ban den tieni a yaala kuli yaa po. Moala ŋan tieni sugili a baa Tienu naacenba po.› » Josefi n den gbadi laa maama, o den buudi.

Jobi 1:8

O Diedo den yedi Sutaani: «A nan ko laa n naacemo Jobi? Waa pia kuli olie ki tinga nni. O tie papiendaano, ki go tiegi mo. O fangi U Tienu, waa tiendi kuli yaala n bia mo.»

Pisomi 143:12

A ŋanbili po, a baa bolini n yibalinba, Ki teni yaaba n koani leni nni kuli n bodi, Kelima n tie a naacemo.

Pisomi 86:2

Guudi n miali kelima n ŋua ŋa bonŋanla. Fini n Tienu, faabi a naacemo yua n dugi a po.

Pisomi 92:14

Bi ŋuu ba o Diedo diegu nni, Ke bi puudi ti Tienu diegu luoli po.

Esayi 54:17

Ama ban tagi yaa jatiagu Ki koani leni a kuli kan fidi a, Yaa lanbu n buni leni a ti buudi kuli, A baa maadi ki guli bu. Lani n tie o Diedo naacenba faali, Lani n tie ban baa ke o Diedo saa bi po yaa moamoani. O Diedo n yedi yeni.

Danieli 3:26

Lani, Nebukanesa den nagini yaa buaga n yigidi yeni buliñoabu kani, ki kpaani, ki yedi: «Sadiraki, Mesaki leni Abedi-Nego! Yinba tanpolijoma Tienu naacenba, ña mani ki cua ne.» Sadiraki, Mesaki leni Abedi-Nego den ñani u mu nni.

Danieli 6:20

Lan den fii ki faa, o bado den jaligi ki gedi i yangbanli buogu po, hali ke li daa yendi.

Mi Coadima 23:10

Ŋme n baa fidi ki coadi Jakob puoliŋuani, Yii n yabi nani mi tanbiima yeni? Ba bi yaa boagidi ba kaaninaa, Ŋme n baa fidi ki waani kaanyendu yaaba coali n da maama? N sugini ki kpe bani bi niteginkaaba yeni yaa kuume, N juodima mo n tua nani bi yaama yeni!»

Matie 13:40

Nani ban yen ŋabi ti moabiaditi ki juu maama, ŋanduna juodima mo li baa tua yeni.

Matie 13:43

Lanyogunu, bi niteginkaaba baa yendi nani u yienu yeni, bi Baa diema nni. Yua n pia a tuba ki baa gbadi wan gbadi.

Matie 19:29

Yua mo n fii ki ŋaa o diena, o naataanjaba, o naataanpola, o baa, o naa, o bila, yaa ka o kuani kelima n yeli po, o baa baa likuli taalima kobiga kobiga, ki go baa yaa miali n kan gbeni.

Matie 25:46

Lani, bi baa gedi yaa fala n ki pia juodima kani, ama bi niteginkaaba baa gedi yaa miali n kan gbeni yaa kane.»

Jan n diani U Tienu Laabaaliŋamo maama 15:16

Laa tie ke yinba ka den gandi nni. Ama mini n den gandi yi, ki go gagidi yi, ke yin gedi ki yaa luoni li bonluonkaala, ke yi bonluonkaala mo n yaa ye. Lanwani, Baa baa pa yi yin mia o yaala kuli, kelima n yeli po.

Jan n diani U Tienu Laabaaliŋamo maama 15:2

Yaa benu n tuugi leni nni ki naa luoni kuli, o pedi u. Yaa benu n luoni mo kuli, o kpendi ki ŋanbidi u, wun yaa luoni ki pugidi.

Jan n diani U Tienu Laabaaliŋamo maama 4:36

Yua n yendi baadi o panpaani ki taagi ti kpaandi yaa miali n kan gbeni po, ke yua n buli leni yua n yendi kuli, n taani ki mangi bi pala.

Jan n diani U Tienu Laabaaliŋamo maama 8:32

Yi baa bandi i moamoani, i moamoani yeni baa faabi yi.»

LOMA YAABA 6:14

Ti tuonbiadi kan go yaa die yi, kelima U Tienu bali maama ki go die yi, ama o ŋanbili n ji die yi.

LOMA YAABA 6:18

Lanwani, yi den faabi leni ti tuonbiadi yonbidi, ki tua mi teginma yaa yonbi.

LOMA YAABA 6:21

Moala yi jie i fe leni yin den tiendi yaala lanyogunu. Yi den baa be ñuadi laa bonla po? Laa bonla baa juodi mi kuuma.

LOMA YAABA 7:25

N tuondi U Tienu, kelima ti Diedo Jesu Kilisiti po. Lanwani, mini n ba n yantiali nni, n tuo ki ŋua U Tienu bali maama, ama n gbanandi nni n ŋua ti tuonbiadi yaa bali.

LOMA YAABA 7:4

N kpiiba, li tie yene leni yinba moko. Yi kpe yaala n tie li bali maama po, kelima yi taani leni Kilisiti o gbanandi nni. Moala nitoa n ji die yi, lani n tie Kilisiti. U Tienu den fiini wane bi tinkpiba siiga, ke tin yaa luoni li bonluonkaala U Tienu po.

LOMA YAABA 8:2

U Tienu Fuoma yaama n puuni li miali Jesu Kilisiti nni, yaa bali faabi nni leni ti tuonbiadi leni mi kuuma bali.

1 Korenti 7:22

Yua n tie yonbo o Diedo n yini o yaa yogunu, o Diedo faabi o ke o tua o yua. Yua n die o yuli mo U Tienu n yini o yaa yogunu, tua Kilisiti yonbo.

2 Korenti 3:17

Nekanba lan yedi o Diedo yeni, li bagi mi Fuome. O Diedo Fuoma n ye naani mo, mi faabima mo ye lankane.

Galati 1:10

Moala po, naani n moandi ke bi nisaaliba n saa n po i moamoani bi, bi U Tiene? Naani n moandi ki bua ki mangi bi nisaaliba yaa pala bi? Li yaa tie ke n bi bua ki mangi bi nisaaliba yaa pala, n kan bi yaa tie Kilisiti naacemo.

Galati 5:13

N kpiiba, U Tienu den yini yi ke yin yaa die yi yula. Yin da taa laa yudiedima ki yaa tiendi yi gbanandi bonbuakaala. Ama, mi buama po, yin yaa tuuni ki todi yiyaba.

Galati 5:22

Ama U Tienu Fuoma n baa cuani yaa bonluonkaala tie: mi buama, li pamanli, mi yanduanma, li juunli, mi ŋanma, ti bulicindi, ti dugidi, mi dingima leni li yukubili.

Efesa 5:9

Mi yenma n baa luoni yaa bonluonkaala tie li ŋanbili, mi teginma leni i moamoani.

Filipi 1:11

Yeni, yi baa yaa tuuni mi teginma tuona, ya n ñani Jesu Kilisiti kani, lan tua ti kpiagidi leni ti pagidi U Tienu po.

Filipi 4:17

Laa tie ke n bua ki yaa baadi bu paabu ka, n bua yin baa ti ñuadi boncianla kelima laa paabu po.

Kolosi 1:10

Yeni, yi tagu n yaa tie nani lan dagidi o Diedo po maama, ke yin yaa tiendi yaala n mani o po yogunu kuli. Yin yaa tuuni a tuonŋama buoli kuli, ki kpedi ki suagi liiga U Tienu bandima nni.

Kolosi 4:12

Epafrasi yua n tie yi siiga yua, ki go tie Jesu Kilisiti naacemo moko fuondi yi. O moa yi po yogunu kuli o jaandi nni, ki miadi yi po, ke yin yaa tie yaaba n dagidi cain, ki bani U Tienu n bua yaala, ki yaa se ke li pa U Tienu sanŋoadima nni.

Titi 1:1

Mini Poli yua n tie U Tienu naacemo leni Jesu Kilisiti tondo, ki baa gobidi U Tienu n gandi yaaba li dandanli nni, ke ban bandi yaa moamoani n ŋua U Tienu tuoma.

Hebilunba 12:14

Yin lingi mani mi yanduanma leni bi niba kuli, ki go lingi mi gagidiŋanma, kelima yua n naa pia mani, kan le o Diedo.

Jaki 1:1

Mini Jaki, U Tienu leni o Diedo Jesu Kilisiti naacemo, n diani yinba i piiga n buoliedi, yii n yadi yadi ki ye ŋanduna nni kuli po. N fuondi yi bonŋanla.

1 Pieri 1:9

kelima yi baa yi dandanli panpaani, lani n tie yi tindima.

1 Pieri 2:16

Yi tie yaaba n faabi, yaa tie mani yaaba n faabi n baa yaa tie maama. Yin da teni yin die yi yula maama po n pa yi u sanu yin wuoni yi biadima. Ama yin yaa tie nani U Tienu naacenba n dagidi ki yaa tiendi maama.

Mi Doagidima 7:13

A nikpela yeni siiga nni yendo den buali nni: «Yaaba n la a liadipienciama na tie ŋmenba? Bi ñani le?»