Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




LOMA YAABA 6:21 - U TIENU MAAMA TILI 2013

21 Moala yi jie i fe leni yin den tiendi yaala lanyogunu. Yi den baa be ñuadi laa bonla po? Laa bonla baa juodi mi kuuma.

အခန်းကိုကြည့်ပါ။ ကော်ပီ

Gourmanchéma Bible

21 Moala yi jie i fe leni yin den tiendi yaala laa yogunu. Yi den baa be ñuadi laa bonla po? Laa bonla baa juodi mi kuuma.

အခန်းကိုကြည့်ပါ။ ကော်ပီ




LOMA YAABA 6:21
46 ပူးပေါင်းရင်းမြစ်များ  

Li yaa puoli, o bado den yedi o kopadiciamo Abiatari: «Li pundi ŋan kpe. Ama n kan kpa ŋa dinla kelima a den bugi o Diedo U Tienu kpaku n baa Davidi yogunu. A go den taani leni n baa o fala kuli nni.» Lanwani, fii ki gedi Anatoti a tinga po.


ki yedi o: «N Tienu, i fe pia nni hali boncianla, ke n yuli tiibi. N Tienu, n kan fidi ki yaadi n yuli ki diidi a. Ti tagili yabidi hali ki milini ti, ti tuonbiadi dogini ki pundi tanpoli.


O yiini bi niba nintuali ki tua: ‹N tieni ti tuonbiadi, mii tieni yaala n tiegi. Ama waa tieni nni nani lan bi pundi Ban tieni nni maama.


‹Mii tie puu! N baa fidi ki guani a be? Se min pii n ñoabu bebe.


Lani n teni n tuo ke i tagili tie n yii. N gbaa mi fantanpienma leni mi tama nni ki miadi sugili.»


Min pundi U Tienu kaangagidiŋamu nni Yaa daale ke n bandi, Bi nibiadiba juodima N baa tua maama.


Lani kuli yaa po, yi baa gaa yi tagu bonluonkaala, Ki gaa yi jagili panpaani.


O nilo yen tama ke o tagu ŋani, Ki nan sua u caani o mi kuuma po yo.


Sanuba yen naani nni ke u tiegi o nilo po, Ama u yen ban ti juodi mi kuuma sanu nne.


Yedi mani: «O niteginka pali mani Kelima o baa je o tuonli ñuadi.


Bi buli ŋalikama Ki baa yendi i konkoni. Bi den coagini bi yula fanma bebe, laa baa yuli. I fe n cuo yi ti naa kpaandi po, Kelima o Diedo pabiencianli po yo, Ke o tieni yi laa bonla.


Mini Li Miali Diedo n biigidi a pala, Ki bandi yaala n ye o nilo yantugu nni, Ki baa guani yuakuli, Nani o sanbila n tie maama, Ki pa yuakuli mo o panpaani, Nani o tuona n tie maama.»


Lani n teni ke n yie ke n kaa puuni a taaga. N yie a po ki tajuodikaaga. Ama ba leni lani kuli a baa ki se mi conconma sanu nne. Ŋaa ban jie ba fe.»


Ti den yaadi, ama ti biidi ti pala ki mia sugili. A teni ke ti bandi ti tagili ki pua ti bena, I fe pia ti kelima tin den tieni yaala ti panma nni po.›


Li bi pundi i fe n cuo ba, Ban tuuni yaa tuongunda po. Ama i fe naa cuo ba, Baa go bani fe n tie yaala, Lani n teni ke bi baa kpe nani biyaba yeni. Min baa ti fii ki sedi bi po yaa yogunu, Bi baa yaa tuudi ki baali. O Diedo n yedi yeni.


I fe yaa cuo ba ban tieni yaala kuli po, ŋan teni ban bandi ku naa diegu n tie maama, kun se maama, ku buliñoana leni ku diebona kuli. Ŋan diani ban baa fidi ki ŋoadi yaa bali maama leni yaa ñoamabona ki cuani la bi nintuali. Lani n tie ban kubi ki go tieni nani lan bili maama.


Yaaba n goa a takula nni siiga boncianla baa fii. Bi nitianba baa fii yaa miali n kan gbeni fiima, bi tianba mo baa fii yaa fe n kan gbeni yaa fiima.


Ba ke bi bani U Tienu mabilikaama yaama n tiegi ki yedi ke li pundi ke yaaba n tieni laa bonbiadila n kpe, bi tiendi la bani bi ba, ki go saagi yaaba n tiendi yeni po i moamoani.


Ti tuonbiadi den kua ŋanduna nni kelima niyendo yaa po, ti tuonbiadi yeni mo den teni ke mi kuuma kua. Li tie yeni ke mi kuuma den pundi bi nisaaliba kuli, kelima bikuli tieni ti tuonbiadi.


Yii bani ke yi yaa taa yi yula ki teni yua, ki tua o yonbi, ki ŋua o maama kuli, se yin tuo ki tua o yonbi cain? Li tie tiladi, yin ŋoadi ti tuonbiadi yaadi n kpendinni mi kuuma, bi U Tienu tuoma yaama n baa cuani yi po li moamoansaali.


Kelima ti tuonbiadi panpaani tie mi kuuma, ama U Tienu ŋanbili paabu tie yaa miali n kan gbeni ti Diedo Jesu Kilisiti nni.


Li nisaali-yantiali n den die ti yaa yogunu, li bali maama den fiini li bonbuaka-biadila ti gbanandi kuli nni. Li den teni ke ti tiendi yaala n kpendinni mi kuuma.


Yi yaa tiendi ti gbanandi n bua yaala, yi baa kpe. Ama yi yaa teni ke mi Fuoma paalu kpa yi gbanandi bontienkaala, yi baa yaa ye.


Yua kuandi o yama ti gbanandi n bua yaala yaa niinni, li baa gedini o mi kuuma po. Ama yua n kuandi o yama U Tienu Fuoma n bua yaala yaa niinni, li baa gobidi ki gedini o li miali leni mi yanduanma po.


Ti yie yaala n pia i fe ki tiendi ŋasiili nni kuli. Tii tiendi liba leni nunfanbiadibu. Tii lu ki lebidi U Tienu Maama baa waamu. Ama ti doagidi i moamoani, ki tendi ke bi niba kuli pala siedi dua ti po U Tienu nintuali.


Diidi mani laa pabiidili, U Tienu n bua yaali yaa buolu yeni, n cuani yaala: Li tigini yi ke yi moandi. Li go cie yeni, kelima li teni ke yi mia sugili, yi pala mo biidi lipo. Li go teni ke ti jawaandi cuo yi, ki teni ke yi go bua ki le nni, ki go teni ke yi baa li yankuali, ki tundi i tagili daano leni tundifala. Yi doagidi li bonla kuli nni, ke yii pia tagili laa bonla nni.


Yua n pundi ki kpe, bi baa kpa o siedinbilie bi siedinbitaa yaa ñoana nne. O kan kpe kelima niyendo bebe yaa siedo po.


Musa den yedi: «Bi yaa teni ke bi kpa yua n bii ke li pundi kuuma, li yaa tie ke bi joani o ku daagu po yo ke o kpe,


Bi juodima baa yaa tie mi bodima. Bi tugidi n die ba. Ban tama ke yaala n tie bi po ti jigidi yeni, tie bi po i fe yo. Bi kuandi bi yama ŋanduna bonla nni bebe.


Lanwani, yua n fali U Tienu Bijua, ki nua ke o ŋantaado yaa soama yaama den n ŋuudi ki ŋanbi o yeni tie fanma, ki go sugi li ŋanbili paabu Fuoma, naani o yaa cuonu ka baa yaa bia ki cie?


Ama ki yaa pudi i konkoni leni muadimalikoni, kaa pia fuoma. Bi kan waaginni ke bi soli ga, ki go juodi ke bi juu ga.


Lanwani, o bonbuaka-biadila yaa punbi, li baa maa ti tuonbiadi. Ti tuonbiadi mo yaa kpedi ki dagidi, tini mo baa maa mi kuuma.


yin bandi ke yua n gobidi ki guani ti tuonbiadi daano, wan yaadi ki ŋaa yaa sanu nni, o faabi o wan da kua mi kuuma nni, ki piini yaa tuonbiadi n yabi boncianla.


U yogunu pundi ke ti buudi baa cili leni U Tienu diegu. Lanwani, li yaa tie ke ti buudi cili leni tinba, yaaba n yie kaa tuo ki tiendi U Tienu Laabaaliŋamo n yedi yaala mo yaa juodima baa yaa tie lede?


Lanwani, n bibuadimu, yin yaa ye o niinni, ke wan baa doagidi yaa yogunu, tin yaa pia li papaali, ke o guacuama daali, n da tua ti po fe.


A teni ke bi ñuni Ban den wuli yaa nigagidiŋanba Leni yaa saawalipuaba kuli soama. Bi ŋani yene!»


Bi den luni mi kuuma leni bi tinkpiba diema u fantankpenu nni. U fantankpenu yeni n tie mi kuliedima.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ