LOMA YAABA 6:17 - U TIENU MAAMA TILI 2013

¹⁷ Tin yaa tuondi U Tienu, kelima ba ke yi den kpa tie ti tuonbiadi yonbi, yi den tuo ki ŋoadi ban den bangi yi yaa bangima leni payenli.

Gourmanchéma Bible

¹⁷ Tin yaa tuondi mani U Tienu kelima baa ke yi den kpa tie ti tuonbiadi yonbi, yi den tuo leni payenli ki ŋoadi ban den bangi yi yaa bangima.

LOMA YAABA 6:17 ပူးပေါင်းရင်းမြစ်များ

Esidirasi 7:27

Esidirasi den jaandi ki yedi: «Ti tuondi ki kpiagidi o Diedo, ti yaajanba Tienu, yua n den kuani o bado yama nni ke wan jigini o Diedo diegu yaagu n ye Jerusalemi,

Pisomi 18:44

A faabi nni leni bi niba janjanma. A tuni nni i nibuoli yuli, Min kaa den bani yaa nibuolu, tua n yonbi.

Jesu Tondiba Tuona 11:18

Yaaba n den funi leni o yeni n den gbadi li maama fuuli, bi den cedi, ki kpiagi U Tienu ki yedi: «Lanwani, U Tienu puni bi nilanba moko ke bi baa u sanu ki lebidi bi pala, ki baa li miali.»

Jesu Tondiba Tuona 28:15

Hali ke ti daa den pundi Loma, li den sua ke ti kpiiba yaaba n tie Loma yaaba den gaa ti laabaalo, ki tuogi ti Apiyusi daaga kani. Nitoaba mo den cua hali yaa candiegu n yi a Candietaada, ki tuogi ti lankani. Poli n den laa ba, o den tuondi U Tienu ki paagi o pali.

LOMA YAABA 1:5

O yaa po yo, ke ti den baa li ŋanbili ki tua o tondiba, ke tin yaa gobidi i nibuoli kuli, ban daani o ki tuo o maama.

LOMA YAABA 1:8

N kpa tuondi n Tienu yikuli po, Jesu Kilisiti yeli nni, kelima bi maadi yi dandanli maama ŋanduna nni kuli.

LOMA YAABA 15:18

Mii pia papaali ki maadi matoama kuli, kali Kilisiti n den taa nni, ke min yaa gobidi bi nilanba ban tuo ki ŋoadi U Tienu, kelima n maama leni n tuona po.

LOMA YAABA 16:26

U Tienu yua n ye yogunu kuli ñani o ñoamabonli, ki yedi ke o bondoaginkaala n doagidi i nibuoli kuli po, kelima o saawalipuaba n diani yaa tila po. U Tienu tieni yeni ki bua ke i nibuoli kuli n tuo li dandanli.

LOMA YAABA 2:8

Ama yaaba mo n pia mi niama yantiali ki yie kaa tuo ki ŋua i moamoani, ki ŋua yaala n ki tiegi, ki tiendi yaala n bia, U Tienu baa jia bi buudi leni li pabienli.

1 Korenti 1:4

Yogunu kuli n tuondi U Tienu yi po, kelima yin baa yaa ŋanbili o kani Jesu Kilisiti nni.

1 Korenti 14:6

N kpiiba, li baa yaa pia yi po be yaa fuome n yaa cua yi kani ki maadi yi mi malanma, ki naa doagidi yi po bondoaginkaaliba, bi bandimiba, bi U Tienu n yedi yaala, yaa ka bangimiba?

2 Korenti 2:14

Tin yaa tuondi mani U Tienu, wani yua n teni ke ti paadi yogunu kuli Kilisiti nni. O teni ke ti yadi i kaani kuli, o bandima nuulumanu.

Efesa 1:16

n tuondi U Tienu yi po kaa cedi, ki taagi yikuli yela min jaandi yaa yogunu.

1 Tesaloniki 3:9

Moala tii pia ñoabu ki baa tuondi U Tienu lan dagidi, kelima yi po. Ti tuondi o ti jaandi nni leni tin pia yaa pamancianli o kani, kelima yi po.

2 Tesaloniki 1:3

Ti kpiiba, li pundi tin yaa tuondi U Tienu, kelima yi po yogunu kuli. Li dagidi tin yaa tiendi yeni, kelima yi dandanli yabidi ki pugidi boncianla, yi buama yiyaba po mo yabidi ki pugidi.

2 Timote 1:13

Ŋan den gbadi n kani yaa mamoanma baa yaa tie a po li bontogidikaala. Ŋan yaa ŋua ma, ki se ke li pa li dandanli leni mi buama nni, tin pia yaala Jesu Kilisiti nni.

Filemon 1:4

N tiadi a po yogunu kuli n jaandi nni, ki tuondi n Tienu

Hebilunba 11:8

Li tie li dandanli yaa po ke Abalahama den tuo ki tieni U Tienu n yedi o yaala, wan den yini o yaa yogunu, ki fii ki gedi wan baa baa ki diedi yaa diema nni. O den fii ki caa kaa bani wan caa naankani.

Hebilunba 5:9

Wan den teni ke o ŋani ki dagidi cain yeni, o den tua yua n cuani yaa tindima n ki pia gbenma, yaaba n tuo ki ŋua o kuli po.

1 Pieri 1:22

Moala yi ŋanbi yi yula leni yin ŋua i moamoani, ke yin fidi ki yaa pia yaa buama n ki pia tuonanma yi kpiiba po. Lanwani, yin yaa bua yiyaba hali boncianla leni yi pala kuli.

1 Pieri 2:9

Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.

1 Pieri 3:1

Yinba bi puoba mo, yin yaa miindi yi yula yi ciaba kani, ke bi siiga tianba yàá tuo U Tienu maama, yi tagi n tie maama n teni ban tuo ki daani, ba ke yii maadi ba maamiba kuli.

1 Pieri 4:17

U yogunu pundi ke ti buudi baa cili leni U Tienu diegu. Lanwani, li yaa tie ke ti buudi cili leni tinba, yaaba n yie kaa tuo ki tiendi U Tienu Laabaaliŋamo n yedi yaala mo yaa juodima baa yaa tie lede?

2 Jan 1:4

N pali den mangi boncianla min den laa ke a bila siiga bi tianba cuoni i moamoani nni, nani Baa U Tienu n bili ti po maama.

3 Jan 1:3

Ti kpiiba n den cua yaa yogunu kuli ki tieni siedi ke a tie moamoandaano, ki cuoni i moamoani yaa yenma nni, n pali yen mangi hali boncianla.