LOMA YAABA 6:13 - U TIENU MAAMA TILI 2013

¹³ Yin da go teni ti tuonbiadi n diedi yi gbananbuoli, ki teni tin tua mi biadima jatiadi. Ama yin teni yi yula U Tienu, nani yaaba n fii bi tinkpiba siiga, ki go ye ki fo yeni. Yin yaa puuni yi gbanandi U Tienu ki teni tin tua mi teginma jatiadi.

Gourmanchéma Bible

¹³ Yin da go teni ti tuonbiadi n diedi yi gbananbuoli, ke ti tuonbiadi n taa ki yaa tiendi mi biadima. Ama yin teni U Tienu yi yula nani yaaba n fii bi tinkpiba siiga ki go ye ki fo yeni. Yin yaa puuni mani yi gbananbuoli U Tienu ki yaa tiendi yaala n tiegi.

LOMA YAABA 6:13 ပူးပေါင်းရင်းမြစ်များ

2 Bi Badiba Jama 30:8

Moala, yin da juagi mani yi tuli nani yi yaajanba yeni. Yaa fangi mani o Diedo, ki lebidi ki guani o diegu kani, wan den gagidi ki ŋanbi yaagu yaa yogunu kuli po, ki yaa tuuni o Diedo yi Tienu po, ke o pabienli yaali n nani u mu yeni n da jiidi yi po.

Pisomi 37:30

O niteginka ñoabu maadi leni mi yanfuoma, O ñoabu mo wangi yaala n tiegi.

Mi Kpanjama 12:18

Yua yaa ñoabu n yua, Poagiliti nani ki jugisiega yeni. Bi yanfuodanba mo yaa maama paagidi u gbanu.

Esayi 55:7

O nibiado n ŋaa o tagibiadu, Fanma miali mo n ŋaa o yantiabiadili, Ki lebidi ki guani o Diedo kani. Wani yua n baa gbadi o po mi ninñima Leni ti Tienu yua n puuni sugili Leni ti bulicindi kaa cedi yeni kani.

Esekieli 18:4

Mini n die yuakuli miali, bibaa miali leni ki biga miali, mini n die laa mialieda kuli. Yua n tieni ti tuonbiadi, wani n baa kpe.

Danieli 3:28

Nebukanesa den yedi: «Sadiraki, Mesaki leni Abedi-Nego Tienu n baa ti kpiagidi, wani yua n soani o maleki, ke o faabi o naacenba yaaba n dugi o po. Bi yie mini o bado yaa ñoamabonli. Bi luni bi miana kaa tuo ki kpiagi bontoala kuli, se bi Tienu bebe.

Luki 15:24

N bijua na den kpe ki guani ki faadi, o den yaadi ke n guani ki laa o.› Bi den cili ki mangidi bi pala.

Luki 15:32

Li pundi tin je ki go mangi ti pala, kelima a waalo na den kpe ki go faadi, o den yaadi ke ti guani ki laa o.› »

Jan n diani U Tienu Laabaaliŋamo maama 5:24

N yedi yi i moamoani, yua n cengi n maama, ki daani yua n soani nni, pia yaa miali n kan gbeni. O kan cua ti buudi po, ama o ñani mi kuuma nni ki kua li miali nni.

LOMA YAABA 1:29

Yaala n kaa tiegi kuli gbie bi pala nni, yaala n bia, mi ŋaliŋabuama leni mi biadima. Bi pala go gbie leni li nunponli, mi kukpama, li koanli, mi niama buoli kuli, bu nunfanbiadibu leni ku tugutongu.

LOMA YAABA 12:1

Lani yaa po, n kpiiba, n mia yi ki go tundi yi, kelima U Tienu ninñingbadima po, ke yin pa U Tienu yi yula nani yaa padili n fo, yaali n gagidi ki ŋani ki mani o po. Lani n tie lan pundi, yin yaa kpiagidi o maama.

LOMA YAABA 6:11

Yimoko n yaa nua mani yi yula ke yi kpe, ki paadi leni ti tuonbiadi, ki nan ye ki fo U Tienu po Jesu Kilisiti nni.

LOMA YAABA 6:16

Yii bani ke yi yaa taa yi yula ki teni yua, ki tua o yonbi, ki ŋua o maama kuli, se yin tuo ki tua o yonbi cain? Li tie tiladi, yin ŋoadi ti tuonbiadi yaadi n kpendinni mi kuuma, bi U Tienu tuoma yaama n baa cuani yi po li moamoansaali.

LOMA YAABA 6:19

N maadi nani bi nisaaliba n maadi maama, kelima yi yantiana tadingu po, ke yin fidi ki gbadi. Nani yin den kpa puni yi gbanandi ke ti tua ti cagindi leni mi biadima yonbi, ki baa yaa tiendi ti tuonbiadi maama, moala yin yaa puuni yi gbanandi tin yaa tie mi teginma yonbi, ke yin fidi ki pundi mi gagidiŋanma U Tienu po.

LOMA YAABA 7:23

Ama n go laa batoali n gbanandi nni. Laa bali n moa leni yaa bali n tuuni n yantiali nni, ki teni ke n tua ti tuonbiadi bali kpaadili.

LOMA YAABA 7:5

Li nisaali-yantiali n den die ti yaa yogunu, li bali maama den fiini li bonbuaka-biadila ti gbanandi kuli nni. Li den teni ke ti tiendi yaala n kpendinni mi kuuma.

1 Korenti 6:15

Yii bani ke yi gbanandi tie Kilisiti gbananbuoli ka yo? Naani n baa taa Kilisiti gbananbuoli ki teni yin tua li puokpagili gbananbuoli? Kalam!

1 Korenti 6:20

Moamoani o daa yi leni yaa dunga n pa. Lanwani, yin yaa kpiagidi U Tienu yi gbanandi nni.

1 Korenti 6:9

Yii bani ke yaaba n ki tiegi kan ba biinu U Tienu diema nni yo? Yin da boandi yi yula. Yaaba n tiendi ti cagindi, i buli danba, mi conconma danba, yaaba n biidi bi yula, yaa jaba n taagi leni biyaba,

2 Korenti 10:4

Tin togidi ti yibalinba leni yaa toatiadi naa tie bi nisaaliba yaadi, ti tie yaa toatiadi n pia U Tienu paalu, yuu n fidi ki bolini yibalinba kaanpaali.

2 Korenti 5:14

Kilisiti buama die ti ki tigini ti, kelima niyendo yaa den kpe bi niba kuli po, lanwani bi niba kuli kpe.

2 Korenti 5:15

O den kpe bikuli po, ke yaaba n fo n da go yaa ye bi yucela po ka, ama wani yua n den kpe ki go fii bi tinkpiba siiga yeni yaa po.

2 Korenti 8:5

Bi den tieni ki cie tin den tama maama, kelima bi den kpa puni bi yula o Diedo, ki yuandi ki puni tinba mo bi yula, U Tienu yanbuama po.

Efesa 2:5

Lani yaa po, tin den tie bi tinkpiba kelima ti tagili po, o den guani ki puni ti li miali leni Kilisiti. Li tie o ŋanbili paabu yaa po, ke yi faabi.

Efesa 5:14

Lani yaa po yo, ke li yedi: «Ŋan fundi, fini yua n goa, Ki fii bi tinkpiba siiga, Ke Kilisiti baa yendi a po.»

Mi Tiadima 25:16

Yaaba n tiendi yeni ki janbidi kuli, tie o Diedo yi Tienu pali n fa yaaba yaa po.

Filipi 1:20

Min bua ki go sugini maama tie ke min da le i fe liba kuli po. Ama nani lan den kpa tie maama, li go tie yeni moala. N sugini ke Kilisiti n baa ti kpiagidi n miali yema kuli nni, min ye leni min kpe kuli.

Kolosi 2:13

Yinba yaaba n den kpe, kelima yi tuonbiadi leni yin kaa den kua koanciagu yi gbanandi nni maama po, U Tienu guani ki puni yi li miali kelima o po: O puni ti sugili ti tuonbiadi kuli po.

Kolosi 3:5

Lanwani, yin kpa mani ŋanduna bonbuaka-biadila, yaala n die yi gbananbuoli, mi conconma, ti cagindi buoli kuli, ti gbanandi bonbuaka-biadila, yaala n joagini yaa buama kuli leni mi ŋalimanbuama, yaala n tie nani i buli ŋoadima yeni.

2 Tesaloniki 2:12

Yeni yaaba n naa den tuo ki ŋoadi i moamoani, ama ki mangidi bi pala leni mi biadima kuli, U Tienu baa bu ki cuo ba.

2 Timote 2:15

Ŋan moandi ki doagidi U Tienu nintuali ke a tie ban biigi ki pagi yaa nilo, nani yaa tuonsoanlo n kaa jie i fe o tuonli po, ama ki wangi i moamoani maama ke li tiegi.

Jaki 4:1

Yin pia yaa koana leni yaa janjanma kuli yi siiga yeni, likuli ŋua be? Laa ŋua yi gbanandi bonbuakaala, yaala n tiendi bu toabu yi gbanandi nni ka yo?

1 Pieri 2:24

Wani yua n den tugi ti tuonbiadi O gbanandi nni ku daagu po, Ke tinba yaaba n kpe ti tuonbiadi po yeni, N yaa ji ye ki fo, ki tiendi mi teginma. Li tie o poagilima yaa po yo, ke yi paagi.

1 Pieri 4:2

Lani yaa po, yaa dana n sieni yi po ki tinga ne niinni, yin da go ye ki ŋua ti gbanandi bonbuakaala ka, ama yin yaa ye ki tiendi U Tienu yanbuama.

1 Jan 1:9

Ti yaa tuo ti tuonbiadi, Nani wan tie nidugika ki go tiegi yeni, O baa pa ti ti tuonbiadi sugili, Ki go ŋuudi ki ñani ti biadima kuli cain.