LOMA YAABA 5:17 - U TIENU MAAMA TILI 2013

¹⁷ Li yaa tie Adama yeni n den tieni yaa tuonbiadi po, mi kuuma den diedi bi niba kuli ke bi kpe kelima laa niyendo po. Lanwani laa pia kuli tama, ke yaaba n baa U Tienu ŋanbicianli, ki go baa yaa paabu n tie li moamoansaali, baa yaa pia li miali ki die, kelima Jesu Kilisiti yaa po.

Gourmanchéma Bible

¹⁷ Li yaa tie ke o niyendo yeni n den tieni yaa tuonbiadi po, mi kuuma den die bi niba kuli ke bi kpe kelima laa niyendo po, lanwani laa pia kuli tama ke yaaba n baa U Tienu ŋanbicianli, ki go baa yaa paabu n tie li moamoansaali baa pia li miali ki die kelima laa niyendo yua n tie Jesu Kilisiti yaa po.

LOMA YAABA 5:17 ပူးပေါင်းရင်းမြစ်များ

Mi cilima 2:17

Ama ŋan da ŋmani mi ŋanma leni mi biadima bandima tibu bonluonkaala, kelima a yaa ŋmani la yaa daali, a baa kpe.»

Mi cilima 3:19

A baa soani li tuonli ki mande, ki nan baa li bonjekaala, Hali ŋan baa guani ki tinga nni, Ŋan den ñani naankani, Kelima a tie mi tama, ki go baa guani mi tama nni.»

Mi cilima 3:6

O pua den laa ke bu tibu bonluonkaala mani mi jiema po, ki go ŋani bu nunbu po, ki tie yaa bonbuadila n baa teni o nilo n baa mi yanfuoma. O den cie bu bonluonkaala ki ŋmani, ki puni o calo yua n den ye o kani, ke omo ŋmani.

Esayi 61:10

N baa mangi n pali o Diedo po, N pali baa mangi n Tienu po hali lan kandi, Kelima o lani nni mi faabima tiadi, Ki golini nni mi teginma kpalibu, Nani o puocaano calo n bobi, Bi nani o kopadiciamo n bobi, Bi nani o puocaano n yie o tiadi maama yeni.

Matie 25:34

Lani, o bado baa yedi yaaba n ye o jienu: ‹Cua mani na, yinba n Baa n seligi yaaba! Gaa mani wan den ŋanbi yi po yaa diema hali ŋanduna cilima!

Jan n diani U Tienu Laabaaliŋamo maama 10:10

O suudo kpendi ki baa su, ki kpa, ki go bolini i pe. Mini n cua, ke ban baa li miali, ki yaa pia li ke li dua bi po.

LOMA YAABA 5:12

Ti tuonbiadi den kua ŋanduna nni kelima niyendo yaa po, ti tuonbiadi yeni mo den teni ke mi kuuma kua. Li tie yeni ke mi kuuma den pundi bi nisaaliba kuli, kelima bikuli tieni ti tuonbiadi.

LOMA YAABA 5:15

Ama laa taa yenma li ŋanbili leni ti tuonbiadi panpaani. Bi niba boncianla kpe, kelima Adama, o nikpialo yeni tuonbiadi po. Lanwani, laa pia kuli tama, ke bi niba boncianla baa U Tienu ŋanbili leni o paabu, yaabu n dua kelima Jesu Kilisiti, o niyuamo yeni yaa ŋanbili po.

LOMA YAABA 5:20

U Tienu bali maama den yuandi ki cua ki teni ke i tagili n yabidi. Ama ti tuonbiadi n den yabidi naankani, U Tienu ŋanbili den yabidi likani ki cie.

LOMA YAABA 6:14

Ti tuonbiadi kan go yaa die yi, kelima U Tienu bali maama ki go die yi, ama o ŋanbili n ji die yi.

LOMA YAABA 6:23

Kelima ti tuonbiadi panpaani tie mi kuuma, ama U Tienu ŋanbili paabu tie yaa miali n kan gbeni ti Diedo Jesu Kilisiti nni.

LOMA YAABA 8:39

ba i paaciami, ba yaaba n ye tanpoli, ba yaaba n ye tiipo, mi tagima kuli nni, liba kuli kan fidi ki paadi ti leni U Tienu n pia ti po yaa buama. O den doagidi laa buama, ti Diedo Jesu Kilisiti nni.

1 Korenti 15:49

Nani tin pia ki tinga yua yaa nannanli maama, ti go baa baa tanpoli po yua yaa nannanli yene.

1 Korenti 4:8

Moala, yi baa yin bua yaala kuli! Moala, yi tua piada! Yi cili ki dini li bali ke ti yaama ki taa lienni! N bi sugini yin je li bali moamoani, ke timoko n baa ki taani leni yi ki yaa die!

Filipi 3:9

Mii go pia n yuli po yaa moamoansaali n ñani li bali maama kubima nni, ama yaali n baadi, kelima li dandanli Kilisiti nni yaa po. Li tie yaa moamoansaali n ñani U Tienu kani, ki ŋua leni li dandanli.

1 Timote 1:14

Ti Diedo den ŋanbi n po hali ke li kandi, ki puni nni yaa dandanli leni yaa buama n ñani Jesu Kilisiti kani.

2 Timote 2:12

Ti yaa juuni fala nni, Ti baa diedi leni o. Ti yaa nia o, Omo baa nia ti.

Jaki 2:5

N kpibuadiba, cengi mani! Naani U Tienu ki gandi yaaba n tie luoda ŋanduna nuni po, ke ban tua a piada li dandanli nni, ki go baa wan niani ke o baa pa yaaba n bua o kuli yaa diema ka?

1 Pieri 2:9

Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.

Mi Doagidima 1:6

ki go teni ke ti tua kopadicianba diema o Baa U Tienu po, n baa ti kpiagidi leni u paalu hali yaa yogunu kuli. Amina!

Mi Doagidima 20:4

N den laa li bali kalikaani, ke yaaba n kaa i po den baa li bali ki baa jia ti buudi. N go den laa ban jendi yaaba yaa yula yaa naani, kelima Jesu yaa siedi po, U Tienu Maama po, yaaba n kaa den gbaani ki kpiagi ki fuayanga leni ki nannanli, kaa gaa o maalima bi yutuna, yaa ka bi nii po. Bi den guani ki baa li miali ki die leni Kilisiti hali bina tudili.

Mi Doagidima 20:6

Li pamanli ye leni yaa nigagidiŋanba n fii bi tinkpiba fiikpiama nni. Mi kuliedima naa go pia paalu bi yaa po, ama bi baa yaa tie U Tienu leni Kilisiti yaa kopadicianba, ki taani ki yaa die leni Kilisiti hali bina tudili.

Mi Doagidima 22:5

Ku ñiagu kan go yaa ye. O naacenba kan go bua u yienu yenma, ki bagi ki fidisanga yaama, kelima o Diedo U Tienu baa yaa yendi ba. Bi baa yaa die hali yaa yogunu kuli.

Mi Doagidima 3:21

Yua n koani mi jama ki paadi, n baa teni wan yaa ka leni nni n bali kalikaanu, nani mini n ba n den koani mi jama ki paadi, ki kaa leni n Baa o bali kalikaanu po maama yeni.