LOMA YAABA 5:15 - U TIENU MAAMA TILI 2013

¹⁵ Ama laa taa yenma li ŋanbili leni ti tuonbiadi panpaani. Bi niba boncianla kpe, kelima Adama, o nikpialo yeni tuonbiadi po. Lanwani, laa pia kuli tama, ke bi niba boncianla baa U Tienu ŋanbili leni o paabu, yaabu n dua kelima Jesu Kilisiti, o niyuamo yeni yaa ŋanbili po.

Gourmanchéma Bible

¹⁵ Ama laa taa yenma li ŋanbili leni ti tuonbiadi panpaani. Bi niba boncianla n kpe kelima o niyendo yeni tuonbiadi po, laa pia kuli tama ke bi niba boncianla baa U Tienu ŋanbili leni o paabu yaabu n dua kelima o niyendo yaa ŋanbili po, lani n tie Jesu Kilisiti.

LOMA YAABA 5:15 ပူးပေါင်းရင်းမြစ်များ

Esayi 53:11

Wan laa yaa fala li po yeni, O baa le li ñuadi, ban bandi o. Wani n naacemo yua n tiegi yeni, Baa saa niba boncianla po i moamoani, Ki taa bi tagili ki tugi.

Danieli 12:2

Yaaba n goa a takula nni siiga boncianla baa fii. Bi nitianba baa fii yaa miali n kan gbeni fiima, bi tianba mo baa fii yaa fe n kan gbeni yaa fiima.

Matie 20:28

Lani n cedi ke o Joa Bijua ki cua ke bi niba n yaa tuuni o po ka, ama o cua ki baa yaa tuuni bi niba po, ki pa o miali, ki daa ki faabi bi niba boncianla.»

Matie 26:28

kelima line n tie n soama, o Ŋantaadipaano yaa soama yaama n baa wuli yaa niba n yabi po, ban baa bi tuonbiadi sugili.

Jan n diani U Tienu Laabaaliŋamo maama 3:16

U Tienu den bua ŋanduna yaaba bonŋanla, hali ki puni o Bonjayenyenga, ke yua n daani o kuli n da bodi, ama wan yaa pia yaa miali n kan gbeni.

Jan n diani U Tienu Laabaaliŋamo maama 4:10

Jesu den guani ki yedi o: «A yaa bi bani U Tienu paabu n tie yaala leni mini yua n yedi a: ‹Pa nni min ño› yeni n tie yua, fini n bi baa mia. Lani, o bi baa pa a yaa ñima n pia li miali.»

Jesu Tondiba Tuona 15:11

Ama, ti daani ke ti faabi kelima ti Diedo Jesu ŋanbili po, nani bani moko yeni.»

LOMA YAABA 5:12

Ti tuonbiadi den kua ŋanduna nni kelima niyendo yaa po, ti tuonbiadi yeni mo den teni ke mi kuuma kua. Li tie yeni ke mi kuuma den pundi bi nisaaliba kuli, kelima bikuli tieni ti tuonbiadi.

LOMA YAABA 6:23

Kelima ti tuonbiadi panpaani tie mi kuuma, ama U Tienu ŋanbili paabu tie yaa miali n kan gbeni ti Diedo Jesu Kilisiti nni.

2 Korenti 5:14

Kilisiti buama die ti ki tigini ti, kelima niyendo yaa den kpe bi niba kuli po, lanwani bi niba kuli kpe.

2 Korenti 9:15

U Tienu n baa i tuondi o paabu yaabu n ki pia maama yeni po.

Efesa 2:8

Li tie li ŋanbili-paabu yaa po, ke yi faabi. Yi baa la kelima li dandanli yaa po yo. Laa ñani yi yaa kani, li tie U Tienu paabu yo.

Hebilunba 2:9

Die ti laa Jesu, U Tienu n den jiini yua u yogunu waamu ke malekinba cie o, ki puni o ti pagidi leni ti kpiagidi, ki go dini o li bali kelima wan den laa fala ki kpe yaa kuuma po. O den kpe bi niba kuli po, kelima U Tienu ŋanbili po.

1 Jan 2:2

Wani n tie i candanbaani padili ti tuonbiadi po. Laa tie ti yaa tuonbiadi bebe po ka, ama ŋanduna yaaba kuli yaa tuonbiadi po.

1 Jan 5:11

Laa siedi n tie ne: U Tienu puni ti yaa miali n kan gbeni, laa miali ye o Bijua niinni.