LOMA YAABA 4:20 - U TIENU MAAMA TILI 2013

²⁰ Ba yeni, o yama ki den lengidi ke o luo li dandanli U Tienu po, ki nua ke o kan kuani wan den niani yaa ñoanianu. Ama o dandanli den paagi o, ke o kpiagi U Tienu.

Gourmanchéma Bible

²⁰ Baa yeni, o yama ki den lengidi ke o luo li dandanli U Tienu po ki nua ke o kan kuani wan den niani yaa ñoanianu. Ama o dandanli den paagi o ke o kpiagi U Tienu.

LOMA YAABA 4:20 ပူးပေါင်းရင်းမြစ်များ

Mi cilima 15:6

Abalama den daani o Diedo yedima, lani yaa po o Diedo den coadi o po la ke li tie teginma.

2 Bi Badiba 7:19

Bi toatieba yudaano yeni den guani ki yedi o: «Ba o Diedo yaa luodi tanpoli bona, laa bonla baa tieni?» Lane Elise mo den yedi o: «A baa le la leni a nuni, ama a nan kan je la.»

2 Bi Badiba 7:2

Bi toatieba yudaano, o bado n den dugi yua yaa po yeni den guani ki yedi U Tienu nilo: «Ba o Diedo yaa luodi tanpoli bona, laa bonla baa tieni?» Elise den guani ki yedi o: «A baa le la leni a nuni, ama a kan je la.»

Esayi 35:4

Yedi mani yaaba yaa tugusoama n tiini: «Paagi mani yi pala ki da go jie, Diidi yi Tienu n ne. O baa tuu yi po li panli. O baa pa yuakuli o panpaani, Wani o ba n kpendi ki baa faabi yi yeni.»

Esayi 7:9

Efrayimi yaaba dociamu n tie Samari, Samari bado mo tie Remalia bijua.› Yinba Juda diema yaaba, Yi yàá sedi bonŋanla yi dandanli nni, Yi kan ti fidi ki mua jamiba kuli.»

Danieli 10:19

O den yedi nni: «N Tienu buado, da jie liba, duani a yama. Guani ki paagi a pali ki cuo ki sieni a gbanu.» Wan den maadi leni nni yeni, n go den guani ki baa u fidu ki yedi o: «N daano, maadi, kelima a guani ki paagi n gbanu.»

Danieli 11:32

O baa tulini yaaba n ŋaa U Tienu ŋantaado yeni leni o ñoamamandi. Ama U Tienu buolu siiga, yaaba n bani wani bi Tienu yeni baa yaa se bonŋanla.

Age Tili 2:4

Li tie lani yaa po ke mini, U Tienu yedi Sorobabeli leni Yehotisadaki bijua bi kopadicianba bado Josue leni yaa niba n sieni kuli ke ban paagi bi pala. Li Miali Diedo yedi: ‹Fii mani ki cili ki yaa tuuni, Kelima n baa yaa ye leni yi, Mini o Diedo U Paaciamu Kuli Daano n yedi yeni.

Sakari 8:13

Yinba Juda leni Isidayeli diema yaaba, Nani yaala n den baa yi n den tua Solindi makpanjama i nilanbuoli siiga maama, N go baa faabi yi, ki teni yin tua Li seli makpanjama bi siiga yene. Yin da go jie mani, paagi mani yi pala!»

Sakari 8:9

Li Miali Diedo U Paalu Kuli Daano N yedi yaa maama n tie ne: «Paagi mani yi pala, Yinba yaaba n gba u naa yogunu, N saawalipuaba n den waani yaa ñoaniani, Ban den puu li tanpuuli, Ki baa guani ki maa n Diegu yaa yogunu.

Matie 9:8

Ku niligu n den laa lani, ti jawaandi den cuo ba, ke bi kpiagi U Tienu leni wan puni bi nisaaliba laa paalu buolu.

Luki 1:18

Sakari den yedi maleki: «N baa bandi lede ke lani kuli tie moamoani, kelima n kpeligi, n pua mo podi?»

Luki 1:45

Li pamanli ye leni fini yua n daani ke o Diedo n soani ke bi yedi a yaa bonla baa tieni.»

1 Korenti 16:13

Yin yaa guu mani, ki yaa se ke li pa li dandanli nni. Tua mani jaba, ki paagi mani yiba.

2 Korenti 12:10

Lani yaa po yo, ke n mangidi n pali leni ku tadingu, ti sugidi, mi luoma leni bi niba n faligidi nni ki mabindi nni, kelima Kilisiti po. Yaa yogunu ke n tadi, lanyogunu yo ke n pa.

Efesa 6:10

N majuodikaama n tie ne: Yin yaa baadi mani yi fidu o Diedo kani leni o paalu yuu n cie li bonla kuli nni.

2 Timote 2:1

Lanwani, fini n biga, yaa paagidi a pali yaa ŋanbili n ye Jesu Kilisiti niinni.

1 Samueli 30:6

Davidi den ye leni li paboancianli, kelima o toatieba den yedi ke bi baa lugidi o a tana. Yaala yaa po, bikuli pala den biidi kelima bi bijaba leni bi bisiaba po. Ama Davidi den guani ki paagi o pali, kelima o Diedo o Tienu po.