LOMA YAABA 3:5 - U TIENU MAAMA TILI 2013

⁵ Lani yaa po, li yaa tie ke tin tieni yaa biadima teni ke U Tienu teginma doagidi, ti baa yedi be? Naani U Tienu ki tiegi, o pali yaa beni kelima ti biadima yeni po? Min maadi yeni, n maadi nani bi nisaaliba n nua maama.

Gourmanchéma Bible

⁵ Lanwani, li yaa tie ke tin tieni yaa biadima teni ke U Tienu *teginma doagidi, ti baa yedi lede? Naani U Tienu ki tiegi o pali yaa beni kelima ti biadima yeni po bi? Min maadi yeni, n maadi nani bi nisaaliba n nua maama.

LOMA YAABA 3:5 ပူးပေါင်းရင်းမြစ်များ

Mi cilima 18:25

A kan tuo o niteginka n taani ki kpe leni o nibiado. A kan tuo o niteginka n tua yenma leni o nibiado. Laa tuonli buolu foagi leni a. Li foagi leni a cain. Naani yua n ja ti buudi leni ki tinga yaaba kuli, o kan tieni mi teginma?»

Jobi 8:3

Naani U Tienu baa golini mi teginma? Naani wani U Paaciamu Daano Baa tieni yaala n ki tiegi?

Nahumi 1:2

O Diedo tie yaa Tienu N pia li nunponli ki tuugi li panli. O Diedo tuugi li panli, O pabienli bia boncianla. O Diedo tuugi o koanginkaaba li panli Ki kan tieni o yibalinba po sugili mo.

LOMA YAABA 12:19

N buakaaba, da tuu mani mi biadima panpaani yi yula po. Ama yin cedi mani U Tienu pabienli daali n cua, kelima li diani: «Mini n tie o pantuulo, mini n baa tuu mi biadima panpaani,»

LOMA YAABA 2:5

Ama, a juagi a pali, ki naa tuo ki lebidi. Li tie lani yaa po ke U Tienu baa doagidi o pabienli, wan baa jia bi niba buudi leni mi teginma yaa daali. Lani, a baa cuani a yuli po yaa cuonu n bia ki cie.

LOMA YAABA 3:19

To, ti bani ke U Tienu bali maama n bili yaala kuli tie li bali maama n die yaaba po, ki baa teni nilo kuli ñoabu n mubini, bi niba kuli n tuo ke bi pia i tagili U Tienu nintuali.

LOMA YAABA 3:7

Li yaa tie ke mini yaa faama n teni ke U Tienu moamoani doagidi, ki tie o kpiagidi po, be yaa po ke o baa bu ki cuo nni nani n tie ti tuonbiadi daano yeni?

LOMA YAABA 4:1

Ti baa yedi lede Abalahama po, wani yua n tie ti yaaja ti gbanandi nni? O den baa be ti gbanandi po?

LOMA YAABA 5:8

Ama U Tienu n tieni yaala ki doagidi o buama ti po, tie ke tin da den tie ti tuonbiadi danba yaa yogunu, Kilisiti den kpe ti po.

LOMA YAABA 6:1

Lanwani, ti baa yedi be? Naani tin suagi ki yaa tiendi ti tuonbiadi ke U Tienu ŋanbili n yaa dua ti po?

LOMA YAABA 6:19

N maadi nani bi nisaaliba n maadi maama, kelima yi yantiana tadingu po, ke yin fidi ki gbadi. Nani yin den kpa puni yi gbanandi ke ti tua ti cagindi leni mi biadima yonbi, ki baa yaa tiendi ti tuonbiadi maama, moala yin yaa puuni yi gbanandi tin yaa tie mi teginma yonbi, ke yin fidi ki pundi mi gagidiŋanma U Tienu po.

LOMA YAABA 7:7

Lanwani, ti baa yedi be? Li bali maama tie tuonbiadi bi? Kalam! Ama li bali maama n teni ke n bandi ti tuonbiadi n tie yaala. N kan den faami ke li nunponbiadili tie tagili, li yàá tie ke li bali maama den yedi: «Ŋan da pia li nunponbiadili.»

LOMA YAABA 8:31

Lan tie maama yeni, ti baa yedi be? U Tienu yaa taa ti po, ŋme n baa fidi ki sedi ti po?

LOMA YAABA 9:30

Lanwani, ti baa yedi lede? Yaa nibuoli n kaa tie Isidayeli yaaba kaa lingi mi teginma, bani n baa li moamoansaali kelima li dandanli yaa po.

1 Korenti 15:32

Min den koani leni ti moayandi Efesi po yeni, li yaa tie ke bi niba n nua maama bebe po, n den baa be yaa ñuadi lienni? Li yaa tie ke bi tinkpiba kan go fii, lanwani: Tin je mani ki go ño, kelima saala ti baa kpe.

1 Korenti 9:8

Min maadi yaa maama yeni, naani n maadi nani bi nisaaliba n nua maama bebe yo? Naani li bali maama wani ki yedi yeni ka?

2 Korenti 6:4

Ama li bonla kuli nni, ti moandi ki pia yaa siedi n ŋani bi niba kani nani U Tienu yaa naacenba yeni, kelima tin pia yaa juunli o falaciamo nni po, mi luoma nni leni li paboanli nni kuli yaa po.

2 Korenti 7:11

Diidi mani laa pabiidili, U Tienu n bua yaali yaa buolu yeni, n cuani yaala: Li tigini yi ke yi moandi. Li go cie yeni, kelima li teni ke yi mia sugili, yi pala mo biidi lipo. Li go teni ke ti jawaandi cuo yi, ki teni ke yi go bua ki le nni, ki go teni ke yi baa li yankuali, ki tundi i tagili daano leni tundifala. Yi doagidi li bonla kuli nni, ke yii pia tagili laa bonla nni.

Galati 2:18

Li yaa tie ke n guani ki maa min den mudi yaala, n tua mini n ba li bali maama miidika.

Galati 3:15

N kpiiba, cedi min taa yaala n tiendi bi nisaaliba siiga ki doagidi min bua ki yedi yaala. O nilo yaa ŋaa ñoabu bonliba po, oba kuli kan bolini la bi ki pugini likani liba mo.

Mi Doagidima 15:3

ki yiini U Tienu naacemo Musa yanbu, buni, ki Pebiga yanbu, ki tua: «Li Miali Diedo U Tienu U Paaciamu Kuli Daano, A tuona yabi ki pia mi ñuadima. A sani tiegi ki tie moamoani, Fini yua n tie i nibuoli kuli bado.

Mi Doagidima 18:20

Tanpoli, mangi a pali u bodima po. Yinba bi nigagidiŋanba, Bi tondiba leni bi saawalipuaba kuli Mo n mangi yi pala, Kelima U Tienu tuu yi po li panli ki jia u buudi.»