LOMA YAABA 3:4 - U TIENU MAAMA TILI 2013

⁴ Lani ki ye. Tiladi, U Tienu tie moamoandaano, ba nilo kuli yaa tie tuofaadaano, nani i Diani n yedi maama: «Li tie tiladi ban bandi Ke a tiegi a maama nni, A yaa buni leni bi niba mo, A baa paadi.»

Gourmanchéma Bible

⁴ Lani ki ye. Tiladi U Tienu tie moamoandaano, baa nilo kuli yaa tie tuofaadaano, nani lan diani maama: «Li tie tiladi ban bandi Ke a tiegi a maama nni, A yaa buni leni bi niba mo, A baa paadi.»

LOMA YAABA 3:4 ပူးပေါင်းရင်းမြစ်များ

Jobi 36:3

N baa ñani n bandima hali foagima yo, Ki saa yua n tagi nni po i moamoani.

Jobi 40:8

Naani a bua ki biani n moamoani fanma? Naani a bua ki bu ki cuo nni Ki saa a yuli po i moamoani?

Pisomi 100:5

Yeni de! O Diedo ŋani, O buama mo ki pia bianu, Nifiima n tuu nifiima, Li pundi ban dugi o po.

Pisomi 116:11

N yanyagidi nni n den tua: «Nisaalo kuli tie tuofaadaane.»

Pisomi 119:160

A maama kuli tie moamoani. A ñoamabona ya n tiegi mo ye Yaa yogunu kuli po.

Pisomi 138:2

N baa labini a diegagidikaali nni, Ki pagi a yeli a ŋanbili leni a teginma po, Kelima a niani ti yaala n cie tin bi daani yaala. Joma

Pisomi 51:4

Ŋuudi ki ñani n tagili, Ŋuudi ki ñani n po n tuonbiadi,

Pisomi 62:9

Yinba bi niba kuli, dugi mani o po u yogunu kuli. Cuani mani o nintuali yi pala nni maama. U Tienu n tie ti wuonkaanu. Joma

Mise 7:20

A baa waani tinba a niba Jakob puoliŋuani, A buama yaama n ki pia lebidima, Ki go waani tinba Abalahama puoliŋuani a ŋanbili, Nani ŋan den poli ki niani ti yaajanba hali yogunu maama.

Matie 11:19

O Joa Bijua mo cua ki di ki go ñu, ke bi tua: ‹Diidi, o tie jiejiedo leni dañolo, ki go tie bi lubigaaba leni i tagibiadi danba kuli danli.› Ama mi yanfuoma doagidi mi teginma mi tuona nni.»

Luki 20:16

O baa cua ki bolini laa koaguudiba, ki teni o kuanu nitoaba.» Ban den gbadi lani, bi den yedi: «U Tienu n da tuo line n tieni.»

Jan n diani U Tienu Laabaaliŋamo maama 3:33

Die yua n dugi o siedi po, saa i moamoani, ke U Tienu tie moamoandaano.

LOMA YAABA 11:1

Lanwani, n buali: Naani U Tienu luni o nibuolu Isidayeli yaaba? Kalam! Mini n ba, n tie Isidayeli buolu, Abalahama puoliŋuanu leni Benjamen buolu yua.

LOMA YAABA 11:11

Lanwani, n buali: Naani Isidayeli buolu tuudi ki baa yaa yogunu kuli po ki kan go fii yo? Yeni ka. Bi tingbali teni ke bi nilanba fidi ki baa mi tindima, ke lan yaa ñundi bani Isidayeli buolu li mutuoli.

LOMA YAABA 3:31

Naani tin wangi li dandanli maama yeni, li bua ki yedi ke ti teni ke U Tienu bali maama ki go pia mayuli bi? Kalam! Ti doagidi li bali maama n pia yaa mayuli moamoani.

LOMA YAABA 6:15

Lanwani, ti baa yedi be? Moala ke U Tienu bali maama ki go die ti, ama o ŋanbili n ji die ti, ti go baa yaa tiendi ti tuonbiadi bi? Kalam!

LOMA YAABA 6:2

Kalam! Tinba yaaba n den kpe ki paadi cain leni ti tuonbiadi, ti baa gaa lede ki go yaa ye ti tuonbiadi nni?

LOMA YAABA 7:13

Naani yaala n pia mayuli yeni n teni ke n kpe? Kalam! Ti tuonbiadi n den tieni la, ki taa li bali maama yaama n pia mayuli, ki kpa nni. Lanwani, li bali maama po, li doagidi ti tuonbiadi n bia ki pendi maama.

LOMA YAABA 7:7

Lanwani, ti baa yedi be? Li bali maama tie tuonbiadi bi? Kalam! Ama li bali maama n teni ke n bandi ti tuonbiadi n tie yaala. N kan den faami ke li nunponbiadili tie tagili, li yàá tie ke li bali maama den yedi: «Ŋan da pia li nunponbiadili.»

LOMA YAABA 9:14

Lanwani, ti baa yedi lede? U Tienu ki tiegi bi? Yeni ka.

1 Korenti 6:15

Yii bani ke yi gbanandi tie Kilisiti gbananbuoli ka yo? Naani n baa taa Kilisiti gbananbuoli ki teni yin tua li puokpagili gbananbuoli? Kalam!

2 Korenti 1:18

U Tienu tie n siedi, ke tin den waani yaa maama naa den tie: «Mm,» leni: «Aa-a.»

Galati 2:17

Ama li yaa tie ke ti lingi ki bua ki baa li moamoansaali kelima Kilisiti yaa po ti sua ke tinba Jufinba moko tie ti tuonbiadi danba. Naani li bua ki yedi ke Kilisiti tie ti tuonbiadi naacemo bi? Kalam!

Galati 2:21

Mii bua ki fali U Tienu ŋanbili. Li yaa tie ke li moamoansaali baadi kelima li bali maama kubima yaa po, lani Kilisiti den kpe fanma fanma.

Galati 6:14

Ama mini, n kan tuo ki kpiagi n yuli bontoala kuli po, kali ti Diedo Jesu Kilisiti dapoanpoanli po. Kilisiti n den kpe li dapoanpoanli po yeni, ŋanduna bonla kuli tie n po nani li kpe, nmoko tie nani n kpe ŋanduna bonla kuli po yeni.

Mi Tiadima 32:4

O tie Tanciangu yo, o tuonli mo ŋani cain Kelima o sani kuli tiegi. O tie ti dugidi Tienu, waa go pia tagiliba, Wani n tiegi ki go ŋani mo.

1 Timote 3:16

Oba kan nia ke U Tienu sanŋoadima bondoaginkaala ñua boncianla. Laa bondoaginkaala tie: O den doagidi o yuli ti gbanandi nni. U Tienu Fuoma den saa o po i moamoani, Malekinba den laa o, Bi den wangi o maama i nilanbuoli nni, Bi den daani o ŋanduna nni, O den guani ki doni ti kpiagidi kaanu kani.

Titi 1:2

Lani n tie ban baa yaa dugidi n baa pa ya miali n kan gbeni, U Tienu yua n kan pua faama n den niani yaa miali, hali ke ŋanduna daa ye.

Hebilunba 6:18

U Tienu den bili laa bonliedila, yaala n kan lebidi, wan kan pua faama yaala yaa po, ki bua ki yaa paagidi ti pala boncianla, tinba yaaba n sani ki baa o po, ki cuo wan bili ti po yaa dugidi ki muubi.

1 Jan 5:10

Yua n daani U Tienu Bijua pia laa siedi o niinni. Ama yua n naa daani U Tienu, o yedi ke U Tienu pua faama, kelima waa daani U Tienu n tieni yaa siedi o Bijua po.

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.

Mi Doagidima 3:7

Ŋan diani Kilisiti Nitaanli yaali n ye Filadelifi yaa maleki po, ki yedi o: «Yua n Gagidi ki Ŋani, Ki tie o Moamoandaano, Wani yua n kubi Davidi sendabiga, O yaa luodi, oba kuli kan luoni, O yaa luoni mo, oba kuli kan luodi, Wani n yedi yaa maama n tie ne: