LOMA YAABA 3:24 - U TIENU MAAMA TILI 2013

²⁴ Ama kelima U Tienu ŋanbili paabu yaa po, bi baa li moamoansaali kelima Jesu Kilisiti daafaabima yaa po.

Gourmanchéma Bible

²⁴ Ama kelima U Tienu *ŋanbili-paabu yaa po, bi baa li moamoansaali kelima Jesu Kilisiti *daafaabima yaa po.

LOMA YAABA 3:24 ပူးပေါင်းရင်းမြစ်များ

Pisomi 130:7

Yinba Isidayeli yaaba, Yaa dugi mani o Diedo po, Kelima li ŋanbili ye o kani, Mi faabima moko ye o yaa kane.

Esayi 53:11

Wan laa yaa fala li po yeni, O baa le li ñuadi, ban bandi o. Wani n naacemo yua n tiegi yeni, Baa saa niba boncianla po i moamoani, Ki taa bi tagili ki tugi.

Matie 20:28

Lani n cedi ke o Joa Bijua ki cua ke bi niba n yaa tuuni o po ka, ama o cua ki baa yaa tuuni bi niba po, ki pa o miali, ki daa ki faabi bi niba boncianla.»

Jesu Tondiba Tuona 15:11

Ama, ti daani ke ti faabi kelima ti Diedo Jesu ŋanbili po, nani bani moko yeni.»

LOMA YAABA 4:16

Lanwani, yaaba n baa baa U Tienu n den niani yaa ñoanianu baa baa u, kelima li dandanli yaa po. U Tienu bua ban baa u ñoanianu kelima o ŋanbili paabu po bebe. O bili ke o ñoanianu baa yaa ye Abalahama puoliŋuani kuli po. Laa tie yaaba n pia li bali maama bebe yaa po ka, ama yaaba n daani U Tienu nani Abalahama n den daani maama. Wani Abalahama tie tikuli yaaja. Nani lan diani maama:

LOMA YAABA 4:4

Yua n soani li tuonli kuli baa baa o panpaani. O kan yaa nua ke o panpaani yeni tie paabu, yi tie pani yo.

LOMA YAABA 5:9

Tin baa ke U Tienu saa ti po i moamoani, kelima Kilisiti soama po yeni, laa pia kuli tama, ke ti baa faabi leni U Tienu pabienli, kelima wani Kilisiti po.

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie ti po mi yanfuoma, mi teginma, mi gagidiŋanma leni mi daafaabima.

1 Korenti 6:11

Yi siiga bi nitianba den tie laa nibuolu, ama U Tienu ŋuudi yi, ki gagidi yi, ki teni ke yi tua niteginkaaba o Diedo Jesu Kilisiti yeli leni ti Tienu Fuoma po.

Kolosi 1:14

O yaa niinne ke ti pia mi daafaabima leni ti tuonbiadi sugili.

1 Timote 2:6

Wani n den puni o yuli ki kpe, ki pani mi faabima panli bi niba kuli po. Laa siedi n den tieni u yogunu n den pundi.

Titi 2:14

O den puni o yuli ki kpe ti po, ki baa daa ki faabi ti leni mi biadima kuli, ki ŋuudi ki ŋanbi ti, tin tua wani n die yaaba, yaaba n baa yaa pia li yankuali a tuonŋama po.

Mi Doagidima 5:9

Bi den yiini bu yanpanbu ki tua: «A pundi ki gaa li tili ki tabidi mi maalima, Kelima bi den kodi a, Ke a daa bi niba U Tienu po leni a soama. Lani, a faabi ba i buoli leni i mabuoli kuli nni, Ki go faabi ba i nibuoli leni mi diema kuli siiga.

Mi Doagidima 7:14

N den guani ki yedi o: «Canbaa, fini n bani!» O den yedi nni: «Bi tie yaaba n ñani o falaciamo nni, bi ŋuudi bi liadiciama ki Pebiga soama nni, ki pendi a.