LOMA YAABA 3:21 - U TIENU MAAMA TILI 2013

²¹ Moala po, U Tienu n saa i moamoani maama ke bi nisaaliba tiegi doagidi, ke li naa ŋoadi li bali maama kubima. Li bali maama leni bi saawalipuaba kuli tieni lipo siedi.

Gourmanchéma Bible

²¹ Moala po, U Tienu n saa i moamoani maama ke bi nisaaliba tiegi doagidi, ke li naa ;noadi li bali maama kubima. Li bali maama leni bi sawalipuaba kuli tieni lipo siedi.

LOMA YAABA 3:21 ပူးပေါင်းရင်းမြစ်များ

Mi cilima 15:6

Abalama den daani o Diedo yedima, lani yaa po o Diedo den coadi o po la ke li tie teginma.

Esayi 46:13

N teni ke n teginma nagini. Maa go ye foagima. Li kan go waagi ke n faabima baa cua. N baa kuani ma Siyon nni, Ki pa Isidayeli yaaba n jigidi.

Esayi 51:8

Kelima ti lulugidi baa bolini ba, Nani ti tiadi yeni. I nanboe mo baa bolini ba, Nani ti pekobidi yeni. Ama n teginma baa waagi ki ye Hali yaa yogunu kuli. N faabima mo baa yaa ye nifiima n tuu nifiima.

Esayi 54:17

Ama ban tagi yaa jatiagu Ki koani leni a kuli kan fidi a, Yaa lanbu n buni leni a ti buudi kuli, A baa maadi ki guli bu. Lani n tie o Diedo naacenba faali, Lani n tie ban baa ke o Diedo saa bi po yaa moamoani. O Diedo n yedi yeni.

Esayi 61:10

N baa mangi n pali o Diedo po, N pali baa mangi n Tienu po hali lan kandi, Kelima o lani nni mi faabima tiadi, Ki golini nni mi teginma kpalibu, Nani o puocaano calo n bobi, Bi nani o kopadiciamo n bobi, Bi nani o puocaano n yie o tiadi maama yeni.

Jeremi 33:16

Lanyogunu Juda baa baa mi faabima, Jerusalemi mo n yaa pia mi yanduanma. Ban baa yaa yi Jerusalemi maama nne: “O Diedo tie ti teginma.”

Danieli 9:24

Li bili binalele taalima piilele a buolu leni a dogagidiko po. Lanyogunu bili ke mi yiema n gbeni, Ke mi tudima n baa u bianu, Ke ti tuonbiadi n baa sugili, Ke yaa teginma n baa yaa ye hali yaa yogunu kuli N doagidi ke li bonlekaala leni U Tienu saawalipuaba Den soagini yaala kuli n tieni, Ke u kaangagidiŋanmoanu mo n go gagidi.

Luki 24:44

Lani, o den yedi ba: «Line n tie min da den ye leni yi ki wangi yi yaala, ke li tie tiladi ke yaala n diani ki bili n po Musa bali maama nni, bi saawalipuaba leni Pisomi tila nni kuli, n tieni ki dudi.»

Jan n diani U Tienu Laabaaliŋamo maama 1:45

Filipi den tuogi Natanayeli ki yedi o: «Ti laa ban maadi yua yaa maama, Musa n den diani yua yaa po li bali maama nni leni bi saawalipuaba n den diani yua po, lani n tie Jesu, Nasareti yua Josefi bijua.»

Jesu Tondiba Tuona 10:43

Bi saawalipuaba kuli maadi o maama, ki yedi ke yua n tuo ki daani o kuli baa baa sugili o tuonbiadi po, kelima o yaa yeli po.»

Jesu Tondiba Tuona 15:11

Ama, ti daani ke ti faabi kelima ti Diedo Jesu ŋanbili po, nani bani moko yeni.»

Jesu Tondiba Tuona 26:22

Ama kelima U Tienu todima po n ye hali dinla ki tiendi siedi taliginba leni bi paatieba kuli po. Min yedi yaala taa yenma leni bi saawalipuaba leni Musa kuli n den pua saawali ke yaala n baa tieni yeni po, mii pugini lipo liba.

Jesu Tondiba Tuona 28:23

Bi den bili ban baa guani ki taani yaa daali. Li daali n pundi, bi niba den taani wan cani naani ki yabi. Bi den cua ku tiŋaagu ke Poli den maadi leni ba, ki yaa caa hali ku yenjuagu, ki bundi bi po, ki tiendi siedi ke U Tienu diema pundi. O den togidi ba yaala n diani Musa bali maama nni leni bi saawalipuaba tila nni, ki maadi Jesu maama, ki moandi ki baa dadi bi yama ban tuo ke Jesu maama tie moamoani.

LOMA YAABA 1:17

O Laabaaliŋamo yeni doagidi U Tienu n saa bi nisaaliba po i moamoani ke bi tiegi maama, kelima li dandanli po leni li dandanli bebe yaa po, nani lan diani maama: «O niteginka baa yaa ye, kelima o dandanli yaa po.»

LOMA YAABA 1:2

Hali yogu, U Tienu den niani u ñoanianu o Laabaaliŋamo po, ki teni ke o saawalipuaba diani o i Diani yi n gagidi ki ŋani nni.

LOMA YAABA 16:26

U Tienu yua n ye yogunu kuli ñani o ñoamabonli, ki yedi ke o bondoaginkaala n doagidi i nibuoli kuli po, kelima o saawalipuaba n diani yaa tila po. U Tienu tieni yeni ki bua ke i nibuoli kuli n tuo li dandanli.

LOMA YAABA 3:28

Ti sua ke o nilo baa baa li moamoansaali kelima li dandanli yaa po, ke laa tie li bali maama kubima yaa po.

LOMA YAABA 5:19

Nani niyendo yaa yiema n den teni ke bi niba boncianla tua ti tuonbiadi danba maama, li go tie yeni, niyendo yaa tuoma baa teni niba boncianla n baa li moamoansaali.

LOMA YAABA 5:21

Lanwani, nani ti tuonbiadi n den die bi niba ki teni ke bi ku maama, U Tienu ŋanbili mo diedi bi niba yene, kelima U Tienu saa bi po moamoani ke bi tiegi. Lani yaa po o kuani ba yaa miali n kan gbeni nni, kelima ti Diedo Jesu Kilisiti yaa po.

LOMA YAABA 9:30

Lanwani, ti baa yedi lede? Yaa nibuoli n kaa tie Isidayeli yaaba kaa lingi mi teginma, bani n baa li moamoansaali kelima li dandanli yaa po.

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie ti po mi yanfuoma, mi teginma, mi gagidiŋanma leni mi daafaabima.

2 Korenti 3:9

Li yaa tie ke ti buudi cuonu tuona den pia laa kpiagidi, laa pia kuli tama ke li moamoansaali yaa tuonli baa yaa pia ti kpiagidi hali boncianla ki cie.

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba po, ke timo n baa ki tua o yaa niinni U Tienu niteginkaaba.

Galati 3:8

I Diani nni li den tuodi ki waani ke U Tienu baa saa bi nilanba po moamoani kelima bi dandanli po. Lani yaa po, o den tuodi ki waani Abalahama yaa laabaaliŋamo n tie ne: «I nibuoli kuli baa li seli kelima a yaa po.»

Galati 5:5

Ama tinba, li tie li dandanli leni U Tienu Fuoma paalu po yo ke ti guu ki daani ke ti baa li moamoansaali.

Filipi 3:9

Mii go pia n yuli po yaa moamoansaali n ñani li bali maama kubima nni, ama yaali n baadi, kelima li dandanli Kilisiti nni yaa po. Li tie yaa moamoansaali n ñani U Tienu kani, ki ŋua leni li dandanli.

1 Pieri 1:10

Bi saawalipuaba yaaba n den pua saawali, U Tienu n bili yi po yaa ŋanbili po, den lingi ki buali, ki bua ki bandi laa tindima maama fuuli.

2 Pieri 1:1

Mini Simon Pieli, Jesu Kilisiti naacemo leni o tondo, n diani li tili yi po, yinba yaaba n taa leni ti ki baa yaa dandanli n tie bonmoanla, kelima ti Tienu leni Jesu Kilisiti ti Candaano teginma po.