LOMA YAABA 2:9 - U TIENU MAAMA TILI 2013

⁹ Yaaba n tiendi mi biadima kuli, ki cili Jufinba, ki ŋoadi bi nilanba, baa le fala leni ti yanyagidi.

Gourmanchéma Bible

⁹ Yaaba n tiendi mi biadima kuli, ki cili Jufinba ki ŋoadi bi nilanba, baa le fala leni ti yanyagidi.

LOMA YAABA 2:9 ပူးပေါင်းရင်းမြစ်များ

2 Bi Badiba Jama 6:23

fini yua n ye hali tanpoli, ŋan jagi ki jia ti buudi a naacenba po. Ŋan cuo i tagili daano, ki teni o tagili n guani ki baa o yuli po. Ŋan saa o niteginka po i moamoani, ki guani o mo nani o teginma n tie maama.

Pisomi 32:10

O nibiado fala yabi, Ama o Diedo ŋanma Baa lindi yua n dugi o po.

Mi Kpanjama 11:23

Bi niteginkaaba bua yaala n ŋani bebe, Ke U Tienu pabienli mo bili ki guu bi nibiadiba.

Esekieli 18:4

Mini n die yuakuli miali, bibaa miali leni ki biga miali, mini n die laa mialieda kuli. Yua n tieni ti tuonbiadi, wani n baa kpe.

Esekieli 22:31

Lani n teni ke n wuli bi po n pabienli, ki bolini ba leni n pabienli mu. N baa teni bi tuona n guani ki baa bi yula po. Mini o Diedo, U Tienu n yedi yeni.»

Amosi 3:2

«N den gandi yinba bebe Ki tinga nibuoli kuli siiga. Li tie lani yaa po yo, ke n baa cuo yi u cuonbiadu Yin tieni yaa tudima kuli po.

Matie 16:26

O nilo yaa baa ki diedi ŋanduna kuli ke o naano nan bodi, li baa ŋanbi o po be? Bi o nilo baa pa be ki lebidi o naano?

Luki 24:47

Bi baa cili Jerusalemi na ki yadi ki gedi i nibuoli kuli po, ki ban yaa wangi ke bi niba n lebidi bi pala, ki baa sugili bi tuonbiadi po.

Jesu Tondiba Tuona 11:18

Yaaba n den funi leni o yeni n den gbadi li maama fuuli, bi den cedi, ki kpiagi U Tienu ki yedi: «Lanwani, U Tienu puni bi nilanba moko ke bi baa u sanu ki lebidi bi pala, ki baa li miali.»

Jesu Tondiba Tuona 13:26

N kpiiba, yinba Abalahama puoliŋuani leni yi siiga yaa nilanba n ŋoadi U Tienu ki fangi o kuli, li tie tinba yaa po yo, ke U Tienu soani o tondu, yuu n tie o tindima maama.

Jesu Tondiba Tuona 20:21

N den wangi Jufinba leni Girekinba kuli, ke ban lebidi bi pala U Tienu po, ki tuo ki daani ti Diedo Jesu.

Jesu Tondiba Tuona 26:20

N den kpa wangi Damasi yaaba, ki yuandi ki wangi Jerusalemi yaaba leni Jude diema nni yaaba kuli. N go den wangi bi nilanba moko, ke ban lebidi bi pala ki ŋoadi U Tienu, ki yaa tuuni yaa tuona n doagidi ke bi lebidi.

Jesu Tondiba Tuona 28:17

Danataa n den pendi, Poli den yini Jufinba nikpiaga kuli. Ban den taani, o den yedi ba: «N kpiiba, mii tieni liba ti buolu po, mii yie ti yaajanba bogida mo. Ba yeni, bi den kuani nni li kpaadidieli nni Jerusalemi, ki go teni nni Loma yaaba.

Jesu Tondiba Tuona 28:28

Poli go den pugini ki yedi: «Lanwani, yin bandi ke U Tienu ji soani o tindima maama yeni bi nilanba po yo. Bani wani baa cengi.» [

Jesu Tondiba Tuona 3:26

U Tienu den cuani o naacemo Jesu ki kpa soani o yinba yaa kane, ke wan seligi yi, ki teni yuakuli n lebidi ki ŋaa o tuonbiadi.»

LOMA YAABA 1:16

Mii jie i fe o Laabaaliŋamo wangima po. Li tie U Tienu paalu yaaba n daani kuli yaa tindima po, ki cili Jufinba, ki ŋoadi bi nilanba.

LOMA YAABA 10:12

Lanwani, mi gagidima ki ye Jufi leni yua n kaa tie Jufi siiga, bikuli taa Diediyendo, wani yua n seligidi yaaba n jaandi ki miadi o kuli boncianla.

LOMA YAABA 2:10

Ama yua n tiendi yaala n ŋani, ki cili Jufinba, ki ŋoadi bi nilanba, U Tienu baa pa ba ti kpiagidi, ti jigidi leni mi yanduanma.

LOMA YAABA 8:35

Ŋme n baa paadi ti leni Kilisiti yaa buama? Fala bi? Ti yanyagidi bi? O falabiado bi? Mi koma bi? Mi luoma bi? Yaa fala n baa fidi ki cuani mi kuuma bi? Bi ki jugisiega n baa paadi ti leni o buama?

LOMA YAABA 9:24

Lani n tie tinba, wan yini yaaba. Waa yini ti yaaba n tie Jufinba siiga bebe ka. Ama o go yini ti yaaba n kaa tie Jufinba moko siiga.

Galati 3:28

Mi gagidima naa go ye Jufinba leni bi nilanba siiga, i yonbi leni yaaba n die bi yula siiga, bi jaba leni bi puoba siiga, kelima yikuli tie yenma Jesu Kilisiti nni.

Kolosi 3:11

Laa tagipaanu nni, mi gagidima ki go ye bi nilanba leni Jufinba siiga, a junga leni a jifola siiga, yaaba n cogi leni yaaba n kaa cogi siiga, i yonbi leni yaaba n die bi yula siiga. Ama Kilisiti n tie likuli, ki go ye bikuli nni.

2 Tesaloniki 1:6

U Tienu nua ke li tiegi ke wan faligi yaaba n faligidi yi moala.

1 Pieri 4:17

U yogunu pundi ke ti buudi baa cili leni U Tienu diegu. Lanwani, li yaa tie ke ti buudi cili leni tinba, yaaba n yie kaa tuo ki tiendi U Tienu Laabaaliŋamo n yedi yaala mo yaa juodima baa yaa tie lede?