LOMA YAABA 2:5 - U TIENU MAAMA TILI 2013

⁵ Ama, a juagi a pali, ki naa tuo ki lebidi. Li tie lani yaa po ke U Tienu baa doagidi o pabienli, wan baa jia bi niba buudi leni mi teginma yaa daali. Lani, a baa cuani a yuli po yaa cuonu n bia ki cie.

Gourmanchéma Bible

⁵ Lanwani a juagi a pali, ki naa tuo ki lebidi. Li tie lani yaa po ke U Tienu baa doagidi o pabienli wan baa jia bi niba buudi leni mi *teginma yaa daali. Lani, a baa cuani a yuli po yaa cuonu n bia ki cie.

LOMA YAABA 2:5 ပူးပေါင်းရင်းမြစ်များ

2 Bi Badiba Jama 30:8

Moala, yin da juagi mani yi tuli nani yi yaajanba yeni. Yaa fangi mani o Diedo, ki lebidi ki guani o diegu kani, wan den gagidi ki ŋanbi yaagu yaa yogunu kuli po, ki yaa tuuni o Diedo yi Tienu po, ke o pabienli yaali n nani u mu yeni n da jiidi yi po.

2 Bi Badiba Jama 36:13

O den fiini mi yiema ba o bado Nebukanesa po, yua n den cedi ke o poli hali U Tienu po. O den yaani o yuli, ki juagi o pali, kaa bua ki lebidi ki guani o Diedo Isidayeli Tienu kani.

Jobi 21:30

Mi yebiadima daali o nibiado baa cia. U Tienu pabiencianli daali mo, liba kan tieni o.

Pisomi 110:5

O Diedo ye a jienu, O pabienli daali mo, O baa ŋmaa ki midi bi badiba.

Pisomi 95:8

Yin da juagi yi pala nani Meriba kani, Nani yin den ye Masa kani yaa daali, Mi fanpienma nni yeni.

Mi Ñama 14:17

Nmo baa teni Ejipiti yaaba pala n juagi, ban ŋoadi ba mi ñima nni. N baa guli Faraon, o toatieba, o teliti leni o tandanba kuli, ki teni n kpiagidi n gedi foagima.

Mi Ñama 32:34

Ŋan gedi moala ki ban ciani ku niligu, min den waani a naankani. N maleki baa kua a liiga ki yaa cangi a. Ama n pantuuli daali yaa cua, n baa guani ba bi tuonbiadi panpaani, ki tundi ba tundifala bi tuonbiadi po.»

Mi Ñama 8:15

Bi ñoagidanba den yedi Faraon: «Li tie U Tienu nuu yaa tuonle.» Faraon pali den juagi ke waa den cengi Musa leni Alono maama, nani o Diedo n den yedi maama.

Mi Kpanjama 1:18

Bi dia bi yula yo ti dadi, Bi janbi goa ki ñiadi ba.

Mi Kpanjama 11:4

Li pabienli daali, mi piama ki tie puu kuli. Ama mi teginma faabidi leni mi kuuma.

Mi Kpanjama 28:14

Li pamanli ye leni yua n ye Li fangili nni yogunu kuli! Ama yua n juagi o pali wani, Fala baa nandi o.

Mi Kpanjama 29:1

Ban tundi yua yogunu kuli ke o yiedi, Bi baa ti pua ki mudi o yenme, Ke laa pia ñoagu.

O Yanfuodaano 12:14

U Tienu baa jia ti bontienkaala kuli buudi, ba yaala n wuo, li yaa ŋani leni li yaa bia kuli.

Esayi 48:4

Ama nani min bani ke yi tie nipaaba, Ke yi tuli mo tie nani i kudopandi, Ke yi yutuna mo tie nani ti kumoandi yeni,

Jeremi 40:3

O Diedo teni ke wan den maadi yaala yaa maama cua. O tieni wan den yedi yaala, kelima yi tieni ti tuonbiadi o Diedo po, ki naa cengi o maama. Lani n teni ke wan den yedi yaala kuli nandi yi.

Esekieli 11:19

N baa pa ba payenli. N baa kuani bi niinni yantiayenli, n baa ñani bi pali yaali n juagi nani li tanli yeni, ki pa ba yaa pali n dingi.

Esekieli 3:7

Ama bani Isidayeli yaaba, bi kan cengi a, kelima baa bua ki cengi nni. Bikuli tuli pa, ke bi pala mo juagi.

Danieli 5:20

Ama wan den fiini o yuli, ki juagi o pali, ki cuoni leni ti japaadi yaa yogunu, bi den gaa o bali, ki fie o kpiagidi.

Ose Tili 13:12

Efrayimi buolu tagili diani ki bili, Bi tuonbiadi mo kan bodi hali abada.

Amosi 3:10

O Diedo yedi: «Samari yaaba ki bani ki tieni yaala n tiegi. Bi dogindi bi dieŋama nni ban tiendi u paalu ki fenli yaala.»

LOMA YAABA 1:18

U Tienu pabienli doagidi tanpoli po, ki baa cuo yaaba n yie o, ki tiendi yaala n ki tiegi kuli, bani yaaba n moandi ki ñii i moamoani leni bi biadima.

LOMA YAABA 11:25

N kpiiba, mii bua yaa bondoaginkaala n tie ne n yaa boani yi. Yin da nua yi yula ke yi tie yanfuodanba. Laa bondoaginkaala tie ke Isidayeli buolu siiga, bi tianba pala juagi hali bi nilanba n baa kua U Tienu tindima nni ki pundi ki dagidi cain.

LOMA YAABA 9:22

U Tienu mo den bua ki doagidi o pabienli ki teni bi niba n bandi o paalu. Lani yaa po, o den juuni ke li waagi leni yaa niba n tie nani yaa tiadi n tie li tuonfanli po, bani yaaba n den pundi U Tienu n cuo ba ki bolini ba.

2 Korenti 5:10

Li tie tiladi ke tikuli n sedi Kilisiti bujiali kaanu kani, ke yuakuli n gaa wan den ye o gbanandi nni ki tiendi yaala yaa panpaani, lan tie yaala n ŋani bi yaala n bia.

Mi Tiadima 2:30

Ama Sihoni Hesibon bado, naa den bua ki tuo tin tagini o diema nni, kelima o Diedo yi Tienu n teni ke o yantiali paagi, ki juagi o pali mo, ki ŋaa o yi nuu nni, nani yin nua maama dinla yeni.

Mi Tiadima 32:34

Naani lani kuli ki wuo n yaa kani, Ki luo ki bili n ŋalimankaanu ka?

2 Tesaloniki 1:5

Likuli tie siedi ke U Tienu buudi tiegi. O sua ke yi dagidi U Tienu diema po, yin laadi fala moala yaama yaa po.

Hebilunba 3:13

Ama hali tin da ye i Diani n yini yaa yogunu: «Dinla» yeni, tin yaa paagidi tiyaba pala, ki da tuo ti tuonbiadi boandi n juagi ti pala.

Hebilunba 3:15

Nani lan yedi moala ne maama: «Dinla, yi yaa gbadi o nialu, Yin da juagi yi pala, Nani yi yiema yogunu yeni.»

Hebilunba 4:7

Lani yaa po, U Tienu go bili datoali, ki yi li: «Dinla.» Li waagi ke o den ti maadi li maama Davidi ñoabu nni, nani lan kpa yedi maama: «Dinla, yi yaa gbadi o nialu, Yin da juagi yi pala.»

Jaki 5:3

I tantonmoani biidi yi wula leni yi ŋanjilifa. I tantonmoani yeni baa fii ki sedi yi po, ki kuli yi, ki bolini yi gbanandi nani u mu yeni. Yi dogini dogini yi ŋalimano a juodidana nni.

Josue 11:20

O Diedo den teni ke bi juagi bi pala, ki tuogi leni Isidayeli yaaba bu toabu, ke bani Isidayeli yaaba kpa ba, ki bolini ba cain, kaa gbadi bi po ninñima, nani o Diedo n den puogi Musa maama.

2 Pieri 2:9

Lani kuli yaa po, ti laa ke o Diedo bani ki faabi yaaba n fangi o leni mi biigima, ki go bani ki sieni yaaba n ki tiegi, ki faligi ba ti buudi daali.

2 Pieri 3:7

U Tienu maama yeni baa yaa kubi tanpoli leni yaa tinga n ye moala, ki sieni la u mu po, hali ti buudi daali leni U Tienu yiekaaba bolinma daali.

Jude 1:6

Yaa malekinba n naa den kubi ban pia yaa bali, ki ŋaa bi yekaanu, U Tienu kpaa ba yaa kpaadi n baa yaa ye hali yaa yogunu kuli, ki kubi ba li biigili nni, hali ti buudi dacianli n cua.

Mi Doagidima 2:21

N den puni o u yogunu wan lebidi o yama, ama waa bua ki lebidi o yama o conconma po.

Mi Doagidima 6:17

kelima bi pabienli dacianli pundi. Ŋme n baa fidi ki yaa ye?»

1 Samueli 6:6

Be yaa po ke yi baa juagi yi pala nani Ejipiti yaaba leni Faraon n den juagi bi pala maama yeni? U Tienu n den soani o buudi bi kani yeni daa, baa den cabi Isidayeli yaaba ke bi ñani te?