LOMA YAABA 2:29 - U TIENU MAAMA TILI 2013

²⁹ Yua n tie Jufi moamoani, tie yua n tie yeni hali o pali tugu nne. Ku koanciagu moko ŋua U Tienu Fuoma n tieni yaala o nilo pali nni, ke laa ŋua li bali maama. Yua n tie Jufi moamoani naa baadi ti pagidi bi niba kani ka, ama U Tienu kani.

Gourmanchéma Bible

²⁹ Yua n tie Jufi moamoani, tie yua n tie yeni hali o pali tugu nni. Ku koanciagu moko ;nua U Tienu Fuoma n tieni yaala o nilo pali nni, ke laa ;nua li bali maama ka. Yua n tie yeni naa baadi ti pagidi bi niba kani ka, ama U Tienu kani.

LOMA YAABA 2:29 ပူးပေါင်းရင်းမြစ်များ

1 Bi Badiba Jama 29:17

N Tienu, n bani ke a biigidi O nisaalo pali ki bua mi teginma. N puni a yaa paabu n tie ne kuli leni ti bulicindi leni ku yantugupiengu. N go laa moala leni li pamanli a niba yaaba n ye nekanba n puni a bi paabu leni yaa bulicindi.

Pisomi 45:13

Tiiri diema niba, yaaba n pia boncianla, Baa cuani a po bu paabu ki lingi a nunmanga.

Jeremi 4:14

Jerusalemi, ñani a pali nni mi biadima, Lani n tie ŋan baa mi faabima. Hali u laa yogunu yo, ke a baa waagi Ki kubi a pali nni ti yantiabiadi?

Jeremi 4:4

Kua mani ku koanciagu o Diedo po. Yinba Juda leni Jerusalemi yaaba, Lebidi mani yi pala. Lani n tie n pali n da be, Ki cuo nani u mu yeni, Ki cuo yaa cuoma ke bi kan fidi ki gbindi u, Kelima yi tuadibiada n gundi maama po.

Jeremi 9:25

Bani n tie ne: Ejipiti yaaba, Juda yaaba, Edomi yaaba, Anmoni buolu, Moabi yaaba leni yaaba n yen kugini Ki kuo bi langbiadi kuli, Yaaba n ye mi fanpienma nni, Kelima i nibuoli kuli pala naa lebidi. Isidayeli yaaba mo pala tie jifola yo.

Luki 11:39

O Diedo den yedi o: «Yinba Farisieninba, yi yen ŋuudi ki ŋanbi ki tadiñokaaga leni ku saajetadigu kuli puoli po, ama yi tugu nni nan gbie leni yin fenli yaala leni yin tiendi yaa biadima.

Luki 17:21

Bi kan yedi: ‹Mi ye ne,› yaa ka: ‹Mi ye napo.› U Tienu diema ye yi siiga ba moala.»

Jan n diani U Tienu Laabaaliŋamo maama 12:43

Bi den tieni yeni, kelima bi den bua bi niba pagidi ki cie U Tienu yaadi.

Jan n diani U Tienu Laabaaliŋamo maama 4:23

Ama u yogunu kpendi, u pundi ba moala, ke yaa niba n kpiagidi Baa U Tienu moamoani, baa yaa kpiagidi o bi pala nni leni i moamoani. Baa U Tienu lingi yaaba n baa yaa kpiagidi o yene.

Jan n diani U Tienu Laabaaliŋamo maama 5:44

Yi tuo ki baadi ti kpiagidi yiyaba kani, ama yii lingi yaa kpiagidi n ñani U Tienu yua n ki pia lielo kani. Yin tiendi maama yeni, yi baa gaa lede ki dugi n po?

LOMA YAABA 14:17

U Tienu diema naa tie mi jiema leni li bonñokaala bebe ka. Ama, mi teginma, mi yanduanma leni li pamanli, U Tienu Fuoma Yua n teni ke ti pia yaala.

LOMA YAABA 2:27

Yua n tie jifolo buolu yaa tiendi li bali maama n bili yaala, o baa bu ki cuo ŋa, fini yua n pia li bali maama leni ku koanciagu, ki nan miidi li bali maama.

LOMA YAABA 3:1

Lanwani, Jufinba pia be ke li teni ke bi cie yaa nibuoli n sieni? Bi koanciagu mo pia be yaa fuome?

LOMA YAABA 7:6

Ama moala, ti faabi leni li bali maama, kelima ti kpe, ki paadi leni yaala n den kpa luo ti nani a kpaada yeni. Lani yaa po, U Tienu Fuoma gobidi ti, ke ti tuuni U Tienu po leni yantiapanli. Laa yantiali ki go taa leni yaali n den ñani li bali maama nni.

1 Korenti 4:5

Lani yaa po, yin da ja ti buudi liba kuli po, hali ke li yogunu daa pundi. Yaa guu mani o Diedo cuama, wani yua n baa yendi yaala n wuo li biigili nni, ki go doagidi yaala n den wuo a pala nni. Lanyogunu, nilo kuli baa baa U Tienu kani lan pundi wan baa yaa pagidi.

1 Korenti 7:19

O nilo yaa kua leni o yàá kua, laa tie puu, ama U Tienu mabilikaama kubima n tie likuli.

2 Korenti 10:18

Laa tie yaa nilo n tieni o yuli siedi ka, baa baa o Diedo n saa o po i moamoani. Ama o Diedo n tieni yua yaa po siedi n baa baa wan saa o po i moamoani.

2 Korenti 3:6

Wani n teni ke ti dagidi ki tua o Ŋantaadipaano tuonsoanba ke laa ŋua leni ban den diani yaa bali maama, ama ke li ŋua leni U Tienu Fuoma. Ban den diani yaa bali maama kpendinni mi kuuma, ama mi Fuoma puuni li miali.

Mi Tiadima 10:16

Lebidi mani yi pala, ki da go tie tupaali danba.

Mi Tiadima 30:6

O Diedo yi Tienu baa kuani yinba leni yi puoliŋuani pala ku koanciagu, ke yin bua o Diedo yi Tienu leni yi pala kuli leni yi yama kuli, lani n tie yin fidi ki yaa ye.

Filipi 3:3

Tinba n tie a jungimoana, yaaba n kpiagidi U Tienu kelima o Fuoma po, ki jigini ti yula Jesu Kilisiti nni, ki naa bili ti dugidi ti gbanandi nni.

1 Tesaloniki 2:4

Yeni ka, ti den maadi nani U Tienu n bua tin maadi maama, kelima o biigi ti ki sua ke ti dagidi wan piani ti o Laabaaliŋamo. Lanwani, tii maadi ki bua ki yaa mangidi bi niba pala ka. Ti maadi ki bua ki yaa mangidi wani U Tienu yaa pale, wani yua n bigidi a pala.

1 Pieri 3:4

Ama lan yaa tie yaa ŋamu n wuo yi pala nni ki kan yindi, lani n tie mi dingima leni mi yansoangima, U Tienu n nua yaama ke mi pia mayuli boncianla.

1 Samueli 16:7

Ama o Diedo den yedi Samueli: «Ŋan da diidi o bugima leni wan foagi maama. Mii gandi wani ka. Mini U Tienu, mii nua ki biigidi nani o nisaalo n nua ki biigidi maama ka. O nisaalo nua i nuni n laa yaale, ama mini o Diedo nua li pali nne.»