LOMA YAABA 2:16 - U TIENU MAAMA TILI 2013

¹⁶ Lani n baa doagidi, U Tienu n baa teni Jesu Kilisiti n jia bi nisaaliba n wuoni yaala kuli buudi yaa daali. Min wangi yaa Laabaaliŋamo moko yedi ke li baa yaa tie yeni.

Gourmanchéma Bible

¹⁶ Lani n baa doagidi U Tienu n baa teni Jesu Kilisiti n jia ti buudi leni bi nisaaliba n wuoni yaala kuli yaa daali. Min wangi yaa Laabaali;namo moko yedi ke li baa tie yeni.

LOMA YAABA 2:16 ပူးပေါင်းရင်းမြစ်များ

Mi cilima 18:25

A kan tuo o niteginka n taani ki kpe leni o nibiado. A kan tuo o niteginka n tua yenma leni o nibiado. Laa tuonli buolu foagi leni a. Li foagi leni a cain. Naani yua n ja ti buudi leni ki tinga yaaba kuli, o kan tieni mi teginma?»

Pisomi 50:6

Tanpoli baa kpaani o teginma Kelima U Tienu n tie o bujialo. Joma

Pisomi 96:13

Leni li pamanli o Diedo nintuali, Kelima o kpendi. O kpendi ki baa jia ti buudi ki tinga nni. O baa jia li ŋandunli buudi leni mi teginma, Ki jia i nilanbuoli buudi mo leni i moamoani.

Pisomi 98:9

Leni li pamanli o Diedo nintuali, Kelima o kpendi ki baa jia ki tinga buudi, O baa jia ŋanduna buudi leni mi teginma, Ki jia i nibuoli buudi mo ke li tiegi.

O Yanfuodaano 11:9

Fini o jawaalo, ŋan mangi a pali a jawaama yogunu. Ŋan yaa ye mi yemanma nni a panma dana nni. Ŋan tieni a pali n bua yaala kuli, yaala n mani a kuli, ŋan tieni la. Ama ŋan yaa bani ke U Tienu baa ti bu leni a bontienkaala kuli po.

O Yanfuodaano 12:14

U Tienu baa jia ti bontienkaala kuli buudi, ba yaala n wuo, li yaa ŋani leni li yaa bia kuli.

O Yanfuodaano 3:17

N den yedi n pali nni: U Tienu baa bu leni yua n tiegi, ki go bu leni yua n bia mo, kelima bonla kuli pia li yogunu. Bi baa jia bontienkaala kuli buudi.

Matie 16:27

O Joa Bijua baa ti cua leni o Baa kpiagidi ki yegi leni o malekinba. Lanyogunu o baa guani yuakuli nani o tuona n tie maama.

Luki 8:17

Liba kuli ki ye ki wuo ki kan wuodi. Liba kuli ki ye ki duagi ki kan doagidi bi niba n bandi.

Jan n diani U Tienu Laabaaliŋamo maama 12:48

Yua n yie nni kaa gaa n maama kuli, pia o bujialo. Min den maadi yaa maama yeni, mani n baa bu leni o li juodidaali.

Jesu Tondiba Tuona 10:42

Wani Jesu den puogi ti ke tin yaa wangi bi niba o Laabaaliŋamo, ki yaa tiendi siedi ke U Tienu dini o li bali, ke wan yaa tie o bujialo yaa niba n fo leni yaaba n kpe kuli po.

Jesu Tondiba Tuona 17:31

Wani U Tienu bili ti buudi daali, wan baa jia ŋanduna yaaba kuli buudi yaa daali leni mi teginma. O gandi o nilo, ki bili ke o baa jia laa buudi. O saa i moamoani ke li baa tieni yeni leni wan fiini yaa nilo bi tinkpiba siiga.»

LOMA YAABA 16:25

Tin yaa kpiagidi U Tienu, wani yua n baa fidi ki teni yin yaa se ke li pa o sanŋoadima nni, nani min wangi yaa Laabaaliŋamo, ki doagidi Jesu Kilisiti, n yedi maama. N wangi o nani U Tienu bondoaginkaala, yaala n den duagi ŋasiili nni hali yogu. Laa bondoaginkaala doagidi moala.

LOMA YAABA 2:5

Ama, a juagi a pali, ki naa tuo ki lebidi. Li tie lani yaa po ke U Tienu baa doagidi o pabienli, wan baa jia bi niba buudi leni mi teginma yaa daali. Lani, a baa cuani a yuli po yaa cuonu n bia ki cie.

LOMA YAABA 3:6

Yeni ka! Li yàá tie yeni, U Tienu baa gaa lede ki jia ŋanduna buudi?

1 Korenti 15:1

N kpiiba, n bua ki go tiadi yi min den kpa waani yi yaa Laabaaliŋamo, yin den gaa yua, ki se lienni bonŋanla.

1 Korenti 4:5

Lani yaa po, yin da ja ti buudi liba kuli po, hali ke li yogunu daa pundi. Yaa guu mani o Diedo cuama, wani yua n baa yendi yaala n wuo li biigili nni, ki go doagidi yaala n den wuo a pala nni. Lanyogunu, nilo kuli baa baa U Tienu kani lan pundi wan baa yaa pagidi.

2 Korenti 5:10

Li tie tiladi ke tikuli n sedi Kilisiti bujiali kaanu kani, ke yuakuli n gaa wan den ye o gbanandi nni ki tiendi yaala yaa panpaani, lan tie yaala n ŋani bi yaala n bia.

Galati 1:11

N kpiiba, n kadi ki waani yi ke min den waani yi yaa Laabaaliŋamo ki ñani bi nisaaliba kani ka.

1 Timote 1:11

Laa bangiŋanma ŋua o Laabaaliŋamo, U Tienu yua n pundi ki yaa baadi ti kpiagidi ki go pia mi yemanmoanma n piani nni yua.

2 Timote 2:8

Ŋan yaa tiani Jesu Kilisiti po, yua n den fii bi tinkpiba siiga, wani yua n tie Davidi puoliŋuanu, nani min wangi yaa Laabaaliŋamo n yedi maama.

2 Timote 4:1

N teni a yaa ñoamabonli n tie ne U Tienu nintuali leni Jesu Kilisiti yua n baa jia ti buudi leni yaaba n fo leni yaaba n kpe kuli nintuali, ki puogi a kelima o cuama leni o diema kuli po,

2 Timote 4:8

Ba moala bi bili n po mi teginma badifogiliga, o Diedo yua n tie o bujiateginka n baa pa nni yaaga o guacuama daali. O kan pa mini nbebe ka, ama yaaba n den bua o guacuama kuli.

Hebilunba 9:27

Nani lan bili ke nisaalo kuli baa kpe yenma maama, li yaa pendi ti buudi n cua,

1 Pieri 4:5

Ama bi baa togidi bi tuona kuli, wani yua n bogini ki baa jia yaaba n fo leni yaaba n kpe kuli buudi.

2 Pieri 2:9

Lani kuli yaa po, ti laa ke o Diedo bani ki faabi yaaba n fangi o leni mi biigima, ki go bani ki sieni yaaba n ki tiegi, ki faligi ba ti buudi daali.