LOMA YAABA 16:27 - U TIENU MAAMA TILI 2013

²⁷ Jesu Kilisiti po, tin yaa kpiagidi U Tienu, kelima wani bebe n pia mi yanfuoma kuli. Tin yaa kpiagidi o hali yaa yogu n tuu yaa yogu. Amina!

Gourmanchéma Bible

²⁷ Tin yaa kpiagidi U Tienu, Wani yua bebe n pia mi yanfuoma kuli, Kelima Jesu Kilisiti po. Tin yaa kpiagidi o hali yaa yogu n tu yaa yogu. Amina!

LOMA YAABA 16:27 ပူးပေါင်းရင်းမြစ်များ

Pisomi 147:5

Ti Diedo yabi, O fidu mo yabi hali boncianla, O yanfuoma mo ki pia bianu.

Esayi 31:2

Ama o bani wan tiendi yaala: O baa fidi ki cuani mi yebiadima. O kan lebidi o maama. O fii ki sedi bi nibiadiba diegu po Leni yaaba n tiendi yaala n ki tiegi, Ke bi miadi ba mi todima po.

LOMA YAABA 11:36

Li bonla kuli ñani o kani, wani n kubi likuli, likuli mo ye o yaa po yo. Wani n yaa baadi ti kpiagidi, hali yaa yogunu kuli. Amina!

Efesa 3:10

O bua moala, kelima Kilisiti Nitaanli po, i paaciami danba leni li bali danba yaaba ye tanpoli n bandi, wani U Tienu yanfuoma, yaama yaa buoli n yabi.

Filipi 4:20

U Tienu ti Baa n yaa pia ti kpiagidi hali yaa yogunu kuli. Amina!

1 Timote 1:17

U Tienu, yua n tie o Badiciamo hali yaa yogunu kuli kaa pia kuuma, tin ki nua yua, wani yua bebe n tie U Tienu, n yaa baadi ti jigidi leni ti kpiagidi yaa yogu n tuu yaa yogu. Amina!

1 Timote 6:16

Wani bebe n ki pia kuuma, Ki ye miali kuli n kan nagini yaa yenma nni. Miali kuli n daa laa yua, Ki kan fidi ki le o mo. Wani n pia yaa jigidi leni yaa paalu N ki pia gbenma, hali yaa yogunu kuli. Amina!

2 Timote 4:18

Wani o Diedo n go baa gaa nni leni bonbiadila kuli, ki faabi nni, ki kuani nni o diema nni, tanpoli po. Wani n yaa baadi ti kpiagidi hali yaa yogunu kuli. Amina!

Hebilunba 13:15

Lanwani, kelima Jesu po, tin yaa padi mani U Tienu po yaa padili n tie ti pagidi yaa yogunu kuli, lani n tie ti ñoana n yaa pagi o yeli.

Hebilunba 13:21

Wani U Tienu n teni yin fidi ki yaa tiendi yaala n ŋani, ki go ŋua o yanbuama kuli. Wan teni Jesu Kilisiti n yaa tuuni ti niinni yaala n mani o po kuli. Wani Kilisiti n yaa baadi ti kpiagidi hali yaa yogunu kuli. Amina!

1 Pieri 2:5

Yinba yaaba mo n tie nani yaa tana n fo, teni mani ban maa yi yin tua U Tienu diegu, o Fuoma n ye naankani. Lani, yi baa tua yaa kopadicianba n gagidi U Tienu po, ki padi o po yaa pada n gagidi, ki go mani o po, kelima Jesu Kilisiti yaa po.

2 Pieri 3:18

Ama yin yaa suagi liiga ti Diedo leni ti Candaano Jesu Kilisiti yaa ŋanbili nni leni o yaa bandima nni, ki pugidi. Wani n yaa baadi ti kpiagidi moala leni yaa yogunu kuli. Amina!

Jude 1:25

Wani U Tienu bebe yua n tie ti Candaano, kelima Jesu Kilisiti ti Diedo po, n yaa baadi ti kpiagidi, ti jigidi, u paalu leni li bali, yaa yogunu n pendi, moala leni yaa yogunu kuli! Amina!