LOMA YAABA 16:26 - U TIENU MAAMA TILI 2013

²⁶ U Tienu yua n ye yogunu kuli ñani o ñoamabonli, ki yedi ke o bondoaginkaala n doagidi i nibuoli kuli po, kelima o saawalipuaba n diani yaa tila po. U Tienu tieni yeni ki bua ke i nibuoli kuli n tuo li dandanli.

Gourmanchéma Bible

²⁶ U Tienu yua n ye yogunu kuli Ñani o ñoabonli Ki yedi ke o bondoaginkaala N doagidi i nibuoli kuli po Kelima o sawalipuaba n diani yaa tila yaa po. U Tienu tieni yeni ki bua Ke i nibuoli kuli n tuo li *dandanli.

LOMA YAABA 16:26 ပူးပေါင်းရင်းမြစ်များ

Mi cilima 21:33

Abalahama den ŋuu yaa tiidi n yi tamarisi Beri-Seba kani, ki jaandi Li Miali Diedo U Tienu yua n ye yaa yogunu kuli lankani.

Esayi 40:28

Yii bandi o? Yii gbadi o maama? Li tie Li Miali Diedo U Tienu yua N ye hali yaa yogunu kuli, Yua n tagi ki tinga biani, Waa coagidi, waa tadigidi, O yanfuoma mo ki pia bianu.

Esayi 9:6

O bali baa yaa pugidi, Mi yanduanma mo baa yaa ye Yaa yogunu kuli. O baa kali Davidi bali kalikaanu, Ki diedi o diema. O baa pugini mi paalu Ki kubi ma leni mi teginma Leni yaa bujiali n tiegi, Moala leni yaa yogunu kuli. Li Miali Diedo U Paaciamu Kuli Daano n baa Tieni yeni o buacianma po.

Mise 5:2

Lani yaa po, U Tienu baa ŋaa O niba bi yibalinba nuu nni, Hali yaa pua n baa maa ki bonjaga yeni, Yaa mali ka yaa yogunu. Lanwani, ki biga yeni kpiiba yaaba n sieni, Ki ye foagima baa guani ki kpeni, Bi kpiiba Isidayeli yaaba diema nni.

Marki 16:15

Lani, o den yedi ba: «Gedi mani ŋanduna nni kuli, ki ban yaa wangi bi niba kuli o Laabaaliŋamo.

Jesu Tondiba Tuona 10:43

Bi saawalipuaba kuli maadi o maama, ki yedi ke yua n tuo ki daani o kuli baa baa sugili o tuonbiadi po, kelima o yaa yeli po.»

Jesu Tondiba Tuona 6:7

U Tienu maama den yadi ki pugidi, Jesu ŋoadikaaba den pugidi hali boncianla Jerusalemi, bi kopadicianba boncianla den tuodi ki ŋua Jesu.

LOMA YAABA 1:2

Hali yogu, U Tienu den niani u ñoanianu o Laabaaliŋamo po, ki teni ke o saawalipuaba diani o i Diani yi n gagidi ki ŋani nni.

LOMA YAABA 1:20

U Tienu paalu yuu n ki pia gbenma leni wan tie maama, naa tie bi nisaaliba n baa fidi ki le yaala. Ama hali ŋanduna tagima yogunu, laa bonla kuli doagidi wan tagi yaala yaa niinni. Lani n teni ke baa pia ban baa fidi ki tabi yaala, ki gaa bi yula.

LOMA YAABA 1:5

O yaa po yo, ke ti den baa li ŋanbili ki tua o tondiba, ke tin yaa gobidi i nibuoli kuli, ban daani o ki tuo o maama.

LOMA YAABA 15:18

Mii pia papaali ki maadi matoama kuli, kali Kilisiti n den taa nni, ke min yaa gobidi bi nilanba ban tuo ki ŋoadi U Tienu, kelima n maama leni n tuona po.

LOMA YAABA 15:4

Yaala n den kpa diani kuli den diani ke lan bangi ti, ke i Diani n puuni yaa juunli leni yaa baagi po, tin fidi ki baa mi suginma.

LOMA YAABA 3:21

Moala po, U Tienu n saa i moamoani maama ke bi nisaaliba tiegi doagidi, ke li naa ŋoadi li bali maama kubima. Li bali maama leni bi saawalipuaba kuli tieni lipo siedi.

Galati 3:8

I Diani nni li den tuodi ki waani ke U Tienu baa saa bi nilanba po moamoani kelima bi dandanli po. Lani yaa po, o den tuodi ki waani Abalahama yaa laabaaliŋamo n tie ne: «I nibuoli kuli baa li seli kelima a yaa po.»

Efesa 1:9

O den doagidi ti po o yanbuama bondoaginkaala, wan den tuodi ki bili yaa yanjagiŋanli Kilisiti nni.

Efesa 2:20

Yi tie nani a tanmaakaana yeni, ke bi ŋuani yi yaa tanpuuli n tie U Tienu tondiba leni o saawalipuaba po. Jesu Kilisiti wani o ba n tie laa tanpuuli tanjigi.

Mi Tiadima 33:27

U Tienu yua n ye yaa yogunu kuli tie yi wuonkaanu, O buadi yaadi n ye yaa yogunu kuli tiebi yi. O deli yi yibalinba ke bi sani yi kani, Ki yedi ba: ‹Bodi mani!›

Kolosi 1:26

Mani n tie yaa bondoaginkaala n den wuo hali yogu, yaa jamaani n pendi kuli po, ki doagidi moala o nigagidiŋanba po.

1 Timote 1:17

U Tienu, yua n tie o Badiciamo hali yaa yogunu kuli kaa pia kuuma, tin ki nua yua, wani yua bebe n tie U Tienu, n yaa baadi ti jigidi leni ti kpiagidi yaa yogu n tuu yaa yogu. Amina!

1 Timote 3:16

Oba kan nia ke U Tienu sanŋoadima bondoaginkaala ñua boncianla. Laa bondoaginkaala tie: O den doagidi o yuli ti gbanandi nni. U Tienu Fuoma den saa o po i moamoani, Malekinba den laa o, Bi den wangi o maama i nilanbuoli nni, Bi den daani o ŋanduna nni, O den guani ki doni ti kpiagidi kaanu kani.

2 Timote 1:10

Ti Candaano Jesu Kilisiti cuama ŋanduna nni doagidi ti po laa ŋanbili moala. Wani Jesu den paadi mi kuuma paalu, ki doagidi ti po li miali, yaali n baa ye, hali yaa yogunu kuli, kelima o Laabaaliŋamo wangima po.

Hebilunba 13:8

Jesu Kilisiti tie yenma wonli, dinla leni yaa yogunu kuli.

Hebilunba 9:14

Lanwani li yaa tie yeni, laa pia kuli tama, ke Kilisiti yaa soama n baa ŋanbi ba ki cie. U Tienu Fuoma yaama n ye yaa yogunu kuli paalu po, wani Kilisiti den puni o yuli U Tienu, nani yaa padili n ki pia joagindi yeni. O soama yeni baa ŋuudi ki ŋanbi ti pala siedi leni yaa tuona n baa cuani mi kuuma, ke tin yaa tuuni U Tienu yua n ye ki fo po.

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.

Mi Doagidima 1:17

Min den laa o yaa yogunu, n den baa o taana kani nani n kpe yeni. O den maani n po o jienu ki yedi: «Ŋan da jie liba. Mini n tie o kpialo leni o juodika,

Mi Doagidima 19:10

N den gbaani o taana kani ki baa kpiagi o, ama o den yedi nni: «Da tieni yeni. N tie fini leni a kpiiba, yaaba n kubi Jesu yaa siedi kuli yaa tuonsoanlielo. Kpiagi U Tienu, kelima Jesu yaa siedi n teni ke bi soani mi naa maama.»