LOMA YAABA 16:25 - U TIENU MAAMA TILI 2013

²⁵ Tin yaa kpiagidi U Tienu, wani yua n baa fidi ki teni yin yaa se ke li pa o sanŋoadima nni, nani min wangi yaa Laabaaliŋamo, ki doagidi Jesu Kilisiti, n yedi maama. N wangi o nani U Tienu bondoaginkaala, yaala n den duagi ŋasiili nni hali yogu. Laa bondoaginkaala doagidi moala.

Gourmanchéma Bible

²⁵ Tin yaa kpiagidi mani U Tienu, Wani yua n baa fidi ki teni yin yaa se Ke li pa o sanŋoadima nni Nani min wangi yaa Laabaaliŋamo Ki maadi Jesu Kilisiti maama n yedi maama. N wangi o nani U Tienu bondoaginkaala, Yaala n den duagi ŋasiili nni hali yogu, N doagidi maama moala.

LOMA YAABA 16:25 ပူးပေါင်းရင်းမြစ်များ

Pisomi 78:2

N yaadi n ñoabu ki baa pua mi kpanjama, Ki doagidi u yogu nni bonbangikaala,

Danieli 2:22

O doagidi yaala n duagi cain, O bani yaala n ye li biigili nni, Kelima mi yenma gaani ki lindi o.

Amosi 3:7

Lanwani, o Diedo U Tienu kan tieni liba kuli, Kaa waani o naacenba bi saawalipuaba o ŋasiili.

Matie 13:17

N waani yi i moamoani, bi saawalipuaba leni bi niteginkaaba boncianla den bua ki le yin nua yaala na, ki naa laa la. Bi den bua ki gbadi yin gba yaala na, ki naa gbadi la.

Matie 13:35

O den tieni yeni ke o saawalipualo n den maadi yaa maama na n tieni: «N baa yaa maadi leni ba mi kpanjama nni, Ki doagidi yaa bonla n bi wuo hali ŋanduna tagima yogunu.»

Matie 20:7

Bi den guani ki yedi: ‹Oba naa taa ti tuonli.› O den yedi ba: ‹Yimo n gedi n kuanu po.›

Jesu Tondiba Tuona 20:32

Moala, n taa yi ki piani U Tienu leni o ŋanbili maama, yaama n baa fidi ki teni yin yaa kpedi ki paagidi o sanŋoadima nni, ki go teni yin baa u biinu wan bili yaa ŋalimano o nigagidiŋanba kuli po.

Jesu Tondiba Tuona 9:20

Lanyogunu, o den cili ki caa li bali maama bangima diena nni, ki wangi Jesu maama, ki tua ke o tie U Tienu Bijua.

LOMA YAABA 11:25

N kpiiba, mii bua yaa bondoaginkaala n tie ne n yaa boani yi. Yin da nua yi yula ke yi tie yanfuodanba. Laa bondoaginkaala tie ke Isidayeli buolu siiga, bi tianba pala juagi hali bi nilanba n baa kua U Tienu tindima nni ki pundi ki dagidi cain.

LOMA YAABA 14:4

A tie ŋme, fini yua n ja nitoa naacemo buudi? O yaa se bonŋanla leni o yaa baa, li tie o canbaa maame. Ama o baa yaa se, kelima o Diedo pia u paalu, ki baa teni wan yaa se.

LOMA YAABA 16:24

Ti Diedo Jesu Kilisiti ŋanbili n yaa ye leni yikuli. Amina!]

LOMA YAABA 2:16

Lani n baa doagidi, U Tienu n baa teni Jesu Kilisiti n jia bi nisaaliba n wuoni yaala kuli buudi yaa daali. Min wangi yaa Laabaaliŋamo moko yedi ke li baa yaa tie yeni.

1 Korenti 1:23

Ama tinba wani wangi Kilisiti, ban den kpaa yua li dapoanpoanli po. Laa maama tie tingbali bonla Jufinba po, ki tie yanluoma mo bi nilanba po.

1 Korenti 2:7

Ti wangi U Tienu yaa yanfuoma maame, yaama n duagi ki wuo bi nisaaliba po, U Tienu n den tuodi ki bili yaama ke man yaa tie ti po ti kpiagidi.

1 Korenti 4:1

Lanwani, li pundi ban yaa nua ti ke ti tie Kilisiti naacenba, U Tienu n puogi yaaba ban yaa wangi o bondoaginkaala.

2 Korenti 4:3

Tin wangi yaa Laabaaliŋamo yaa baa ki duagi, o duagi yaaba n bodi yaa po,

2 Korenti 4:5

Ti mawangima nni, tii wangi ti yula ka, ama ti wangi Jesu Kilisiti o Diedo, ki yi ti yula yi naacenba, kelima wani Jesu yaa po.

Galati 2:2

N den gedi kelima U Tienu doagidi n po min gedi. N den waani bani Jerusalemi yaaba, min den wangi bi nilanba o Laabaaliŋamo maama. N den piadi leni bi liiga yaaba ki waani bani bebe, kelima mii den bua ke min den kpa soani yaa tuonli ki go tuuni yaali moala, n tua fanma.

Efesa 1:9

O den doagidi ti po o yanbuama bondoaginkaala, wan den tuodi ki bili yaa yanjagiŋanli Kilisiti nni.

Efesa 3:11

U Tienu den jagi ke o baa tieni la hali yogu, ki go tieni la ki dudi, kelima ti Diedo Jesu Kilisiti yaa po.

Efesa 3:9

O go teni ke n doagidi bi niba kuli po laa bondoaginkaala n baa tieni maama. U Tienu yua n tagi li bonla kuli wuoni o bondoaginkaala yeni, hali yaa yogini n kpeli.

Efesa 6:19

Yin yaa miadi o mani nmoko yaa po, ke min baa yaadi ki maadi yaa yogunu kuli, wan pa nni min baa maadi yaama, ke min doagidi ki waani o Laabaaliŋamo bondoaginkaala leni li papaali.

Kolosi 2:2

N tiendi yeni ke ban baa li papaali, ki taani yenma mi buama nni, ki yaa pia yaa yanfuoma n dagidi. Lani, yin bandi yin dugi yaala yaa po cain. Li go tie ke yin bandi U Tienu bondoaginkaala, lani n tie Kilisiti.

Kolosi 4:3

Yin yaa jaandi o mani ti po, ke wan pa ti u sanu tin fidi ki yaa wangi o Laabaaliŋamo, ki doagidi o bondoaginkaala yaala n tie Kilisiti maama fuuli. Li tie laa maama po ke n ye ne li kpaadidieli nni.

1 Tesaloniki 3:13

O Diedo n yaa paagidi yi pala, ke ti Baa U Tienu n yaa nua ke yi gagidi ki ŋani cain wani U Tienu po, kaa pia ban baa fidi ki kuli yi leni yaala, ti Diedo Jesu n go baa cua leni o nigagidiŋanba kuli yaa yogunu.

2 Tesaloniki 2:14

U Tienu den yini yi lani kuli po, kelima tin den waani yi yaa Laabaaliŋamo po, ke yin baa yi biinu ti Diedo Jesu Kilisiti kpiagidi nni.

2 Tesaloniki 3:3

Ama o Diedo tie tin fidi ki dugi yua yaa po. O baa teni yin yaa se ke li pa bonŋanla, ki kubi yi ke o Biado n da paadi yi.

2 Timote 1:9

O den faabi ti ki yini ti yaa yiinu n gagidi ki ŋani. Waa den tieni yeni kelima ti tuonŋama po ka, li tie o yanjagili leni o ŋanbili po, wan den tieni ti po yaala Jesu Kilisiti nni, hali ke ŋanduna daa tagi.

2 Timote 2:8

Ŋan yaa tiani Jesu Kilisiti po, yua n den fii bi tinkpiba siiga, wani yua n tie Davidi puoliŋuanu, nani min wangi yaa Laabaaliŋamo n yedi maama.

Titi 1:2

Lani n tie ban baa yaa dugidi n baa pa ya miali n kan gbeni, U Tienu yua n kan pua faama n den niani yaa miali, hali ke ŋanduna daa ye.

Hebilunba 7:25

Li tie lani yaa po, ke o baa fidi ki faabi yaaba n nagidi U Tienu, kelima o yaa todima po yaa yogunu kuli. O ye ki fo yogunu kuli, ki miadi U Tienu bi po.

1 Pieri 1:20

U Tienu den tuodi ki gandi wani Kilisiti lani kuli po, hali ke ŋanduna daa tagi, ki doagidi o ŋanduna juodima yogunu yinba yaa po.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi.

Mi Doagidima 10:7

O malekileleelo yaa bogini ki baa piebi o kakaci, U Tienu bondoaginkaala baa tieni ki dudi, nani wan den tuodi ki waani o naacenba, bi saawalipuaba maama.»