LOMA YAABA 16:18 - U TIENU MAAMA TILI 2013

¹⁸ Laa nibuolu naa tuuni ti Diedo Kilisiti po ka, bi tuuni bi tugidi po yo. Bi maadi mi madingima leni mi mamanma, ki boandi yaaba n ki fani.

Gourmanchéma Bible

¹⁸ Kelima laa nibuolu naa tuuni ti Diedo Kilisiti po ka, bi tuuni bi tugiceli po yo. Bi maadi mi madingima leni mi mamanma ki boandi yaaba n ki fani.

LOMA YAABA 16:18 ပူးပေါင်းရင်းမြစ်များ

2 Samueli 15:6

Abisalomi den tiendi yene leni Isidayeli yaaba, yaaba n caa o bado po, ki baa n mia wan jia bi po bi buudi kuli. O den tiendi yene ki dia Isidayeli yaaba.

2 Bi Badiba Jama 18:5

Isidayeli diema bado den taani o saawalipuaba kobinaa, ki buali ba: «Tin gedi ki koani leni Ramoti dogu Galaadi diema nni, bi min cede?» Bi saawalipuaba kuli den yedi o: «Ŋan gedi, U Tienu baa taa u ki tieni a nuu nni.»

Pisomi 119:130

A maama doagidima yendi li yantiali, Mi puuni bi yanboandanba mi yanfuoma.

Pisomi 12:2

O Diedo, gaa ti, Kelima bi niteginkaaba ki go ye. Bi papiendanba bodi bi nisaaliba siiga.

Pisomi 19:7

O yen fii poyendu ki tagini o sanu tanpoli, Ki ban pundi u poyuu, Puu kuli kan fidi ki cia u jama.

Mi Kpanjama 14:15

O yanboandaano daani ban yedi o yaala kuli, Ama o yanfuodaano faami, KI bani wan cuoni maama.

Mi Kpanjama 22:3

O yanfuodaano yaa laa ke fala kpendi, Se wan sani ki wuoni. Ama o yanluodaano baa yaa se yo, Lan cua ki taani o ki faligi o.

Mi Kpanjama 8:5

Yinba bi yanluodanba, yin baa mani mi yama. Yinba bi yanpiidanba, yin baa mani mi yanfuoma.

Jeremi 23:17

Bi ñigini ki yedi yaaba n fali nni: ‹Yi baa baa mi yanduanma!› Bi go yedi yaaba n ŋua bi pajuaga mo: ‹Yebiadima kan nandi yi!›

Esekieli 13:16

Isidayeli yaaba siiga kaa go pia bi saawalipuaba, yaaba n pua saawali Jerusalemi po, ki laa ke mi yanduanma ye u po, yanduanma n ki ye yaa yogunu! Mini o Diedo, U Tienu n yedi yeni.›

Esekieli 13:19

Yi fiagidi nni n niba kani, kelima orje waamu po leni mu dupenjenmu po, ki kpaani yaaba n ki bi pundi ki kpe, ki ŋaani yaaba n ki bi pundi ki yaa ye, ki boandi yeni n niba.

Danieli 11:34

Fala yeni siiga, bi baa baa mi todima waamu bebe, kelima yaaba n baa taani bi po siiga boncianla baa taani bi po leni i janbe.

Mise 3:5

O Diedo yedi yaa saawalipuaba n boandi o niba, Ke bi yaadi ki ŋaa o sanu: «N niba yaa puni yi bonŋmankaala, Se yin yaa tua ba ke mi yemanma baa yaa ye. Ama bi yàá puni yi bonŋmankaaliba mo, Yin yaa tua ba ke bu toabu baa cua.

Malaki 1:10

Li Miali Diedo U Paaciamu Kuli Daano go yedi: «Li baa yaa ŋani ki cie yinba bi kopadicianba po, yi siiga nni yendo n luoni n diegu buliñoana, ke yin da go cuondi n padibinbinli po u mu fanma fanma. N pali ki mani yi po ba waamu. Mii go bua ki gaa yi nuu nni padiliba kuli mo.

Matie 24:11

Bi saawalipua-faadanba baa fii boncianla, ki boandi bi niba boncianla.

Matie 24:24

A tuonanda yaaba n yedi ke bi tie U Tienu n gandi yaaba leni bi saawalipua-faadanba baa fii ki yaa tiendi i sinankeenciami leni li bonlidinkaala, hali ke bi yaa bi baa fidi, bi baa boandi ba U Tienu n gandi yaaba moko.

Matie 6:24

Oba kuli kan fidi ki yaa tuuni canbaanbilie po, kelima o yàá baa nani o canbaankpialo ki bua o canbaanlielo, o nan baa yaa taabi o kpialo ki fali o lielo wani. Yi kan fidi ki yaa taa ki tuuni U Tienu leni ŋalimani po.

Matie 7:15

Fangi mani yi yula leni bi saawalipua-faadanba. Bi kpendi yi kani ki dingi nani i pe yeni, ama moamoani po, bi tie nani yaa fuasangbanbiadi n bua ki bolini yi yeni.

Jan n diani U Tienu Laabaaliŋamo maama 12:26

O nilo yaa tuuni n po, wan yaa ŋua nni. Min baa yaa ye naani, wani n naacemo mo baa yaa ye lankane. Yua n tuuni n po kuli, n Baa baa jigini o.

LOMA YAABA 14:18

Yua n tuuni Kilisiti po yeni, U Tienu pali baa yaa mani leni o, bi nisaaliba mo baa saa o po i moamoani.

LOMA YAABA 16:19

Ama yinba wani, bi niba kuli bandi yi tuoma. Lani yaa po, n mangi n pali yi po. N bua yin yaa fani yaala n ŋani tienma po, ki da pia tagiliba kuli yaala n bia yaa tienma nni.

2 Korenti 11:3

Ama n jie, nani o wa n den boandi Awa leni o nunfanbiadibu maama, ke ban da ti biidi yi yantiana, yin yaadi ki ŋaa Kilisiti, yin bua yua leni payenli yeni.

2 Korenti 2:17

Tii tie nani bi niba boncianla, yaaba n lebidi U Tienu maama, ke man tua baali bi po. Ama tinba, ti maadi U Tienu po leni li payenli, wani U Tienu nintuali, Kilisiti nni.

2 Korenti 4:2

Ti yie yaala n pia i fe ki tiendi ŋasiili nni kuli. Tii tiendi liba leni nunfanbiadibu. Tii lu ki lebidi U Tienu Maama baa waamu. Ama ti doagidi i moamoani, ki tendi ke bi niba kuli pala siedi dua ti po U Tienu nintuali.

Galati 1:10

Moala po, naani n moandi ke bi nisaaliba n saa n po i moamoani bi, bi U Tiene? Naani n moandi ki bua ki mangi bi nisaaliba yaa pala bi? Li yaa tie ke n bi bua ki mangi bi nisaaliba yaa pala, n kan bi yaa tie Kilisiti naacemo.

Filipi 2:21

Yaaba n sieni kuli kuani bi yama bi ŋantaadiceli nni, baa kuani bi yama Jesu Kilisiti yaa ŋantaadi nni.

Filipi 3:19

Bi juodima baa yaa tie mi bodima. Bi tugidi n die ba. Ban tama ke yaala n tie bi po ti jigidi yeni, tie bi po i fe yo. Bi kuandi bi yama ŋanduna bonla nni bebe.

Kolosi 2:4

N waani yi laa maama kuli, ke oba kuli n da boandi yi, ki tulini yi leni mi mamanma.

Kolosi 3:24

Yi bani ke yi baa taani leni o bila kuli, ki baa wan bili yi po yaa faali ke li tie yi panpaani, kelima yi tuuni o Diedo Kilisiti po.

2 Tesaloniki 2:10

O cuama go baa yegi leni mi biadima boandi kuli, ki boandi yaaba n baa bodi, kelima baa den bua i moamoani, yii n den baa pa ba mi faabima.

1 Timote 6:5

Li go teni ke yaaba yaa yama n biidi, bani yaaba n kaa go kubi i moamoani, nia leni biyaba yogunu kuli. Bi tama ke U Tienu tuoma tie ñuade.

Jaki 1:1

Mini Jaki, U Tienu leni o Diedo Jesu Kilisiti naacemo, n diani yinba i piiga n buoliedi, yii n yadi yadi ki ye ŋanduna nni kuli po. N fuondi yi bonŋanla.

2 Pieri 2:3

Bi bangi-faadanba yeni ŋaliŋabuama po, baa teni ban yaa boandi yi leni bi bangifaama, ki baadi yi kani li baali. Bi buudi cuonu peli ki bili bi po hali yogunu, bi bolinma mo kan go waagi.

Jude 1:1

Mini Juda, yua n tie Jesu Kilisiti naacemo ki go tie Jaki waalo, n diani li tili yi po, yinba, U Tienu yua n tie Baa n yini yaaba ki bua ba, ki kubi ba Jesu Kilisiti po.

Jude 1:12

Laa niba n go joagini yin taani leni yi kpiiba, ki di yaa jiema. Lankane bi yen di ki go ñu ke li pendi, kaa jie fe, ki nua bi yaa yula bebe. Bi tie nani u faalu n tudi yaa tawala n ki pia ñima yeni. Bi go tie nani li fali tiidi, yii n ki loni ba i yogunu, ama ki kpe ki kuodi cain, ke bi ŋabi yi yeni.

Jude 1:16

Laa niba tie yaaba n yenbidi, yaaba yaa pala n biidi bi yema po. Bi ŋua bi gbanandi bonbuakaala, ki maadi mi japaamaama, ki banbidi bi niba ki bua ki baa bi kani li baali.

Mi Doagidima 1:1

Line n tie Jesu Kilisiti doagidima, U Tienu n den teni o yaama, ke wan waani o naacenba yaa bonla n baa ti tieni tiladi ke li kan waagi. Wani Kilisiti n den soani o maleki o naacemo Jan kani, ki teni ke o bandi mi doagidima yeni.

1 Samueli 2:29

Be yaa po ke yi fali ki ŋmaadi min bili ke bi padi n po yaa pada, min bili ke ban yaa kpendinni yaa paabu kuli n dieli nni? Be yaa po ke a fangi a bila ki cie mini, ki ñandi n niba Isidayeli yaaba n padi n po yaa pada siiga yaala n ŋani ki cie, ki wubi yi yula leni lani?