LOMA YAABA 15:16 - U TIENU MAAMA TILI 2013

¹⁶ ki teni ke n tua Jesu Kilisiti naacemo bi nilanba siiga. N tuuni yaa tuonli n gagidi ki wangi ba U Tienu Laabaaliŋamo. Lani n tie ke bani bi nilanba n tua nani U Tienu n baa tuo yaa padili ke li mani o, U Tienu Fuoma Yua n gagidi yaali wani U Tienu po.

Gourmanchéma Bible

¹⁶ ki teni ke n tua Jesu Kilisiti naacemo bi nilanba siiga. N tuuni yaa tuonli n gagidi ki wangi ba U Tienu Laabaaliŋamo ke bani bi nilanba n tua nani U Tienu n baa tuo yaa padili ke li mani o yeni, U Tienu Fuoma Yua n gagidi yaali wani U Tienu po.

LOMA YAABA 15:16 ပူးပေါင်းရင်းမြစ်များ

Jesu Tondiba Tuona 13:2

Ban den taani ki jaandi o Diedo yaa yogunu ki luo bu ñoabu U Tienu Fuoma Yua den yedi: «Gagidi mani n po Barnabasi leni Soli ke ban yaa tuuni min yini ba yaa tuonli po.»

Jesu Tondiba Tuona 20:24

Ama mii nua n miali ke li tie bonmoanla, yaala n pia n po mayuli tie, ke min fidi ki pundi n nuama bianu, ki dudi o Diedo Jesu n puogi nni yaa tuonli. Lani n tie, ki yaa wangi U Tienu ŋanbili Laabaaliŋamo.

Jesu Tondiba Tuona 20:32

Moala, n taa yi ki piani U Tienu leni o ŋanbili maama, yaama n baa fidi ki teni yin yaa kpedi ki paagidi o sanŋoadima nni, ki go teni yin baa u biinu wan bili yaa ŋalimano o nigagidiŋanba kuli po.

Jesu Tondiba Tuona 22:21

Lani, o Diedo den yedi nni: ‹Fii ki gedi, kelima n baa soani a hali foagima, bi nilanba po.› »

Jesu Tondiba Tuona 9:15

Ama o Diedo den guani ki yedi o: «Gedi, kelima n gandi laa joa, ke wan yaa tuuni n po ki gedini n yeli i nilanbuoli, ŋanduna badicianba leni Isidayeli yaaba kuli po.

LOMA YAABA 1:1

Mini Poli yua n tie Jesu Kilisiti naacemo, U Tienu n den yini ki gandi yua ke n tua o tondo ki baa yaa wangi o Laabaaliŋamo, n diani li tili yinba yaaba n ye Loma po.

LOMA YAABA 11:13

Moala, n maadi leni yinba bi nilanba, kelima n tie U Tienu tondo bi nilanba po. N jigini min pia yaa tuonli bi nilanba siiga,

LOMA YAABA 15:18

Mii pia papaali ki maadi matoama kuli, kali Kilisiti n den taa nni, ke min yaa gobidi bi nilanba ban tuo ki ŋoadi U Tienu, kelima n maama leni n tuona po.

LOMA YAABA 15:19

N den baa U Tienu Fuoma paalu, ki tieni bi siiga sinankeeninba leni mi bancianma. N den cili ki wangi Kilisiti Laabaaliŋamo Jerusalemi, ki yuandi ki wangi o i kaani kuli, hali ki ban gaani ki pundi Iliri diema.

LOMA YAABA 15:20

N den bua ki tieni bonyenla, lani n tie ki yaa wangi Kilisiti Laabaaliŋamo yaaba n daa kpa gbadi o, ke min da ŋuani nitoa tanpuuli po, nani lan diani maama:

LOMA YAABA 15:29

N bani ke n yaa cua yi kani, n baa gbie leni Kilisiti seli.

LOMA YAABA 5:5

Mi suginma yeni kan boandi ti, kelima U Tienu buama gbieni ti pala, kelima U Tienu Fuoma Yua, wan puni ti yua yaa po.

1 Korenti 3:5

yii ŋua li nisaali-yantiali ka? Apolosi tie ŋme? Poli tie ŋme? Ti tie o Diedo naacenba bebe, yaaba n den cuani yi po o Laabaaliŋamo, ke yi daani nani o Diedo n puogi yuakuli maama.

1 Korenti 4:1

Lanwani, li pundi ban yaa nua ti ke ti tie Kilisiti naacenba, U Tienu n puogi yaaba ban yaa wangi o bondoaginkaala.

1 Korenti 6:19

Yii bani ke yi gbanandi tie U Tienu Fuoma Yua yua n ye yi niinni dieli, U Tienu n puni yi yua, ke yii go die yi yula?

2 Korenti 11:23

Bi tie Kilisiti naacenba ka? N maadi nani o gaado yeni, nmoko tie yene, ki cie ba. Li tuonli po, N cie ba boncianla, A kpaadidiena kuama po, N cie ba boncianla, Ti puadi po, N cie ba boncianla. I yogini boncianla Mini leni mi kuuma ki den foagi.

2 Korenti 5:20

Lanwani, ti tie Kilisiti badibaanba. Li tie nani U Tienu oba n maadi ti ñoana nni ki tundi yi. Ti miadi yi Kilisiti yeli nni: «Guani ki mangi mani leni U Tienu.»

2 Korenti 8:5

Bi den tieni ki cie tin den tama maama, kelima bi den kpa puni bi yula o Diedo, ki yuandi ki puni tinba mo bi yula, U Tienu yanbuama po.

Galati 3:5

U Tienu yua n puuni yi o Fuoma ki tiendi yi siiga mi bancianma yeni, o tiendi la kelima yi tiendi li bali maama n bili yaala bi? Bi kelima yi den gbadi o Laabaaliŋamo ki daani?

Efesa 2:18

Wani yaa po, tikuli pia u sanu ki baa fidi ki pundi Baa kani, Fuoyenma nni.

Efesa 2:22

Bi ŋuani yimoko o yaa niinne, ke yi taani ki tie U Tienu yekaanu, kelima o Fuoma po.

Efesa 5:2

Yin yaa ye leni yiyaba leni mi buama, nani Kilisiti n den bua ti maama, ki puni o yuli U Tienu, ki tua yaa paabu leni yaa padili yaa nuulu n mani.

Filipi 2:17

Ba li yaa tie ke n soama baa wuli ki tua nani li ñincabili yeni, yi dandanli tuonli padili po, n baa yaa mangidi n pali li po, n go baa yaa mangidi n pali leni yikuli.

Filipi 4:18

N diani yeni ki waani yi ke yin den soani n po yaala kuli pundi n kani, ke n pia ke li kandi. Min den gaa yin den soani Epafroditi ke wan teni nni yaala yeni, mii go luo liba kuli. Yi paabu yeni tie nani yaa tulale yaa nuulu n mani leni U Tienu n gaa yaa padili ke li mani o po yeni.

1 Tesaloniki 2:2

Nani yin bani maama, bi den waani ti fala ki go sugidi ti Filipi dogu nni. Ama ba yeni, ti den dugi ti Tienu po, ki wangi U Tienu Laabaaliŋamo, ba ke bi niba den fii ki se ti po.

1 Tesaloniki 2:9

N kpiiba, yi tiani ti tuonli leni ti coagingu po. Tin den wangi yi o Laabaaliŋamo, ti go den tuuni li tuonli u yensiinu leni ku ñiagu kuli ki baadi ti jiema, ke ti yema n da tie yi siiga oba kuli po fala.

1 Tesaloniki 5:23

Mi yanduanma Tienu, wani o ba n yaa gagidi ki ŋanbidi yi cain yi pala nni, yi yantiana nni leni yi gbanandi nni kuli. Lani n tie yin da pia tagiliba kuli ti Diedo Jesu Kilisiti cuama daali.

1 Timote 1:11

Laa bangiŋanma ŋua o Laabaaliŋamo, U Tienu yua n pundi ki yaa baadi ti kpiagidi ki go pia mi yemanmoanma n piani nni yua.

1 Timote 2:7

Li tie lani yaa po ke U Tienu den puogi nni ke min yaa tie mawangika leni tondo, ki bangi bi nilanba li dandanli leni i moamoani nni. N maadi i moamoani, mii pua faama.

2 Timote 1:11

U Tienu den puogi nni ke min tua laa Laabaaliŋamo wangika, o tondo leni o bangika.

Hebilunba 13:16

Yin da sundi ki yaa tiendi mi ŋanma leni ti bulicindi, kelima lani n tie yaa pada n mangidi U Tienu pali.

1 Pieri 1:12

U Tienu den doagidi ki waani ba ke ban soagindi yaa maama yeni, naa tie bani bi ba po ka, ama yinba yaa po. Moala yi gbadi laa bonla maama yaaba n wangi yi o Laabaaliŋamo kani. Bi den baa o U Tienu Fuoma Yua paalu, U Tienu n soani yua ke o ñani tanpoli po ki cua ŋanduna nni, ki wangi yi la. Ba malekinba bua hali boncianla ki diegi ki bandi laa bonla n tie yaala.

1 Pieri 2:5

Yinba yaaba mo n tie nani yaa tana n fo, teni mani ban maa yi yin tua U Tienu diegu, o Fuoma n ye naankani. Lani, yi baa tua yaa kopadicianba n gagidi U Tienu po, ki padi o po yaa pada n gagidi, ki go mani o po, kelima Jesu Kilisiti yaa po.