LOMA YAABA 14:4 - U TIENU MAAMA TILI 2013

⁴ A tie ŋme, fini yua n ja nitoa naacemo buudi? O yaa se bonŋanla leni o yaa baa, li tie o canbaa maame. Ama o baa yaa se, kelima o Diedo pia u paalu, ki baa teni wan yaa se.

Gourmanchéma Bible

⁴ A tie ŋme, fini yua n ja ti buudi leni nitoa naacemo? O yaa se bonŋanla, leni o yaa baa, li tie o canbaa maama. Ama o baa se kelima o Diedo pia u paalu ki baa teni wan yaa se.

LOMA YAABA 14:4 ပူးပေါင်းရင်းမြစ်များ

Pisomi 17:5

N taana se bonŋanla a sanu nni. Mii jadi ki ŋaa ŋan bili n po yaa sanu.

Pisomi 37:17

Kelima bi nibiadiba paalu baa gbeni, Ama o Diedo kubi bi niteginkaaba wani.

Pisomi 37:24

O yaa tuudi o kan baa, Kelima o Diedo baa mubini o nuu.

Pisomi 37:28

Kelima o Diedo bua mi teginma. O kan ŋaa o ŋoadikaaba, O kubi ba yogunu kuli. Ama bi nibiadiba puoliŋuani baa bodi.

Esayi 40:29

O puuni yua n coagi u fidu, Ki pugidi yua n tadigi mo u paalu.

Jesu Tondiba Tuona 11:17

U Tienu yaa den puni bani moko yaa paabu n da leni wan den puni ti yaabu, tin den daani o Diedo Jesu Kilisiti yaa yogunu, nmo tie ŋme ki baa yie U Tienu po?»

LOMA YAABA 11:23

Bani Isidayeli buolu mo yaa ñani bi dandanluoma nni, U Tienu baa guani ki tugini ba bu tiŋanbu nni, kelima wani U Tienu pia u paalu, ki baa fidi ki guani ki tugini ba.

LOMA YAABA 14:3

Lanwani, yua n tama ke o fidi ki je li bonla kuli, n da fali yua n kaa di jetianma. Yua n kaa di jetianma mo, n da jia yua n daani ke o baa fidi ki je li bonla kuli yeni buudi, kelima U Tienu tuo ki gaa omoko yaa cangu.

LOMA YAABA 16:25

Tin yaa kpiagidi U Tienu, wani yua n baa fidi ki teni yin yaa se ke li pa o sanŋoadima nni, nani min wangi yaa Laabaaliŋamo, ki doagidi Jesu Kilisiti, n yedi maama. N wangi o nani U Tienu bondoaginkaala, yaala n den duagi ŋasiili nni hali yogu. Laa bondoaginkaala doagidi moala.

LOMA YAABA 9:20

Fini o nisaalo, a tie ŋme ki baa nia leni U Tienu? Naani ban maa yaa tiagu baa yedi yua n maa ku: «Be yaa po ke a maa nni nanda?»

Hebilunba 7:25

Li tie lani yaa po, ke o baa fidi ki faabi yaaba n nagidi U Tienu, kelima o yaa todima po yaa yogunu kuli. O ye ki fo yogunu kuli, ki miadi U Tienu bi po.

1 Pieri 1:5

O bili la yinba yaa po, wani U Tienu paalu n kubi yaaba kelima li dandanli po, yaa tindima n baa yuandi ki doagidi mi juodima yogunu.

Jude 1:24

U Tienu yua n baa fidi ki kubi yi, ke yin da tuudi ki baa, ki go sieni yi o kpiagidi kani li pamancianli nni, ke yi naa pia ban baa fidi ki kuli yi leni yaala, n baa ti pagidi.