LOMA YAABA 14:21 - U TIENU MAAMA TILI 2013

²¹ Yaala n baa yaa ŋani tie ŋan cedi ki da ŋmani nandi, ki da ño duven, ki da tieni yaala n sieni ki baa tua a kpiilo po tingbali bonla mo.

Gourmanchéma Bible

²¹ Yaala n baa ŋani tie ŋan cedi ki da ŋmani nandi, ki da ño duven mo, ki da tieni yaala n sieni ki baa tua a kpiilo po tingbali bonla.

LOMA YAABA 14:21 ပူးပေါင်းရင်းမြစ်များ

Malaki 2:8

Ama yinba wani nan jadi ki ŋaa u sanu. Yi guli niba boncianla leni yi bangima. Yi miidi min den kuani yaa ŋantaado leni Levi buolu. Li Miali Diedo U Paaciamu Kuli Daano n yedi yeni.

Matie 13:21

Ama waa pia jiinmoani o pali nni. O kan fidi ki juuni ki sedi. Mi yebiadima yaa cua, yaa ka bi niba yaa waani o fala kelima U Tienu maama po, tontoni se wan gbali ki baa.

Matie 16:23

Ama Jesu den jigidi ki yedi Pieli: «Ña n puoli, Sutaani, a tie n po tingbali bonla, kelima a yantiana naa tie U Tienu yaa ya, ama bi nisaaliba yaa yantiana.»

LOMA YAABA 14:13

Lanwani, tin cedi ki da ja ti lieba buudi. Ama yin jagi mani ki bili ke yi kan tieni yaala n baa tua yi kpiilo po, tantuudikaali bi tingbali bonla.

LOMA YAABA 14:17

U Tienu diema naa tie mi jiema leni li bonñokaala bebe ka. Ama, mi teginma, mi yanduanma leni li pamanli, U Tienu Fuoma Yua n teni ke ti pia yaala.

1 Korenti 8:13

Lanwani, jiemiba yaa baa guli n kpiilo, n kan go je laa jiema abada, ke min da guli n kpiilo.

1 Korenti 8:9

Fangi mani yi yula, ke yin pia u sanu ki tieni yaala n da tua tantuudikaali yaaba n tadi po.

Filipi 1:10

Lani n tie yin bandi ki gagidi ki gandi yaala n ŋani ki cie. Lani n baa teni, yin yaa ŋani cain, ki naa pia ban baa fidi ki kuli yi leni yaala Kilisiti guacuama daali.

Hebilunba 12:13

Yi taana n yaa ŋua yaa sani n cuubi, ke yua n diani taali n da kpigidi, ama lin paagi.

Mi Doagidima 2:14

Ama min jaligidi a yaa bonla po, tie ke a pia a kani yaaba n ŋua Balaam bangima, yua n den bangi Balaki ke o tulini Isidayeli yaaba, ke bi ŋmani ti padinandi ki go conbi.