LOMA YAABA 14:17 - U TIENU MAAMA TILI 2013

¹⁷ U Tienu diema naa tie mi jiema leni li bonñokaala bebe ka. Ama, mi teginma, mi yanduanma leni li pamanli, U Tienu Fuoma Yua n teni ke ti pia yaala.

Gourmanchéma Bible

¹⁷ Kelima *U Tienu diema naa tie mi jiema leni li bonñokaala bebe ka. Ama, mi *teginma, mi yanduanma, leni li pamanli, U Tienu Fuoma Yua n teni ke ti pia yaala.

LOMA YAABA 14:17 ပူးပေါင်းရင်းမြစ်များ

Esayi 32:17

Mi teginma n baa cuani yaala Baa yaa tie mi yanduanma. Mi teginma baa cuani mi yemanma Leni laafia yaa yogunu kuli po.

Esayi 45:24

Lanbu mo kuli baa yedi: «Mi teginma leni u fidu ye mini O Diedo bebe yaa kane.» Yaaba n den bieni bi pala o po kuli, Bi baa cua o kani ki yaa ye leni i fe.

Esayi 55:12

Moamoani yi baa ña yi yonbidi nni Leni li pamanli, bi baa ciani yi Leni mi yanduanma yin kpeni. A juana leni a joabila kuli, Baa tuogi yi leni li pamanli yigimi, Li fuali nni tiidi kuli mo baa puogi ti nupodi.

Esayi 61:3

N baa lebidi Siyon yaaba paboanli maalima, Ki teni ba ti kpiagidi lan lebidi Mi fantanpienma kaanu. N baa teni li pamanli tulale n gaa Li paboanli kaanu, Ti kpiagidi tiayiekaadi mo n gaa Li pabiidili kaanu Ke ban yaa yi ba mi teginma ticiandi, O Diedo tiŋuuke, yii n baa doagidi o kpiagidi.

Danieli 2:44

Mi diema yeni badiba yogunu, Tanpoli Tienu baa fiini dietoama, yaama n kan bodi abada. Nibuoto kan fidi ki diedi ma. Mi baa mudi ki gbeni mi diekpiama yeni kuli, ama mani miba baa yaa ye hali yaa yogunu kuli.

Danieli 9:24

Li bili binalele taalima piilele a buolu leni a dogagidiko po. Lanyogunu bili ke mi yiema n gbeni, Ke mi tudima n baa u bianu, Ke ti tuonbiadi n baa sugili, Ke yaa teginma n baa yaa ye hali yaa yogunu kuli N doagidi ke li bonlekaala leni U Tienu saawalipuaba Den soagini yaala kuli n tieni, Ke u kaangagidiŋanmoanu mo n go gagidi.

Matie 3:2

ki tua: «Lebidi mani yi pala kelima tanpoli diema nagini.»

Matie 6:33

Yin kpa lingi mani U Tienu diema leni o yaa teginma, lani, laa bonla kuli baa yuandi ki pugini yi po.

Luki 14:15

Yaaba n den ye u saajekaanu kani siiga yendo n den gbadi laa maama, o den yedi Jesu: «Li pamanli ye leni yua n baa baa ki je U Tienu diema nni.»

Jan n diani U Tienu Laabaaliŋamo maama 16:33

N waani yi lani ke yin yaa pia mi yanduanma n niinni. Ŋanduna nni, yi baa le o falabiado. Ama yin paagi mani yi pala. Mini, n paadi ŋanduna.»

Jan n diani U Tienu Laabaaliŋamo maama 3:3

Jesu den guani ki yedi o: «N yedi a i moamoani, o nilo yàá mali milie, o kan fidi ki le U Tienu diema.»

Jan n diani U Tienu Laabaaliŋamo maama 3:5

Jesu den guani ki yedi o: «N yedi a i moamoani, o nilo yàá mali mi ñima leni U Tienu Fuoma Yua po, o kan kua U Tienu diema nni.

Jesu Tondiba Tuona 13:52

Yaa ŋoadikaaba n den ye Antiosi po den ye leni li pamancianli ki go gbie leni U Tienu Fuoma Yua.

Jesu Tondiba Tuona 9:31

Lani, Kilisiti Nitaanli den ye leni mi yanduanma Jude, Galile leni Samari diema nni kuli. Kilisiti Nitaanli yeni den fandi ki pugidi o Diedo sanŋoadima nni, ki go fangi o boncianla. U Tienu Fuoma Yua den paagidi li niba pala, ke bi coali pugidi.

LOMA YAABA 15:13

Mi suginma Tienu n gbieni yi pala leni li pamanli leni mi yanduanma li dandanli nni. U Tienu Fuoma Yua paalu n teni yin yaa pia mi suginma ki pugidi pugidi.

LOMA YAABA 8:6

Yua kuandi o yama ti gbanandi n bua yaala yaa niinni, li baa gedini o mi kuuma po. Ama yua n kuandi o yama U Tienu Fuoma n bua yaala yaa niinni, li baa gobidi ki gedini o li miali leni mi yanduanma po.

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie ti po mi yanfuoma, mi teginma, mi gagidiŋanma leni mi daafaabima.

1 Korenti 4:20

U Tienu diema naa doagidi mi maama nni bebe ka, ama u paalu nni.

1 Korenti 6:9

Yii bani ke yaaba n ki tiegi kan ba biinu U Tienu diema nni yo? Yin da boandi yi yula. Yaaba n tiendi ti cagindi, i buli danba, mi conconma danba, yaaba n biidi bi yula, yaa jaba n taagi leni biyaba,

1 Korenti 8:8

Laa tie mi jiema ka baa teni tin nagini U Tienu. Ti yàá dini, li kan wadi ti po liba, ti yaa dini mo, li kan pugini ti liba.

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba po, ke timo n baa ki tua o yaa niinni U Tienu niteginkaaba.

Galati 5:22

Ama U Tienu Fuoma n baa cuani yaa bonluonkaala tie: mi buama, li pamanli, mi yanduanma, li juunli, mi ŋanma, ti bulicindi, ti dugidi, mi dingima leni li yukubili.

Filipi 2:1

Yi yema Kilisiti nni teni ke yi pia u fidu. O buama mo puni yi li papaali. Yi pia mi taanyenma leni o Fuoma. Yi pia li padingili leni mi ninñingbadima yiyaba po.

Filipi 3:3

Tinba n tie a jungimoana, yaaba n kpiagidi U Tienu kelima o Fuoma po, ki jigini ti yula Jesu Kilisiti nni, ki naa bili ti dugidi ti gbanandi nni.

Filipi 3:9

Mii go pia n yuli po yaa moamoansaali n ñani li bali maama kubima nni, ama yaali n baadi, kelima li dandanli Kilisiti nni yaa po. Li tie yaa moamoansaali n ñani U Tienu kani, ki ŋua leni li dandanli.

Filipi 4:4

Yaa mangidi mani yi pala o Diedo nni yogunu kuli. N go waani yi yeni, yaa mangidi mani yi pala!

Filipi 4:7

Lanwani, U Tienu yaa yanduanma, yaama n pendi o nisaalo bandima kuli, baa guudi yi pala leni yi yantiana kuli Jesu Kilisiti nni.

Kolosi 1:11

Ti go miadi o ke wan pa yi u paalu li bonla kuli po, kelima o paalu yuu n pia ti kpiagidi yaa po, ke yin yaa pia li toli leni li juunli yogunu kuli.

1 Tesaloniki 1:6

Yi den ŋoadi tinba leni o Diedo fuuli ki gaa U Tienu Maama, ba o falaciamo siiga leni U Tienu Fuoma Yua n puuni yaa pamanli.

1 Tesaloniki 2:12

Ti den tundi yi, ki paagidi yi pala, ki go tigini yi ke yin yaa cuoni maama n dagidi U Tienu po, wani yua n yini yi ke yin yaa taa leni o o diema nni leni o kpiagidi nni kuli.

Hebilunba 13:9

Yin da tuo bangicanmiba kuli n cuo yi yama, kelima li ŋani li ŋanbile n yaa paagidi o nilo pali. Ama lan da tie mi jiema kuana mabilikaama ka. Yaaba n ŋua laa mabilikaama buolu kuli, naa baadi todimiba lipo.

1 Pieri 1:8

Ba ke yi daa laa o, yi bua o. Ba ke moala yii nua o, yi daani o, ki pia yaa pamancianli n pia ti kpiagidi, ki pendi bu ñoabu yedima,

2 Pieri 1:1

Mini Simon Pieli, Jesu Kilisiti naacemo leni o tondo, n diani li tili yi po, yinba yaaba n taa leni ti ki baa yaa dandanli n tie bonmoanla, kelima ti Tienu leni Jesu Kilisiti ti Candaano teginma po.