LOMA YAABA 13:4 - U TIENU MAAMA TILI 2013

⁴ Li bali daano tie U Tienu naacemo, yua n tuuni a ŋamu po. Ama a yaa tiendi yaala n bia ŋan yaa jie, kelima wan bali ki jugisiega yeni, laa tie fanma fanma po ka. O tie U Tienu naacemo, ki baa teni yaaba n tiendi mi biadima, ki fiini U Tienu pali n baa bi biadima panpaani.

Gourmanchéma Bible

⁴ Kelima li bali daano tie U Tienu naacemo, yua n tuuni a ŋamu po. Ama a yaa tiendi yaala n bia ŋan yaa jie, kelima wan bali ki jugisiega yeni, laa tie fanma fanma po ka. O tie U Tienu naacemo ki baa teni yaaba n tieni mi biadima ki fiini U Tienu pali n baa bi biadima panpaani.

LOMA YAABA 13:4 ပူးပေါင်းရင်းမြစ်များ

1 Bi Badiba 10:9

N jaandi ki kpiagi o Diedo a Tienu, yua n ŋanbi a po ki teni ke a kali Isidayeli yaaba bali kalikaanu. Li tie ke o Diedo bua Isidayeli yaaba hali yaa yogunu kule, ke o dini a li bali ke ŋan teni i moamoani leni mi teginma n yaa ye.»

2 Bi Badiba Jama 19:6

O den yedi ba: «Yin soani yi tuonli bonŋanla, kelima yii ja ti buudi bi nisaaliba yeli nni ka, ama o Diedo yaa yeli nni yo. Wani o ba n baa yaa ye leni yi li bujiali nni.

Mi Kpanjama 16:14

O bado pabienli kpendinni mi kuuma, Ama o yanfuodaano wani baa fidi ki kuugi li.

Mi Kpanjama 20:2

Yaa bado yaa pali n beni tie Nani yaa yangbanlo n duni yeni. Yua n bieni o bado pali Mo lingi o yuli po bodime.

Mi Kpanjama 20:26

O badiyanfuodaano yen pua Ki yadi bi nibiadiba, Ki yuandi ki nugi ba yomi yomi.

Mi Kpanjama 20:8

O bado yaa kali ti gbandi po Ki baa jia ti buudi, O yaa yaadi ki noanli yenma, Se wan bandi mi biadima n ye naani.

Esayi 1:17

Bangi mani mi ŋanma tienma, Ki lingi mi teginma. Guani mani o tugumoandaano U sanŋamu nni. Tieni mani yaala n tiegi ki kpienbiga po. Koani mani ki gaa li kpepuoli.»

Jeremi 5:28

Bi noadi bonŋanla ke bi gbani ñuliti, Bi tuongunda ki pia bianu. Baa koani ki baa gaa ki kpienbiga, Bi bonla kuli cuoni bi po bonŋanla. Bi baga ki ye leni luodo.

Esekieli 22:27

U badijaba ye u niinni nani yaa fuasangbanli n dadi ki toadi ban cuo yaa yandi yeni. Bi wuliti mi soama, ki bolindi bi niba ki bua ki yaa baadi ti ñuadi.

Esekieli 25:14

N baa teni n niba Isidayeli yaaba n tuu n panli Edomi yaaba kani, Isidayeli yaaba baa soani ba nani n pabienli n bili maama. Lani, bi baa bandi n pantuuli n tie yaala. Mini o Diedo, U Tienu n yedi yeni.»

Mise 3:9

Jakob puoliŋuani yudanba, Yinba Isidayeli yaaba koanbala, Yinba yaaba n nani yaa bujiali n tiegi, Ki kpigini i moamoani, cengi mani!

LOMA YAABA 12:19

N buakaaba, da tuu mani mi biadima panpaani yi yula po. Ama yin cedi mani U Tienu pabienli daali n cua, kelima li diani: «Mini n tie o pantuulo, mini n baa tuu mi biadima panpaani,»

LOMA YAABA 13:6

Li tie lani yaa po yo, ke yi pa li lubili moko. Mi diema bali danba tie U Tienu naacenba laa tuonli po.

1 Tesaloniki 4:6

Oba kuli n da boandi o kpiilo laa bonla nni, ki janbi o. Ti den tuodi ki waani yi ki go kadi ki waani yi, ke o Diedo baa tuu laa biadima buolu kuli panpaani.

Josue 20:5

Yua n baa tuu li panli yeni yaa ŋoadi o hali u dogu yeni kani, a nikpela yeni kan ñani yua n kpa o nilo yeni ki teni o, kelima waa bua ka ki kpa o, laa tie ke o bi nani o ka.

Josue 20:9

Lani n tie ban den gandi yaa dogi ke yin tua i wuonkaani Isidayeli yaaba leni yaa nilanba n ye bi siiga po. Yeni, yua n kpa nilo kaa bua, baa sani ki kua lienni ki cia yua n baa tuu li panli, ban da kpa o ke li nitaanli daa jia o buudi.

1 Pieri 2:14

bi guveneerinba kani, wan soani yaaba ban yaa pa i tagili danba bi biadima panpaani, ki yaa pagi yaaba n tiendi yaala n tiegi mo.