LOMA YAABA 12:8 - U TIENU MAAMA TILI 2013

⁸ Yua mo n pia ki yaa paagidi o lieba pala yaa paabu, wan yaa paagidi bi pala. Yua n pia ki yaa puuni yaaba n luo bu paabu mo, wan yaa puuni ba leni ti bulicindi. Yua n baa mi gobidima yaa paabu mo, wan yaa gobidi leni li yankuali. Yua mo n baa mi ninñingbadima yaa paabu, wan yaa pia li pamanli li po.

Gourmanchéma Bible

⁸ Yua mo n pia ki yaa paagidi o lieba pala yaa paabu, wan yaa paagidi bi pala. Yua n pia ki yaa puuni yaaba n luo bu paabu mo, wan yaa puuni ba leni ti bulicindi. Yua n baa mi gobidima yaa paabu mo, wan yaa gobidi leni li yankuali. Yua mo n baa mi niñingbadima yaa paabu, wan yaa pia li pamanli lipo.

LOMA YAABA 12:8 ပူးပေါင်းရင်းမြစ်များ

Mi cilima 18:19

N den gandi wani ke wan bili li ñoamabonli o bijaba leni o diegu yaaba po, yaaba n baa ŋoadi o puoli, ki baa yaa kubi o Diedo sanu, ki go tiendi yaala n tiegi, ki kubi mi teginma. Li tie lani yaa po ke o Diedo baa tieni Abalahama po wan den niani o yaala kuli.»

Pisomi 112:9

O puuni a luoda leni ti bulicindi. O teginma ye yaa yogunu kuli, Ke o paalu mo pugidi leni ti kpiagidi.

Pisomi 37:21

O nibiado yen ledi o kan guani. O niteginka gba mi ninñima ki go puuni,

Mi Kpanjama 22:9

Yua n pia ti bulicindi baa baa li seli, Kelima o puuni o luodo li bonjekaala.

O Yanfuodaano 11:6

Ŋan buli a bonbulikaala hali ku tiŋaagu, ku yenjuagu mo ŋan da fuodi, kelima ŋaa bani a tuonli yaali yaa po n baa cuoni, bi a tuona kuli n yaa baa baa ti ñuadi.

O Yanfuodaano 9:10

Ŋan baa fidi ki tieni yaala leni a fidu kuli, ŋan tieni la, kelima tuonli, bi kpaagili, bi banma, bi yanfuoma naa ye bi tinkpiba kaanu ŋan caa nan po yeni.

Esayi 32:5

Bi kan go yini yanluodaano bulicino, Bi ki yedi ke niyuogu tie niŋamo.

Esayi 32:8

Ama o bulicino jaga tie bulicinjaga, O se o bulicinjaga nni.

Esayi 64:5

Tikuli tua nani yaa bonla n joagini yeni, Ti teginma tuona mo kuli tua Nani yaa tiayiekaadi n joagini yeni. Tikuli mali nani ti faadi yeni, Ti tagili mo tugi ti nani u faalu yeni.

Matie 25:40

Lani, o bado baa guani ki yedi ba: ‹N waani yi i moamoani, yin den tieni la yaa yogunu, n kpiiba na siiga ba yua yaa kpiagidi n wa ki cie po, yi den tieni la n yaa po yo.›

Jesu Tondiba Tuona 11:23

Wan den pundi ki laa U Tienu ŋanbili, o pali den mangi. O den tundi bikuli ke ban yaa ŋua o Diedo leni payenli.

Jesu Tondiba Tuona 13:12

Guveneeri n den laa yaala n tieni, o den daani kelima o Diedo maama bangima n den cuo o pali maama po.

Jesu Tondiba Tuona 13:15

Bi yudanba n den cogi li bali maama leni bi saawalipuaba maama ki gbeni, bi den soani Poli leni o lieba kani ki yedi ba: «Ti kpiiba Jufinba, yi yaa pia tundiba bi niba po, yin maadi.»

Jesu Tondiba Tuona 15:32

Jude leni Silasi, yaaba n tie bani bi ba saawalipuaba, den tundi bi kpiiba ki paagi bi pala, ke ban yaa se ke li pa li dandanli nni.

Jesu Tondiba Tuona 20:2

O den tagini mi diema yeni niinni, ki maadi ki paagidi bi niba pala boncianla, ki suagi ki gedi Giresi diema nni.

Jesu Tondiba Tuona 20:28

Fangi mani yi yula, ki go yaa guu u yankulu kuli, yuu n tie Kilisiti Nitaanli, U Tienu Fuoma Yua n kaani yi yaaba siiga, ke yin yaa tie bi gobidikaaba. Yin yaa tie nani bi yankpaaba, ki kpaa U Tienu nitaanli yaaba, wan daa yaaba leni o soaceli.

Jesu Tondiba Tuona 4:36

Josefi, Jesu tondiba n den cili yua yaa yeli Barnabasi, lani n tie yua n paagidi bi niba pala. O den tie Levi buolu yua ki ñani Sipiri diema nni.

LOMA YAABA 12:13

Yin yaa todi mani bi nigagidiŋanba leni ban luo yaala, ki gaani bi canba cangu bonŋanla.

LOMA YAABA 13:6

Li tie lani yaa po yo, ke yi pa li lubili moko. Mi diema bali danba tie U Tienu naacenba laa tuonli po.

1 Korenti 12:28

U Tienu kpa bili Kilisiti Nitaanli siiga bi tondiba, miliema bi saawalipuaba, mitaama bi bangikaaba. Li yaa puoli, li pia yaaba n baa mi bancianma paabu, tianba baa a yiama paagima paabu, tianba mi todima paabu, tianba mi gobidima paabu, tianba malanma maama paabu.

1 Korenti 14:3

Ama yua n wangi U Tienu n yedi o yaala maadi leni bi niba, ki todi ba ke bi suagi liiga, ki tundi ba ki paagidi bi pala, ki go baagidi ba.

2 Korenti 1:12

Tin jigini ti yula yaala yaa po tie ke ti pala siedi doagidi, ke ti ye ŋanduna nni leni yaa tagu n gagidi leni yaa yantugupiendi n ñani U Tienu kani. Yaala n cie mo tie ke ti tagu den tie yeni, yimoko yaa siiga. Tii den pia laa tagiŋamu, kelima o nisaalo yanfuoma po ka, ama kelima U Tienu ŋanbili po.

2 Korenti 11:3

Ama n jie, nani o wa n den boandi Awa leni o nunfanbiadibu maama, ke ban da ti biidi yi yantiana, yin yaadi ki ŋaa Kilisiti, yin bua yua leni payenli yeni.

2 Korenti 8:12

O nilo yaa pia li yankuali ki baa tieni mi todima, U Tienu baa gaa la ki nua o piama banlu, ki naa nua wan ki pia yaala.

2 Korenti 9:11

Yeni yi baa yaa pia ke li dagidi li bonla kuli nni, ki yaa puuni leni ti bulicindi yogunu kuli, ke yin soani ti tin teni yaaba yi todima yeni, baa yaa tuondi U Tienu.

2 Korenti 9:13

Laa tuonli n pia yaa ñuadi po teni, ke bi pagi yi leni yin tuo ki go ŋua Kilisiti Laabaaliŋamo leni yin puni bu paabu leni ti bulicindi maama, bani yaa po leni bi niba kuli po.

2 Korenti 9:7

Nilo kuli n pa nani wan den jagi ki bili o pali nni maama, ki da pa leni pabiidili, yaa ka kelima paalu po. U Tienu bua yua n puuni leni li pamanli.

Efesa 6:5

Yinba i yonbi, yin tuo ki yaa tiendi yin pia yaa canbaanba ŋanduna nni n yedi yaala leni li fangili, mi digibima leni li payenli, nani yin tuo ki tiendi Kilisiti n yedi yaala maama.

Mi Tiadima 15:14

A baa ñani a yanbidi nni, a jalu nni leni a datuodikaanu nni bonla, ki pa o. O Diedo a Tienu n seligi a ki puni a yaala yeni siiga, a baa ñani liba, ki pa o.

Mi Tiadima 16:11

Yi baa mangi yi pala o Diedo yi Tienu nintuali, o Diedo yi Tienu n baa gandi ki kuani o yeli yaa kaanu yeni kani, yinba, yi puoba, Levi buolu yua, o caano, ki kpienbiga leni li kpepuoli yaaba n ye leni yi.

Kolosi 3:22

Yinba i yonbi, yin yaa tuodi ki ŋua yi canbaanba ŋanduna nni li bonla kuli nni. Yin da tiendi yeni ban nua yi yaa yogunu bebe, nani yi bua ki mangi bi pala yeni. Ama yin yaa tiendi yeni yogunu kuli leni payenli, kelima yi fangi o Diedo.

1 Tesaloniki 2:3

Tin den tundi yi yaa tundi naa den ŋua leni boandi, bi leni yantiajoagindi ba, bi leni janbi mo.

1 Tesaloniki 2:8

Tin den pia yi po yaa buama, li den mani ti po ke ti waani yi U Tienu Laabaaliŋamo. Laa tie lani bebe ka, ti den bua ki pa yi baa ti yula moko, kelima ti buama yi po den pundi hali laa bianu.

1 Timote 4:13

Hali min baa cua, ŋan tieni ania ki yaa cogi U Tienu maama, ki yaa tundi ba ki go bangi ba.

1 Timote 5:17

Li dagidi ke Kilisiti Nitaanli nikpela yaaba n gobidi bonŋanla n baa ti jigidi ki cie. Lan pundi yaaba n ba yeni ki cie, tie yaaba n kuandi bi yama U Tienu maama wangima nni leni U Tienu maama bangima nni.

1 Timote 6:18

Ŋan go tundi ba ke ban yaa tiendi yaala n ŋani, ki tiendi a tuonŋama ke li yabi, ke lane n yaa tie bi piama. Ŋan go tundi ba ke ban yaa pia ti bulicindi, bi nii mo n yaa tiani.

Hebilunba 10:25

Tin da ŋaa mani ti taanma, nani bi tianba n maani ki tiendi maama. Ama tin yaa paagidi mani tiyaba pala ki pugidi, kelima yi nua ke o Diedo daali nagidi.

Hebilunba 13:17

Yin yaa tuodi ki ŋua yaaba n gobidi yi, ki yaa fangi ba, kelima bi guu yi naani, ki bani ke bi baa togidi U Tienu yi maama. Yaa tiendi mani yeni, ke ban fidi ki yaa togidi ma leni li pamanli ki naa yenbidi, kelima li kan yaa pia yi po fuomiba.

Hebilunba 13:22

N kpiiba, n mia yi ke yin juuni ki gaa i naa tundi, kelima min diani yi po yaa maama ki fuu.

Hebilunba 13:24

Yin fuondi yi gobidikaaba leni bi nigagidiŋanba kuli. Yaaba n ye Itali diema nni fuondi yi.

Hebilunba 13:7

Yin yaa tiani yi gobidikaaba po, bani yaaba n den waani yi U Tienu maama. Yin kpaagi bi yema leni bi juodima po, ki yaa togidi bi dandanli.