LOMA YAABA 12:3 - U TIENU MAAMA TILI 2013

³ Min baa yaa ŋanbili paabu po, n yedi yikuli yendo yendo, yin da nua yi yula ke yi cie yin tie maama. Yin yaa pia li yumiinli, ki cuo ki dagini nani U Tienu n biigi ki puni yuakuli li dandanli yaa banlu.

Gourmanchéma Bible

³ Kelima min baa yaa *ŋanbili-paabu yaa po, n yedi yikuli yendo yendo, yin da nua yi yula ke yi cie yin tie maama. Yin yaa pia li yumiinli ki cuo ki dagini nani U Tienu n biigi ki puni yua kuli li *dandanli yaa banlu.

LOMA YAABA 12:3 ပူးပေါင်းရင်းမြစ်များ

Mi Kpanjama 25:27

Laa ŋani nilo n je ti siadi boncianla, Laa go ŋani nilo n lingi kpiagiciandi o yuli po.

Mi Kpanjama 26:12

A yaa laa yaa joa n yi o yuli yanfuodaano, Mi suginma ye o yanluodaano po ki cie wane.

O Yanfuodaano 7:16

Ŋan da tiegi ke li pendi, Ŋan da doagidi ke a pia yanfuokandikaama mo. Be yaa po ke a baa bolini a yuli?

Mise 6:8

U Tienu den bangi fini o nisaalo yaala n ŋani Leni o Diedo n guu a kani yaala. Lani n tie ke ŋan yaa ŋua yaa bujiali n tiegi, Ki bua mi teginma, Ki go yaa cuoni wani a Tienu nintuali leni li yumiinli.

Luki 18:11

Farisieni yeni den sedi ki jaandi o pali nni, ki yedi: ‹U Tienu, n tuondi a kelima mii ta leni yaa niba n sieni ki tie suuda, nibiadiba leni mi conconma danba. N tuondi a ke mii taa leni yaa lubigaalo n tie ne moko.

Jan n diani U Tienu Laabaaliŋamo maama 3:34

U Tienu n soani yua maadi U Tienu n maadi yaa maama, kelima wani U Tienu n puuni o o Fuoma ke o gbie o niinni.

LOMA YAABA 1:5

O yaa po yo, ke ti den baa li ŋanbili ki tua o tondiba, ke tin yaa gobidi i nibuoli kuli, ban daani o ki tuo o maama.

LOMA YAABA 11:20

Li tie moamoani. Bi den jia ki ñani bani, kelima bi dandanluoma po, fini mo ye lienni, kelima li dandanli yaa po. Lanwani, ŋan da kpiagi a yuli, ama ŋan yaa jie.

LOMA YAABA 11:25

N kpiiba, mii bua yaa bondoaginkaala n tie ne n yaa boani yi. Yin da nua yi yula ke yi tie yanfuodanba. Laa bondoaginkaala tie ke Isidayeli buolu siiga, bi tianba pala juagi hali bi nilanba n baa kua U Tienu tindima nni ki pundi ki dagidi cain.

LOMA YAABA 12:16

Yin yaa pia yantiayenli leni yiyaba. Yin da bua ki yaa tie niciama. Yin da fiini yi yula, ama yin cedi li yumiinli n diedi yi. Da nua mani yi yula ke yi tie yanfuodanba.

1 Korenti 15:10

U Tienu ŋanbili po yo, ke n tua min tie yua na. O ŋanbili n po naa tua fanma, li teni ke n soani ki cie Jesu tondiba kuli. Laa tie mini n ba ka soani yeni, ama U Tienu ŋanbili n tuuni leni nni.

1 Korenti 3:10

Nani U Tienu n puni nni yaa ŋanbili po, n den puu li tanpuuli nani o diemaa-yanfuodaano yeni, ke nitoa mo ŋuandi lipo. Die yuakuli n fangi o yuli leni wan ŋuandi lipo maama.

1 Korenti 7:17

Lanwani, bonyenla bebe n ye, yuakuli n yaa ye nani o Diedo n puni o maama, ki ŋoadi wan den tie maama U Tienu n yini o yaa yogunu. Lani n tie min biliti yaala Kilisiti Nitaana nni, i kaani kuli po.

2 Korenti 10:13

Tinba wani kan pagi ti yula leni yaa tuonli n pendi U Tienu n bili ti po yaa banlu. Ti baa pagi ti yula leni wan bili ti po yaa banlu, wani yua n puni ti u sanu, ke ti pundi hali yi kani.

2 Korenti 12:13

N den tieni Kilisiti Nitaana ya n ye kaanto po be yo, kaa tieni yinba yaa po? N bani ke mii den tie yi po tugili bebe yo. Tieni mani n po sugili, ke n den tieni yeni, ki tudi yi po.

2 Korenti 12:7

Lan baa gaa maama ke min da gbengi n yuli leni ti japaadi, kelima laa bondoagidikaala n den ŋani maama po, bi den kuani nani i konkoni yeni, n gbanandi nni. Li den tie Sutaani maleki yua n den kudi nni, ke min da gbie leni ti japaadi.

Galati 6:3

O nilo yaa nua ke o tie bonmoanla, ki naa tie puu, o boandi o yuli.

Efesa 3:2

Yi gbadi U Tienu n tieni n po yaa ŋanbili, ke min boagidi li leni yi.

Efesa 3:4

Yi yaa cogi, yi baa fidi ki bandi min gaa maama ki bandi Kilisiti bondoaginkaala.

Efesa 4:16

Li tie wani leni o yaa todima po yo, ke ti gbanandi kuli taani ki tuugi yenma, kelima ti gbanandi tuga kuli ya n kubi ti, ke ti pa bonŋanla po. Yeni yaa po ti kpedi kelima gbananbuolu kuli tuuni u tuonli nani lan pundi maama, ki ŋanbidi tiba mi buama nni.

Filipi 2:13

U Tienu n baa teni yin bua, ki go fidi ki tieni nani o yanjagiŋanli n tie maama.

Kolosi 1:29

Li tie lani yaa po ke n tuuni, ki moa li muali leni o yaa fidu, yuu n tuuni n niinni leni u paalu.

Kolosi 2:13

Yinba yaaba n den kpe, kelima yi tuonbiadi leni yin kaa den kua koanciagu yi gbanandi nni maama po, U Tienu guani ki puni yi li miali kelima o po: O puni ti sugili ti tuonbiadi kuli po.

1 Timote 1:14

Ti Diedo den ŋanbi n po hali ke li kandi, ki puni nni yaa dandanli leni yaa buama n ñani Jesu Kilisiti kani.

1 Timote 2:15

Ba yeni, o baa faabi kelima o maalu po, li yaa tie ke o se li dandanli nni leni mi buama, mi gagidiŋanma leni li yukubili kuli nni.

1 Timote 2:9

N go bua bi puoba mo n yaa yie yaa tiadi n dagidi, ki pia li fangili leni li yukubili, ki da sibidi biba leni i yupiani, wula tiadi, yaa lanbima yaa dunga pa leni tiatoadi moko, yaadi yaa dunga n pa.

Titi 2:12

Li bangi ti ke tin paadi leni U Tienu yiema leni ŋanduna bonbuakaala, ki yaa ye ŋanduna na niinni leni li yantiaŋanli, ki tiendi yaala n tiegi, ki fangi U Tienu,

Titi 2:2

Ŋan yaa wangi a jakpela ke ban yaa kubi bi yula, ki yaa tie bi niba n jigindi yaaba, ki pia li yantiaŋanli, ki se ke li ŋani li dandanli nni, mi buama leni li juunli nni.

Titi 2:4

ki tundi bi pomadiba ban yaa bua bi ciaba leni bi bila,

Titi 2:6

Ŋan go yaa tundi bi jawaaba mo ke ban yaa pia mi yama li bonla kuli nni.

Jaki 4:6

U Tienu n tieni ti po yaa ŋanbili yabi ki cie, kelima i Diani yedi: «U Tienu yie bi japaadanba, Ama o puuni bi yumiindanba o ŋanbili.»

1 Pieri 1:13

Lani yaa po yin bogini, yi yantiana mo n yaa se kaanyendu, ki bili yi suginma yin baa baa yaa ŋanbili nni, Jesu Kilisiti n baa doagidi yaa yogunu.

1 Pieri 4:11

O nilo yaa maadi, lan yaa tie ke o wangi U Tienu maama. Yua n tuuni U Tienu tuonli, wan yaa tuuni leni U Tienu n puuni o yaa fidu. Yin yaa tiendi yeni ke wani U Tienu n yaa baadi ti kpiagidi li bonla kuli nni, kelima Jesu Kilisiti po, wani yua n die ti kpiagidi leni u paalu kuli, hali yaa yogunu kuli. Amina!

1 Pieri 4:7

Li bonla kuli juodima nagini. Yin faami ki yaa kubi yi yula, lani n tie yin fidi ki yaa jaandi.

1 Pieri 5:5

Yinba bi jawaaba mo, yin yaa miindi yi yula a nikpela kani. Yikuli n yaa miindi yi yula yiyaba kani, ki yaa la li yumiinli, ki yaa todi yiyaba kelima li diani: «U Tienu yiedi bi japaadanba, Ama o puuni bi yumiindanba o ŋanbili.»

1 Pieri 5:8

Yin yaa kubi mani yi yula ki yaa faami, kelima yi yibali Sutaani, goadi nani yaa yangbanlo n duni ki lingi wan baa cuo yua ki ŋmani yeni.

3 Jan 1:9

N den diani mi maama waamu Kilisiti Nitaanli po. Ama Diotrefi, yua n bua ki yaa tugi li yuli bi siiga yeni naa tuo ti po.