LOMA YAABA 12:15 - U TIENU MAAMA TILI 2013

¹⁵ Yin mangi yi pala leni yaaba n pia li pamanli, ki buudi leni yaaba n buudi.

Gourmanchéma Bible

¹⁵ Yin mangi mani yi pala leni yaaba n pia li pamanli, ki go buudi leni yaaba n buudi.

LOMA YAABA 12:15 ပူးပေါင်းရင်းမြစ်များ

Nehemi 1:4

Min den gbadi laa bonla kuli, n den kali ki buudi. N den ye leni li paboanli ki luo bu ñoabu dana boncianla, ki jaandi ki miadi U Tienu yua n ye tanpoli,

Jobi 2:11

Jobi den pia danlinbitaa: Elifasi, Temani diema yua, Bilidadi, Suwa diema yua leni Tisofari, Naama diema yua. Bi danlitaadiba yeni n den gbadi yaa yebiadima n ŋmaa o. Bi den taani ki juogi ki cua ki baa mua o po, ki go baagi o.

Jobi 30:25

Naani mii yen mua Leni yaaba yaa yema n pa bi po? Naani mii den ye Leni li paboanli o luodo po?

O Yanfuodaano 3:4

A bubula yaa yogunu ye, Ti laadi mo yaa yogunu ye. Ki yaa mua ki ñiidi yaa yogunu ye, Ki yaa jeli ki ciaga mo yaa yogunu ye.

Jeremi 38:12

Ebedi-Meleki Etiopi yua, den yedi Jeremi: «Taa i naa kpacabaani leni a naa kpacakpela ki tieni likuli a bualogi nni, i baabi tiipo.» Jeremi den tieni yeni.

Jeremi 9:1

Bi yaa bi puni nni mi fanpienma nni Bi sancenba n baa wuoni naani, N baa sani ki ŋaa n diema niba ki foagidi leni ba, Kelima bikuli tie conconma danba. Bikuli tie janbi danba bebe.

Luki 1:58

O yieninlieba leni o kpiiba den gbadi ke o Diedo gbadi o po mi ninñincianma, ki taani ki mangi bi pala leni o.

Jan n diani U Tienu Laabaaliŋamo maama 11:19

ke Jufinba boncianla den cua Marti leni Mariyama kani, ki baa baagi ba kelima bi naataanjaga kuuma po.

Jesu Tondiba Tuona 11:23

Wan den pundi ki laa U Tienu ŋanbili, o pali den mangi. O den tundi bikuli ke ban yaa ŋua o Diedo leni payenli.

1 Korenti 12:26

Gbanan-buoyendu yaa laadi fala, i gbananbuoli kuli taani leni u laa fala nni. Gbanan-buoyendu yaa baa ti jigidi, i gbananbuoli kuli mangi i pala leni u.

2 Korenti 11:29

Bi siiga, ŋme n tadi ke mini mo naa tadi? Ŋme n baa ti tuonbiadi nni ke laa juni n pali?

2 Korenti 2:3

N den diani yi po yeni, kelima mii den bua ki baa li pabiidili yinba yaaba n mangidi n pali yaa kani. N dugi yi po ke n pamanli tie yikuli yaa pamanli.

Filipi 2:26

O den bua hali bonŋanla ki le yikuli. Wan den bandi ke yi gbadi ke o yia, o yama den yagi li po boncianla.

Filipi 2:28

Yaala n tigini nni ke min soani o yi kani tie, ke n bua yin go le o yi pala n mangi, n yaa pabiidili mo n wadi.

Hebilunba 13:3

Yin yaa tiani a kpaada po, nani yimoko taa leni ba ki tie kpaada yeni. Yin go yaa tiani ban faligi yaaba po, ki bani ke yimoko ye ti gbanandi nni, ki tie ban baa fidi ki faligi yaaba.