LOMA YAABA 12:12 - U TIENU MAAMA TILI 2013

¹² Yin yaa mangidi yi pala yin pia yaa suginma nni. Yin yaa pia li juunli fala nni. Yin yaa jaandi ki da cedi.

Gourmanchéma Bible

¹² Yin yaa mangidi yi pala yi suginma nni. Yin yaa pia li juunli fala nni. Yin yaa jaandi mani ki da cedi.

LOMA YAABA 12:12 ပူးပေါင်းရင်းမြစ်များ

Pisomi 109:4

Bi kuliti nni, ba ke n bua ba. Ama mini wani, n li jaandi ki miade.

Pisomi 37:7

Duani a yama o Diedo nintuali, Ki yaa dugi o po. Da bieni a pali leni Yua yaa bonla n cuoni o po bonŋanla, Ki da bieni a pali leni yua mo N kubi o yanjagibiada.

Pisomi 40:1

Bi yanyinba yudaano yani siiga yanbu. Davidi yanbu.

Pisomi 62:8

N faabima leni n kpiagidi ye U Tienu kane. Wani n tie n tangu yaagu n pia u fidu, Wani n go tie n wuonkaanu mo.

Mi Kpanjama 10:28

Bi niteginkaaba dugidi puuni li pamanli. Bi nibiadiba wani yaa suginma baa bodi.

Mi Kpanjama 14:32

O nibiado biadima n yen guli o, Ama o niteginka pia gaapo ba mi kuuma nni.

Matie 5:12

Yin mangi mani yi pala ki yaa ye leni li pamancianli, kelima yi panpaani baa yaa yabi tanpoli po. Bi niba den wangi bi saawalipuaba yaaba n den ye ke yi daa ye, o falabiado yene.

Luki 10:20

Ba yeni, yin da mangi mani yi pala kelima mu cicibiadimu tuo yi maama, ama yin mangi yi pala kelima bi diani yi yela tanpoli po.»

Luki 21:19

Yi yaa juuni yi baa gaa yi miana.

Luki 8:15

Yaa bonbii n baa ki tinŋanga nni mo tie yaaba n gbadi U Tienu maama, ki gaa ma yaa pala n tiegi ki ŋani nni, ki kpaagi mi po ki kubi ma bonŋanla, ki juuni ki ban loni li bonluonkaala.

Jesu Tondiba Tuona 1:14

Bikuli den pia yanyenma ki yen taandi ki jaandi kaa cedi, bani leni puotianba, Jesu naa Mariyama leni Jesu waamu.

Jesu Tondiba Tuona 12:5

Lani, bi den guu Pieli li kpaadidieli nni. Ama Kilisiti Nitaanli den miadi o po U Tienu, kaa cedi.

Jesu Tondiba Tuona 2:42

Yaaba n den ŋoadi Jesu, den kuani bi yama bonŋanla Jesu tondiba bangima nni, ki taandi li dandanli yaaba taanli nni, ki go taandi ki di, ki jaandi yogunu kuli kaa cedi.

Jesu Tondiba Tuona 6:4

ama tinba wani baa pa ti yula i jaandi leni U Tienu maama wangima po.»

LOMA YAABA 15:13

Mi suginma Tienu n gbieni yi pala leni li pamanli leni mi yanduanma li dandanli nni. U Tienu Fuoma Yua paalu n teni yin yaa pia mi suginma ki pugidi pugidi.

LOMA YAABA 15:4

Yaala n den kpa diani kuli den diani ke lan bangi ti, ke i Diani n puuni yaa juunli leni yaa baagi po, tin fidi ki baa mi suginma.

LOMA YAABA 2:7

Yaaba n tiendi yaala n ŋani kaa cedi, ki lingi U Tienu kani ti kpiagidi, ti jigidi leni yaa miali n ki pia kuuma, U Tienu baa pa ba yaa miali n kan gbeni.

LOMA YAABA 8:25

Ama ti yaa sugini tin daa laa yaala, ti baa yaa guu la leni li juunli.

1 Korenti 13:13

Moala, bonlitaa n ye ki kan pendi, Lani n tie li dandanli, Mi suginma leni mi buama. Likuli siiga yaala n cie tie mi buama.

2 Korenti 12:8

N den mia U Tienu taalimitaa ke wan ñani n po laa bonla.

Filipi 3:1

N kpiiba, n majuodikaama tie mine: Yin yaa mangidi mani yi pala o Diedo nni. Laa coagini nni min go diani yi po yeni ki pugini, li go baa teni yin yaa se ke li pa.

Filipi 4:4

Yaa mangidi mani yi pala o Diedo nni yogunu kuli. N go waani yi yeni, yaa mangidi mani yi pala!

Kolosi 1:11

Ti go miadi o ke wan pa yi u paalu li bonla kuli po, kelima o paalu yuu n pia ti kpiagidi yaa po, ke yin yaa pia li toli leni li juunli yogunu kuli.

Kolosi 1:27

O bua ki teni o nigagidiŋanba n yaa bani o bondoaginkaala, yaala n tie ŋalimani, ki pia ti kpiagidi, ki ye i nibuoli kuli po. Laa bondoaginkaala tie line, Kilisiti ye yi niinni, ki teni ke yi pia ti dugidi, ke yin taani ki baa U Tienu kpiagidi.

Kolosi 4:12

Epafrasi yua n tie yi siiga yua, ki go tie Jesu Kilisiti naacemo moko fuondi yi. O moa yi po yogunu kuli o jaandi nni, ki miadi yi po, ke yin yaa tie yaaba n dagidi cain, ki bani U Tienu n bua yaala, ki yaa se ke li pa U Tienu sanŋoadima nni.

Kolosi 4:2

Yin yaa jaandi U Tienu ki da cedi, ki da yoaligi, ki yaa tuondi o mani.

1 Tesaloniki 1:3

Ti tiani yogunu kuli ti Baa U Tienu kani yi dandanli leni yi buama ti Diedo Jesu Kilisiti po, n teni ke yi tuuni maama leni yi suginma n se bonŋanla maama.

1 Tesaloniki 5:8

Ama tinba, yaaba n tie u yensiinu yaaba, tin yaa kubi ti yula. Tin yaa la li dandanli leni mi buama yaa kudi liadili, ki go ciibi mi tindima yaa suginma nani li kusanli yeni.

2 Tesaloniki 1:4

Ba yin laadi yaa fala leni yaa yebiadima kuli, ti kpiagidi ti yula U Tienu Nitaana nni, kelima yi juunli leni yi dandanli po.

2 Tesaloniki 3:5

O Diedo n gobidi yi yantiana, yin yaa pia U Tienu buama leni Kilisiti yaa juunli.

1 Timote 6:11

Ama fini U Tienu nilo, ŋan sani ki ŋaa laa bonla, ki yaa ŋua mi teginma, U Tienu tuoma, li dandanli, mi buama, li juunli leni mi dingima.

2 Timote 3:10

Ama fini, a den ŋoadi n bangima, n tagu, n jaga, n dandanli, n dingima, n buama, n juunli,

Titi 2:13

ki go guu tin sugini yaala ke li pia li pamancianli yeni. Lani n tie ti Tienu, yua n tie Tienciamu leni ti Candaano Jesu Kilisiti kpiagidi doagidima.

Titi 3:7

Lani, tinba yaaba n baa li moamoansaali kelima o ŋanbili po, baa baa yaa miali n kan gbeni, tin sugini ki baa yaali.

Hebilunba 10:32

Yin yaa tiani mani lan den tie yi po maama yaa dana n pendi, U Tienu n den kpa yendi yi yama yaa yogunu. Ba ke bi den waani yi fala boncianla, yi den juuni ki moa li muacianli, ki se ke li pa lienni.

Hebilunba 10:36

Li pundi ke yin yaa pia li juunli ki se ke li pa, ke yin tieni U Tienu yanbuama ki dudi, ki baa wan den niani ke o baa pa yi yaala.

Hebilunba 12:1

Lanwani, yaa siedinba n yabi boncianla n lindi ti nani ku tawaligu yeni, tin tugidi yaa tugili n yie ti po leni yaa tuonbiadi n yabi ki lindi ki cebini ti. Lani, tin yaa tiini leni li juunli, yaa nuama n bili ti po.

Hebilunba 3:6

Ama Kilisiti, wani n tie nidugika kelima o tie Bijua ki die U Tienu diegu. Tinba n tie o diegu li yaa tie ke ti kubi leni li papaali hali mi juodima tin kpiagidi ti yula yaa suginma yaa po.

Hebilunba 5:7

Wani, wan den tie nisaalo ki ye o gbanandi nni yaa yogunu, o den miadi U Tienu yua n baa fidi ki faabi o leni mi kuuma, i tantani leni ti nunsiidi nni. U Tienu den gbadi o miabu, kelima o den fangi wani U Tienu.

Hebilunba 6:12

Tii bua yin yaa tie kpadijedanba, ama yin yaa togidi yaaba n baadi U Tienu n niani yaala, kelima li dandanli leni li juunli po.

Hebilunba 6:15

Abalahama n den juuni ki guu, o den baa U Tienu n niani o yaala.

Jaki 5:7

N kpiiba, yin yaa pia li juunli hali o Diedo n baa cua. Diidi mani, o kpakpaalo yen guu ki tinga bonluonkaala, yaala n pia mayuli hali boncianla, ki juuni li po hali wan baa baa ki takpiaga leni ki tajuodikaaga kuli.

1 Pieri 4:13

Ama yin yaa mangidi yi pala, kelima yi taani leni Kilisiti o fala nni. O kpiagidi yaa doagidi yaa yogunu moko, yi baa yaa ye leni li pamankandikaali.

1 Pieri 4:7

Li bonla kuli juodima nagini. Yin faami ki yaa kubi yi yula, lani n tie yin fidi ki yaa jaandi.

2 Pieri 1:6

ki yaa pugidi mi bandima po li yukubili, ki yaa pugidi li yukubili po li juunli, ki yaa pugidi li juunli po U Tienu tuoma,

Mi Doagidima 13:10

Lan bili yua yaa po Ke bi baa gedini o ti yonbidi kuli, O baa gedi ti yonbidi. Yua n kpa nitoa leni ki jugisiega, Bi baa kpa omo leni ki jugisiega. Lani yaa po yo, ke li pundi bi nigagidiŋanba n yaa pia li juunli, ki se leni dandanli.