LOMA YAABA 12:1 - U TIENU MAAMA TILI 2013

¹ Lani yaa po, n kpiiba, n mia yi ki go tundi yi, kelima U Tienu ninñingbadima po, ke yin pa U Tienu yi yula nani yaa padili n fo, yaali n gagidi ki ŋani ki mani o po. Lani n tie lan pundi, yin yaa kpiagidi o maama.

Gourmanchéma Bible

¹ Lani yaa po n kpiiba, n mia yi ki go tundi yi kelima U Tienu niñingbadima yaa po, ke yin pa U Tienu yi yula nani yaa padili n fo, yaali n gagidi ki mani opo. Lani n tie lan pundi yin yaa kpiagidi o maama.

LOMA YAABA 12:1 ပူးပေါင်းရင်းမြစ်များ

Pisomi 116:12

N baa tieni lede ki fidi ki guani O Diedo n tieni n po yaa ŋanma kuli?

Pisomi 19:14

Faabi a naacemo leni bi japaadanba, Da teni ban paadi nni. Lani, n baa yaa tie papiendaano, Ki naa pia tagiliciamiba mo.

Esayi 56:7

N baa yini bani n joagagidikaali po, Ki teni ban mangi bi pala n diegu nni, Ban jaandi nni naani. N baa tuo ki gaa bi padijuukaana Leni bi pada kuli n padibinbinli po, Kelima n Diegu baa yaa yi I jaandi diegu yo i nibuoli kuli po.

Jeremi 6:20

N baa tieni be yo Saba diema dugibila? Yaa kpenmuadi yaa nuulu n mani, Ki ñani hali yaa diema n ye foagima, Pia be yaa fuome n po? Mii bua yi padijuukaana, Yin kpendinni n po yaa pada mo fa.»

Ose Tili 14:2

Isidayeli yaaba, lebidi mani ki guani O Diedo yi Tienu kani, Kelima yi tuonbiadi n teni ke yi tuudi ki baa.

Luki 7:47

Lani yaa po, n yedi a ke wan bua nni boncianla yeni doagidi ke o baa sugili o tuonbiadi yaadi n yabi po. Yua n baa sugili yaa tuonbiadi n wa po mo, bua waamu bebe.»

LOMA YAABA 12:2

Da taani mani leni ŋanduna na niinni yaaba. Ama yi yantiana pandima n teni yin lebidi, ke yin fidi ki gagidi ki bandi U Tienu yanbuama. Lani n tie yaala n ŋani, ki mani o po, ki go dagidi cain.

LOMA YAABA 15:16

ki teni ke n tua Jesu Kilisiti naacemo bi nilanba siiga. N tuuni yaa tuonli n gagidi ki wangi ba U Tienu Laabaaliŋamo. Lani n tie ke bani bi nilanba n tua nani U Tienu n baa tuo yaa padili ke li mani o, U Tienu Fuoma Yua n gagidi yaali wani U Tienu po.

LOMA YAABA 15:30

N kpiiba, n mia yi kelima ti Diedo Jesu Kilisiti yaa po leni U Tienu Fuoma buama po, ke yin taani leni nni min moa yaa muali nni, ki yaa jaandi U Tienu ki miadi o n po leni li yankuali.

LOMA YAABA 2:4

Bi a fali o ŋanbicianli, o yansoangima leni o juunli, ki naa faami ke U Tienu tieni a po li ŋanbili, ki bua ki gobidi a, ŋan tuo ki lebidi a yama yo?

LOMA YAABA 6:13

Yin da go teni ti tuonbiadi n diedi yi gbananbuoli, ki teni tin tua mi biadima jatiadi. Ama yin teni yi yula U Tienu, nani yaaba n fii bi tinkpiba siiga, ki go ye ki fo yeni. Yin yaa puuni yi gbanandi U Tienu ki teni tin tua mi teginma jatiadi.

LOMA YAABA 6:16

Yii bani ke yi yaa taa yi yula ki teni yua, ki tua o yonbi, ki ŋua o maama kuli, se yin tuo ki tua o yonbi cain? Li tie tiladi, yin ŋoadi ti tuonbiadi yaadi n kpendinni mi kuuma, bi U Tienu tuoma yaama n baa cuani yi po li moamoansaali.

LOMA YAABA 6:19

N maadi nani bi nisaaliba n maadi maama, kelima yi yantiana tadingu po, ke yin fidi ki gbadi. Nani yin den kpa puni yi gbanandi ke ti tua ti cagindi leni mi biadima yonbi, ki baa yaa tiendi ti tuonbiadi maama, moala yin yaa puuni yi gbanandi tin yaa tie mi teginma yonbi, ke yin fidi ki pundi mi gagidiŋanma U Tienu po.

LOMA YAABA 9:23

U Tienu den tieni yeni ki baa doagidi o kpiagidi n yabi maama yaa niba n tie nani wan den gbadi yaa tiadi po mi ninñima yaa po wan den tuodi ki ŋanbi yaaba ke ban taani leni o o kpiagidi nni?

1 Korenti 1:10

N kpiiba, n mia yi ki go tundi yi, kelima ti Diedo Jesu Kilisiti yeli po, ke yikuli n yaa mani leni yiyaba, ke paadimiba kuli n da ye yi siiga. Lani n tie yin yaa taa yenma yi yantiana leni yi jaga kuli nni.

2 Korenti 10:1

Mini Poli n tundi yi, kelima Kilisiti yumiinli leni o dingima po, mini yua n dingi yi siiga, ama n yaa foagi leni yi n tie nipaalo yi po.

2 Korenti 4:1

Nani U Tienu n gbadi ti ninñima, ki puogi ti li naa tuonli yeni, ti kan luo papaali.

2 Korenti 4:16

Lani yaa po, tii luo papaali. Ba ke ti gbanandi kpeligidi ti niinni, ti pandi daali kuli.

2 Korenti 5:20

Lanwani, ti tie Kilisiti badibaanba. Li tie nani U Tienu oba n maadi ti ñoana nni ki tundi yi. Ti miadi yi Kilisiti yeli nni: «Guani ki mangi mani leni U Tienu.»

2 Korenti 6:1

Lanwani, nani tin taa ki tuuni leni U Tienu yeni, ti tundi yi ke yin da fali yin den baa U Tienu ŋanbili paabu yaabu.

Efesa 4:1

Lani kuli yaa po, n tundi yi, mini yua n tie li kpaadili kelima n tie o Diedo yua. Moandi mani yi tagu n dagidi leni wan den yini yi yaala yaa po.

Efesa 5:10

Yin biigi ki bandi yaala n baa yaa mani o Diedo po,

Mi Tiadima 14:2

Yi tie yaa nibuolu n gagidi ki ŋani o Diedo yi Tienu po. Yinbe ke o Diedo yi Tienu den gandi, ki tinga nibuoli kuli siiga, ke yin tua wan die yaaba.

Filipi 1:20

Min bua ki go sugini maama tie ke min da le i fe liba kuli po. Ama nani lan den kpa tie maama, li go tie yeni moala. N sugini ke Kilisiti n baa ti kpiagidi n miali yema kuli nni, min ye leni min kpe kuli.

Filipi 2:17

Ba li yaa tie ke n soama baa wuli ki tua nani li ñincabili yeni, yi dandanli tuonli padili po, n baa yaa mangidi n pali li po, n go baa yaa mangidi n pali leni yikuli.

Filipi 4:18

N diani yeni ki waani yi ke yin den soani n po yaala kuli pundi n kani, ke n pia ke li kandi. Min den gaa yin den soani Epafroditi ke wan teni nni yaala yeni, mii go luo liba kuli. Yi paabu yeni tie nani yaa tulale yaa nuulu n mani leni U Tienu n gaa yaa padili ke li mani o po yeni.

1 Tesaloniki 4:1

Ti kpiiba, ti majuodikaama tie mine. Ti den bangi yi yi tagi n baa yaa tie maama ki yaa mani U Tienu po. Moamoani yi tiendi yeni. Moala ti mia yi ki go tigini yi kelima o Diedo Jesu po, ke yin go yaa tiendi yeni ki pugidi.

1 Tesaloniki 4:10

Yi tiendi yene mo yo, yi kpiiba yaaba n ye Maseduani kuli po. Ti mia ki go tundi yi, ke yin yaa tiendi yeni ki pugidi.

1 Tesaloniki 5:12

Ti kpiiba, ti mia yi yin yaa jigindi yaaba n tuuni o Diedo tuonli yi siiga, bani yaaba n gobidi yi o sanŋoadima nni, ki tuodi ki tundi yi.

1 Timote 2:3

Lani n ŋani ki go mani U Tienu ti Candaano po,

1 Timote 5:4

Li kpepuoli yaa pia a bila, yaa ka a yaabila, li pundi ban bandi ki yaa tiendi yaala n pundi yua n ŋua U Tienu n baa yaa tiendi yaala o danba po, ki guani ba bi ŋanma. Lani n tie yaala n mani U Tienu po.

Filemon 1:10

n mia ŋa bu miabu n biga Onesimi po, min mali yua ti kpaadi nni.

Filemon 1:9

yaala n mani n po ki cie tie ki mia ŋa bu miabu, kelima mi buama yaa po. Mini Poli, yua n tie jakpelo ki go tie kpaadili moala kelima Jesu Kilisiti po,

Hebilunba 13:22

N kpiiba, n mia yi ke yin juuni ki gaa i naa tundi, kelima min diani yi po yaa maama ki fuu.

1 Pieri 2:20

Bi yaa faligidi yi kelima yi tieni ti tuonbiadi ke yi juuni, li baa cuani yi po be yaa pagidi? Ama yi yaa tieni yaala n ŋani ke bi faligi yi, ke yi juuni, li tie yaa bonla ŋani U Tienu nintuali.

1 Pieri 2:5

Yinba yaaba mo n tie nani yaa tana n fo, teni mani ban maa yi yin tua U Tienu diegu, o Fuoma n ye naankani. Lani, yi baa tua yaa kopadicianba n gagidi U Tienu po, ki padi o po yaa pada n gagidi, ki go mani o po, kelima Jesu Kilisiti yaa po.