LOMA YAABA 11:28 - U TIENU MAAMA TILI 2013

²⁸ A yaa kpaagi Isidayeli buolu n yie o Laabaaliŋamo maama, bi tie U Tienu yibalinba yinba bi nilanba ŋamu po. Ama a yaa kpaagi U Tienu gandima po, bi tie U Tienu buakaaba, kelima bi yaajanba po.

Gourmanchéma Bible

²⁸ A yaa kpaagi Isalele buolu yaaba n yie o Laabaaliŋamo maama, bi tie U Tienu yibalinba yinba bi nilanba yaa ŋamu po. Ama a yaa kpaagi U Tienu gandima po, bi tie U Tienu buakaaba kelima bi yaajanba po.

LOMA YAABA 11:28 ပူးပေါင်းရင်းမြစ်များ

Mi cilima 26:4

N baa teni a puoliŋuani n yaa yabi nani tanpoli ŋmabila n yabi maama yeni. N baa pa yaa diema n tie ne kuli a yaabila, ki tinga nibuoli kuli baa baa li seli kelima a yaabila po.

Mi cilima 28:14

A puoliŋuani baa tua nani ki tinga wagima. A baa tandi ki yadi nintuali leni puoli, nujienu leni nuganu po kuli. Ki tinga nibuoli kuli baa baa li seli kelima fini leni a puoliŋuani po.

Jeremi 31:3

O Diedo den doagidi nni hali yogu ki yedi: ‹N bua yi yaa buama n ki pia gbenma. Lani n teni ke n baa kubi n ŋanma yi po.

Mise 7:20

A baa waani tinba a niba Jakob puoliŋuani, A buama yaama n ki pia lebidima, Ki go waani tinba Abalahama puoliŋuani a ŋanbili, Nani ŋan den poli ki niani ti yaajanba hali yogunu maama.

Matie 21:43

Lani yaa po, n waani yi, bi baa gaa yi kani U Tienu diema, ki teni yaa nibuolu n baa yaa baadi mi po li bonluonkaala. [

Luki 1:54

O todi o naacenba Isidayeli yaaba. O tiadi o ninñingbadima yogunu kuli po,

Jesu Tondiba Tuona 14:2

Ama Jufinba siiga yaaba n den yie kaa tuo ki daani, den fiini bi nilanba pala ki teni ke baa go mani leni li dandanli yaaba.

Jesu Tondiba Tuona 18:6

Ama Jufinba n den nia Poli maama ki sugidi o, o den yoagi o tiadi ki yedi ba: «Yi soama n guani ki wuli yi yula po. Mii pia lienni tagiliba kuli. Dinla liiga, n baa caa ki wangi bi nilanbe o Laabaaliŋamo.»

LOMA YAABA 11:11

Lanwani, n buali: Naani Isidayeli buolu tuudi ki baa yaa yogunu kuli po ki kan go fii yo? Yeni ka. Bi tingbali teni ke bi nilanba fidi ki baa mi tindima, ke lan yaa ñundi bani Isidayeli buolu li mutuoli.

LOMA YAABA 11:30

Puoli po, yinba bi nilanba den yie ki naa tiendi U Tienu n bili yaala. Ama moala yi baa ke o gbadi yi po mi ninñima, kelima bani Isidayeli buolu yiema po.

LOMA YAABA 11:7

Lankuli doagidi be? Lankuli doagidi, ke Isidayeli buolu naa baa ban den lingi yaala leni li yankuali. Ama bi siiga nni, U Tienu n gandi yaaba bebe n baa la, yaaba n sieni kuli yaa pala den juagi.

LOMA YAABA 5:10

Tin den tie U Tienu yibalinba yaa yogunu, o den teni ke ti mangi leni o, kelima o Bijua kuuma po. Lanwani, moala ke ti mangi leni o, laa pia kuli tama, ke ti baa faabi kelima o yaa miali po.

LOMA YAABA 9:5

Bi tie ti yaajanba puoliŋuani, Kilisiti moko den mali bi yaa buolu nne ti gbanandi po, wani yua n die li bonla kuli. U Tienu n baa ti pagidi hali yaa yogunu kuli. Amina!

Mi Tiadima 10:15

Ama i nibuoli kuli siiga, o Diedo den kuani o yama yi yaajanba yaa niinne, ki gandi ba. Bi yaa puoli, o den gandi yinba leni yi puoliŋuani, nani yin nua la maama dinla.

Mi Tiadima 4:31

O Diedo yi Tienu tie mi ninñingbadima Tienu, yua n kan ŋaa yi, ki kan bolini yi mo. O kan sundi wan den poli ki niani yaala yi baanba.»

Mi Tiadima 8:18

Yi baa yaa tiadi o Diedo yi Tienu po. Wani n puni yi u fidu, ke yi baa laa ŋalimano, kelima o bua ki kuani wan den poli ki niani yaala yi yaajanba, nani wan tieni maama dinla.

Mi Tiadima 9:5

Laa tie yi teginma leni yi tagiŋamu po ka, ke yi baa kua ki diedi bi diema. Ama li tie bi biadima po yo, ke o Diedo yi Tienu deli ba yi nintuali, ke wan den poli ki niani yi yaajanba, Abalahama, Isaaka leni Jakob yaala n tieni.