LOMA YAABA 11:25 - U TIENU MAAMA TILI 2013

²⁵ N kpiiba, mii bua yaa bondoaginkaala n tie ne n yaa boani yi. Yin da nua yi yula ke yi tie yanfuodanba. Laa bondoaginkaala tie ke Isidayeli buolu siiga, bi tianba pala juagi hali bi nilanba n baa kua U Tienu tindima nni ki pundi ki dagidi cain.

Gourmanchéma Bible

²⁵ N kpiiba, mii bua yaa bondoaginkaala n tie na n yaa boani yi, ke yin da nua yi yula ke yi tie yanfodanba. Laa bondoaginkaala tie ke Isalele buolu siiga bi tianba pala juagi hali bi nilanba n baa kua U Tienu tindima nni ki pundi ki dagidi cain.

LOMA YAABA 11:25 ပူးပေါင်းရင်းမြစ်များ

Pisomi 107:43

Yua n pia mi yama n faami li po, Ki bandi o Diedo tuonŋama.

Pisomi 127:1

Ban caa Jerusalemi ki yiini yaa yanbu. Salomon yanbu. O Diedo yàá maa yaa diegu, Bi diemaaba tuonli tie fanme! O Diedo yàá guu yaa dogu, Yaaba n guu, guu fanme!

Pisomi 22:27

Bi yumiindanba baa je ki guo, Yaaba n lingi o Diedo baa kpiagi o. Wan teni yin yaa ye yaa yogunu kuli!

Pisomi 72:17

Teni o bado yeli n yaa ye yogunu kuli, Ki waagi ki ye mi tinfanma nni! Bi niba baa yaa taagi o yeli ki gaaliti biyaba. I nibuoli kuli n taani ki yedi: «Li pamanli ye leni o bado yeni.»

Mi Kpanjama 26:12

A yaa laa yaa joa n yi o yuli yanfuodaano, Mi suginma ye o yanluodaano po ki cie wane.

Mi Kpanjama 26:16

O kpadijedaano tama ke o fani ki cie Nibilele yaaba n pia mi yama bonŋanla.

Esayi 5:21

Mi yebiadima baa ŋmaa yaaba N nua bi yula yandanba, Ki tama ke bi tie yanfuodanba.

Ose Tili 14:9

Bani Efrayimi buolu kaa go pia Ŋantaadoba kuli leni i buli. U Tienu baa pa ba ban mia yaala, Ki go yaa kubi ba. N baa yaa tie bi po nani sipre tibu, Yaabu n soangi yogunu kuli yeni. Bi baa yaa baadi bi kpaandi n yaa kane.»

Matie 13:11

O den guani ki yedi ba: «Bi puni yinba yin bandi tanpoli diema bondoaginkaala. Ama bi naa puni bani wani n bandi la.

Luki 21:24

Bi yibalinba baa kpa ba leni mu jugisiemu, ki gedini yaaba n sieni ti yonbidi i nibuoli kuli nni. I nilanbuoli yaaba baa paadi Jerusalemi, ki ŋmaa u hali U Tienu n bili bi po yaa yogunu n dudi.

Jan n diani U Tienu Laabaaliŋamo maama 10:16

N go pia yaa pe n kaa ye li naa yanloli nni. Li tie tiladi min cuani bani moko. Bimoko baa cengi n nialu. Lani, n pe kuli baa taani ki tua yangoyenli, ki yaa pia yankpaayendo.

LOMA YAABA 1:13

N kpiiba, n bua yin bandi ke n den lindi ki jagi ke n baa cua yi kani, ki baa bonluonkaaliba yi siiga, nani min de baa nibuotoe siiga maama. Ama hali moala, bonliba yen pigini n sanu ke mii fidi ki cua.

LOMA YAABA 11:12

Lanwani, Isidayeli buolu tingbali yaa cuani liseli ŋanduna kuli po, ke bi gbalima mo teni ke bi nilanba baa li seli, laa pia kuli tama ke bi yaa guani U Tienu kani, li baa cuani ŋanduna kuli po yaa seli n yabi ki cie yeni.

LOMA YAABA 11:24

Li yaa tie ke fini yua n bi tie olivie tilianbu benga, den jia ki tugini yaa olivie tibu n tie tiŋuukaabu, ki naa tie a yaa buolu kani, lanwani laa pia kuli tama, ke bani moko baa fidi ki guani ki tugini, bani bi ba yaa tibu kani, nani bi buolu n tie maama.

LOMA YAABA 12:16

Yin yaa pia yantiayenli leni yiyaba. Yin da bua ki yaa tie niciama. Yin da fiini yi yula, ama yin cedi li yumiinli n diedi yi. Da nua mani yi yula ke yi tie yanfuodanba.

LOMA YAABA 16:25

Tin yaa kpiagidi U Tienu, wani yua n baa fidi ki teni yin yaa se ke li pa o sanŋoadima nni, nani min wangi yaa Laabaaliŋamo, ki doagidi Jesu Kilisiti, n yedi maama. N wangi o nani U Tienu bondoaginkaala, yaala n den duagi ŋasiili nni hali yogu. Laa bondoaginkaala doagidi moala.

LOMA YAABA 9:18

Lanwani, U Tienu gba mi ninñima wan bua ki yaa gba yua yaa po mi ninñima, ki go juagi wan bua ki juagi yua yaa pali.

1 Korenti 10:1

N kpiiba, mii bua ke yaala n den tieni ti yaajanba n yaa boani yi. Ku tawaligu den yiini bi po, ke bikuli duodi mi ñincianma.

1 Korenti 12:1

N kpiiba, yaala n tie U Tienu Fuoma paabu yaa po, mii bua lan yaa boani yi.

1 Korenti 2:7

Ti wangi U Tienu yaa yanfuoma maame, yaama n duagi ki wuo bi nisaaliba po, U Tienu n den tuodi ki bili yaama ke man yaa tie ti po ti kpiagidi.

1 Korenti 4:1

Lanwani, li pundi ban yaa nua ti ke ti tie Kilisiti naacenba, U Tienu n puogi yaaba ban yaa wangi o bondoaginkaala.

Efesa 1:9

O den doagidi ti po o yanbuama bondoaginkaala, wan den tuodi ki bili yaa yanjagiŋanli Kilisiti nni.

Efesa 3:9

O go teni ke n doagidi bi niba kuli po laa bondoaginkaala n baa tieni maama. U Tienu yua n tagi li bonla kuli wuoni o bondoaginkaala yeni, hali yaa yogini n kpeli.

Efesa 4:18

Bi yama biigi. Bi tie canba U Tienu miali po, kelima bi yanboanma leni bi pajuagili yaa po.

2 Pieri 3:8

N buakaaba, bonyenla n ye, ke laa ŋani yin sundi la. Lani n tie: O Diedo po dayenli tie nani bina tudili, ke bina tudili mo tie nani dayenli yeni.

Mi Doagidima 1:20

Ŋan laa ke n muubi yaa ŋmabileleeda n jienu nni leni wula fidisantuankaanleleedi yeni, tie line: A ŋmabileleeda tie Kilisiti Nitaanleleeda yaa malekinba, fidisantuankaanilele yeni mo tie Kilisiti Nitaanleleeda yeni.»

Mi Doagidima 10:7

O malekileleelo yaa bogini ki baa piebi o kakaci, U Tienu bondoaginkaala baa tieni ki dudi, nani wan den tuodi ki waani o naacenba, bi saawalipuaba maama.»

Mi Doagidima 11:15

O malekileleelo den piebi kakaci. I nialiciami den kpaani tanpoli po, ki yedi: «Moala ŋanduna diema tua ti Diedo Leni wan Gandi Yua yaa yaama. O baa yaa die hali yaa yogunu kuli.»

Mi Doagidima 7:9

Lani n pendi, n den laa yaa niligu n yabi hali ke oba kuli kan fidi ki coadi ba, bani, yaaba n ñani ŋanduna diema, i nibuoli leni i mabuoli kuli nni. Bi den se li bali kalikaanu leni ki Pebiga nintuali, ki la a liadipienciama ki muubi ti kpakpafaadi.