LOMA YAABA 1:30 - U TIENU MAAMA TILI 2013

³⁰ Bi go tie ñoakpalidanba, ki maadi bi lieba po yaala n bia. Bi tie U Tienu yibalinba, yusiedanba, japaadanba leni yaaba n pagi bi yula. Bi cili yaa biadima n ki den kpa ye, ki go tie danyiekaaba mo.

Gourmanchéma Bible

³⁰ Bi go tie bi ñoakpalidanba ki maadi bi lieba po yaala n bia leni U Tienu yiekaaba leni bi yusiedanba, leni bi japaadanba, leni yaaba n pagi bi yula. Bi go cili yaa biadima n kaa den kpa ye, ki tie bi danyiekaaba moko.

LOMA YAABA 1:30 ပူးပေါင်းရင်းမြစ်များ

1 Bi Badiba 20:11

Isidayeli diema bado den guani ki soani ban ban yedi o: «Yua n da yie o toatiadi n da kpiagi o yuli nani yua n ji yiedi ti yeni!»

2 Bi Badiba Jama 19:2

Yua n nua saala bonla Hanani bijua Jehu den tuogi o bado Josafati, ki yedi o: «Be yaa po ke a todi o nibiado? Naani a bua yaaba n nani o Diedo yo? O Diedo pali beni a po, ŋan tieni yaala yeni yaa po.

2 Bi Badiba Jama 25:19

A fiini a yuli leni ŋan paadi Edomi yaaba. Mangi a pali leni laa kpiagidi, ki yaa se a denpo. Be yaa po ke a bua ki cili yaa toabu n baa cuani fini leni Juda diema yaaba toagoli kuli tingbali?»

Pisomi 10:3

O nibiado pagi o yuli leni wan jagi ki tieni yaala. O yaa tieni i janbi ki baa yaala, Se wan soli ki go ñuadi o Diedo.

Pisomi 106:39

Bi den joagini bi yula leni bi tuona, Ki cagini bi yula kelima bi conconma po.

Pisomi 49:6

Be yaa po yo ke i jeje baa cuo nni fala daali, N koanginkaaba tagili yaa gaani Ki lindi nni yaa yogunu?

Pisomi 5:5

Ŋaa tie yaa Tienu n bua mi biadima, Mi biadima ki ye a nintuali.

Pisomi 52:1

Bi yanyinba yudaano yani siiga yanbu. Davidi yanbu.

Pisomi 81:15

Se min bi jaligi ki fiagi bi yibalinba, Se min pua bi koanginkaaba.

Pisomi 94:4

Bi maadi mi japaamaama, Ki maadi ki duondi bi yula, Bani bi nibiadiba yeni.

Pisomi 97:7

Yaaba n kpiagidi i buli Leni yaaba n duondi bi yula, Laa bonpendikaala po kuli baa fiagi. I buli mo kuli baa cua, Ki labini o Diedo nintuali ki pugi o.

Pisomi 99:8

O Diedo, ti Tienu, Fini a ba n den guandi ba, Ki tie bi po yaa Tienu n puuni sugili, Kaa jiindi ba bi tuonjoagima panpaani.

Mi Kpanjama 24:8

Yua n jagi ki bua ki tieni yaala n bia, Wani n tie i janbi daano.

Mi Kpanjama 25:23

Nujienu faalu n kpendinni ki taaga, Mi mawuonkaama mo kpendinni li pabienli.

Mi Kpanjama 30:17

Yaa nunbu n ñuadi bu baamado, Ki yie ke bu kan cengi bu naa maama, U kpenu nni kankala baa fiadi bu, Jiebani bila mo baa je bu.

Mi Kpanjama 8:36

Ama yua n tieni ti tuonbiadi n po kuli, Faligidi o yuli. Yaaba n nani nni kuli, lingi mi kuume.»

O Yanfuodaano 7:29

Min laa ki bandi yaala bebe nne: U Tienu tagi bi niba ke bi tiegi, Ama bani mo paagi li bonla kuli.»

Esekieli 14:5

Yeni, n maguankaama baa yagi Isidayeli yaaba yama, bani yaaba n ŋaa nni kelima bi buli po yeni.»

Esekieli 22:7

A yaa niinne, ke bi fali bibaa leni binaa. A siiga nne, ke bi mabindi bi canba. A yaa kane, ke bi janbidi a kpienbila leni a kpepuona.

Mi Coadima 10:35

Ku ŋantaadikpaku yaa baa gedi yaa yogunu, Musa yen yedi: «Fii, o Diedo, A yibalinba n yadi yadi! Yaaba n nani a mo, n sani a nintuali.»

Matie 15:4

U Tienu yedi: ‹Jigini a baa leni a naa,› ki go yedi: ‹Yua n soli o baa yaa ka o naa, li pundi ban kpa o.›

Matie 16:21

Lanyogunu Jesu den cili ki doagidi ki wangi o ŋoadikaaba ke li tie tiladi wan gedi Jerusalemi, ke Jufinba nikpela, bi kopadicianba yudanba leni li bali maama banda n waani o fala boncianla, ke bi niba n kpa o. Ama li dataali daali, o baa fii bi tinkpiba siiga.

Luki 21:16

Ba yi danba, yi kpeliba, yi waamu, yi kpiiba leni yi danlinba baa yaa janbidi yi ki tendi yi yi yibalinba. Bi baa kpa yi siiga bi tianba.

Jan n diani U Tienu Laabaaliŋamo maama 7:7

Ŋanduna yaaba kan fidi ki yaa nani yi, ama bi nani mini wani, kelima n tiendi siedi ke ban tuuni yaa tuona bia.

Jesu Tondiba Tuona 5:36

Laa waagi ke ban den yi yua Tudasi, den fii ki jigini o yuli ke o tie niciamo, ke yaa niba n bua ki pundi niba kobinaa den taani ki ŋoadi o. Bi den kpa o, ke yaaba n tuo ki ŋua o kuli den yadi, ke liba kuli ki sieni.

LOMA YAABA 2:17

Ama fini yua n yedi ke a tie Jufi, a jigi co U Tienu bali maama nni, ki kpiagidi a yuli, kelima ŋan pia yaa ŋantaado leni U Tienu.

LOMA YAABA 2:23

Fini yua n kpiagi a yuli ke a pia li bali maama, A teni ke bi niba sugidi U Tienu Kelima a miidi li bali maama.

LOMA YAABA 3:27

Lanwani, o nisaalo baa kpiagi o yuli kelima be yaa po? Waa go pia li sanu. Mi laa bali maama po? A tuona po bi? Aa-a, ama li dandanli yaa po.

2 Korenti 10:15

Tii pendi ti banlu, tii pagi ti yula leni nitoaba yaa tuona. Tin sugini yaala mo tie ke yi dandanli ti Diedo po n yaa pugidi, ke ti tuonli yi siiga moko baa pugini, ki ŋua U Tienu n bili ti po yaa banlu.

2 Korenti 12:20

N jie ke n yaa cua yi kani, n kan sua ke yi tie nani min bua yin yaa tie maama, ki go jie ke yinba mo kan sua ke n tie nani yin bua min yaa tie maama. N jie ke n baa le yi kani ku mafuugu, li nunponli, li pabienli, mi paadima, ti sugidi, ku tuotabigu, ti japaadi leni yaala n tie sisindi sindi kuli.

Mi Tiadima 27:16

‹Ti solindi n baa yua n fali o naa leni o baa!› Lani, bi niba kuli baa taani ki gaa: ‹Amina!›

Mi Tiadima 7:10

Ama o tuu i panpaani tontoni yaaba n nani o po. O bolindi ba tontoni.

2 Tesaloniki 2:4

O baa fiini o yuli ki yie bi niba n nua yaala nani li tie U Tienu yeni, bi ban kpiagidi yaala kuli. O baa kua ki kali hali U Tienu diegu nni, ki yini o yuli U Tienu.

2 Timote 3:2

Bi niba baa yaa bua bi yula ŋamu bebe, ki tua i ligi buakaaba. Bi baa yaa tie ñoakpalidanba leni japaadanba, nisugida, danyiekaaba leni ŋanwaadanba, ki go tie yaaba n kaa fangi U Tienu.

Titi 3:3

Timoko den kpa tie yanluodanba, niyiekaaba leni bi niyaadikaaba. Ti gbanandi bonbuaka-biadila buoli kuli den die ti. Ti den pia ku tugutongu leni li nunponbiadili, ki tie lan pundi ban yaa nani yaaba, ki go nani ti lieba mo.

Jaki 3:5

Bu lanbu mo tie yene, bu wa i gbananbuoli kuli siiga, ama bu baa fidi ki fiini buba, ki maadi mi japaamaama boncianla. Diidi mani, u mu waamu bebe baa fidi ki buoni yaa fuali n yabi.

Jaki 4:16

Ama moala yi maadi mi japaamaama, ki kpiagidi yi yula. Yi yaa kpiagidi yi yula yeni, li tie yaa bonla n bia.

2 Pieri 2:18

Bi pia ti japaadi, ki maadi yaa macianma n ki pia mayuli. Bi boandi ki dia leni ti gbanandi bonbuakaala, yaaba n faabi leni bi niyaadikaaba yeginu, ke li daa waagi.

Jude 1:16

Laa niba tie yaaba n yenbidi, yaaba yaa pala n biidi bi yema po. Bi ŋua bi gbanandi bonbuakaala, ki maadi mi japaamaama, ki banbidi bi niba ki bua ki baa bi kani li baali.