LOMA YAABA 1:21 - U TIENU MAAMA TILI 2013

²¹ Ba ke bi bani wani U Tienu, baa kpiagidi o ki go tuondi o nani lan pundi maama, ama bi yaadi bi yanluoma nni. Bi yanpiima teni ke bi kua li biigili nni.

Gourmanchéma Bible

²¹ Kelima baa ke bi bani wani U Tienu, baa kpiagidi o ki go tuondi o nani lan pundi maama, ama bi yaadi bi yankpaagifana nni. Bi yanpiima teni ke bi kua li *biigili nni.

LOMA YAABA 1:21 ပူးပေါင်းရင်းမြစ်များ

Mi cilima 6:5

O Diedo den laa ke bi niba biadima den yabi ki tinga po, ke bi pala yantiana den koa mi biadima nni daali kuli.

Mi cilima 8:21

O Diedo den gbadi yaa nuulu n mani o po. Lanwani, o Diedo den maadi o pali nni mi naa maama: «N kan go soli ki tinga kelima o nisaalo po, kelima o pali nni, o li tia mi biadima hali o biwaama yogunu. N kan go bolini yaala n fo kuli nani min tieni maama moala yeni.

1 Bi Badiba 20:23

Siiri bado naacenba den yedi o: «Isidayeli Tienu tie juana Tienu yo. Lani yaa po yo, ke bi paadi ti. Tin tuogi leni ba u tialu nni, laa pia kuli mine, ti baa paadi ba.

2 Bi Badiba 17:15

Bi den yie o bali maama, ki biidi wan den loli yaa ŋantaado leni bi yaajanba, ki yie wan den tundi ba yaa tundi. Bi den yie ki ŋoadi i buli, yaaba n tie fanma, ki tua fanma nani bani yeni. Bi den togidi yaa nilanbuoli n lindi ba, o Diedo n den kuani ba ban da ŋoadi yaaba.

Pisomi 50:23

Yua yaa padili n tie ti pagidi, Wani n kpiagidi nni. Yua n kubi o sanu ke u tiegi, N baa teni wan le U Tienu faabima.

Pisomi 81:12

Ama n niba naa cengi nni. Isidayeli yaaba naa tuo n maama.

Pisomi 86:9

O Diedo, ŋan tagi yaa nibuoli kuli baa cua, Ki gbaani ki pugi a ki kpiagi a yeli.

O Yanfuodaano 7:29

Min laa ki bandi yaala bebe nne: U Tienu tagi bi niba ke bi tiegi, Ama bani mo paagi li bonla kuli.»

Esayi 60:2

Diidi, li biigili ŋoagini ki tinga, Li biigicianli mo baa i nibuoli po, Ama o Diedo cua a kani, O kpiagidi mo doagidi a po.

Jeremi 16:19

O Diedo n tie n gbanmanu, n wuonkaanu, Li pabiidili daali min baa sani ki deni yua. I nibuoli baa ña u tinbianu ki cua ki yedi: «Ti baanba den dini yaa faali n tie faama bebe, Yaa faama n ki pia mayuli

Jeremi 17:9

O nisaalo pali goli ki cie bonla kuli, Li naa pia ñoagu mo. Ŋme n baa fidi ki bandi li ki gbeni?

Jeremi 2:5

O Diedo go yedi: Yi yaajanba laa n kani i laa tagile, Ki sani ki foagidi leni nni? Bi sani ki ŋoadi mi faama, Ki tua biba fanma?›

Jeremi 9:14

Lani n teni ke Li Miali Diedo U Paaciamu Kuli Daano, Isidayeli Tienu yedi nanda: Lani yaa po, n baa ñuni bi naa niba ti loabidi, ki teni ban yaa ye leni li paboanli.

Esekieli 14:5

Yeni, n maguankaama baa yagi Isidayeli yaaba yama, bani yaaba n ŋaa nni kelima bi buli po yeni.»

Esekieli 20:25

Mini n ba n go den teni ba yaa mabilikaama n ki dagidi leni yaa bali maama n kan cedi ban yaa ye.

Ose Tili 2:8

Li tie lani yaa po yo, Ke n baa pigini o sanu leni i konkoni, N baa maa u bilinu ki pigini u. O kan go le o sani.

Jan n diani U Tienu Laabaaliŋamo maama 3:19

Line n tie ban baa jia bi niba buudi yaala yaa po: Mi yenma cua ŋanduna nni. Ama bi nisaaliba bua li biigili ki cie mi yenma, kelima bi tuona bia.

Jesu Tondiba Tuona 26:18

N soani a bi kani ke ŋan ŋubidi bi nuni, ki ñani ba li biigili nni ban kua mi yenma nni, ki ñani ba Sutaani paalu nni, ban cua U Tienu kani. Lani, ban baa bi tuonbiadi sugili, ki baa bi u kaanu U Tienu gagidi ki ŋanbi yaaba kelima li dandanli po siiga.›

LOMA YAABA 1:19

O nilo n baa fidi ki bandi yaala wani U Tienu po doagidi. U Tienu doagidi bi po la.

LOMA YAABA 1:28

Nani bi nisaaliba n den sua ke laa pundi ban bandi U Tienu yeni, U Tienu mo ŋaa ba ke bi yantiabiada paadi ba, ke ban yaa tiendi yaala n ki pundi.

LOMA YAABA 11:10

Bi nuni n tadigi ki da go nua, Bi ciamu n poali ki buani yaa yogunu kuli po.»

LOMA YAABA 15:9

ki go teni ke bi nilanba moko n kpiagi U Tienu o ninñingbadima po. Nani lan diani maama: «Lani yaa po, n baa pagi a I nilanbuoli siiga, N baa yiini ki kpiagi a yeli.»

Mi Tiadima 28:29

ke yin yaa tulibi u yensiicocolu nani a juama n tulibi li biigili nni maama yeni. Yin jagi ki bua ki tieni yaala mo kuli kan baa yuli. Bi baa yaa mabindi yi i kaani kuli, daali kuli, ki kpabidi yi, ke li nan kan baa yua n baa gaa yi.

2 Timote 3:2

Bi niba baa yaa bua bi yula ŋamu bebe, ki tua i ligi buakaaba. Bi baa yaa tie ñoakpalidanba leni japaadanba, nisugida, danyiekaaba leni ŋanwaadanba, ki go tie yaaba n kaa fangi U Tienu.

1 Pieri 1:18

Yi bani ke U Tienu ki den taa yaa bonla n baa bodi nani ŋanjilifa leni wula yeni ka, ki daa ki faabi yi leni yaa yema n tie fanma fanma, yin den baa yaama yi yaajanba kani.

1 Pieri 2:9

Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.

Mi Doagidima 14:7

O den kpaani leni u nialu, ki tua: «Yin fangi mani U Tienu ki kpiagi o, kelima o bujiali yogunu pundi. Yin gbaani ki kpiagi wani yua n den tagi tanpoli, ki tinga, mi ñincianma leni a ñinbuna kuli.»

Mi Doagidima 15:4

Ti Diedo, ŋme n ye kaa baa fangi a Ki kpiagidi a yeli? Fini bebe n gagidi ki ŋani. I nibuoli kuli baa cua Ki labini a nintuali ki kpiagi a, Kelima a teginma doagidi.»