LOMA YAABA 1:11 - U TIENU MAAMA TILI 2013

¹¹ N bua hali bonŋanla ki le yi, ki boagidi leni yi U Tienu Fuoma Yua n puni yaa paabu, ke yin yaa se ki pa,

Gourmanchéma Bible

¹¹ Kelima n bua hali bonŋanla ki le yi, ki boagidi leni yi U Tienu Fuoma n puni yaa paabu, ke yin yaa se ki pa,

LOMA YAABA 1:11 ပူးပေါင်းရင်းမြစ်များ

Mi cilima 31:30

Moala, ŋan fii kelima a yama n yaadi ki se ke a bua ki le a baadiegu yeni daa, be yaa po naane ke a den suni n buli?»

2 Samueli 13:39

Ama o yama den ti jiidi ke o pali kuugi Abisalomi po leni wan den kpa Aminoni.

2 Samueli 23:15

Davidi yama den baa li bonla nni ke o yedi: «Ŋme n baa pa nni ban gbiidi yaa buogu Betelemi buliñoabu kani ñima yeni min ño?»

2 Bi Badiba Jama 20:20

Bi den faa ki fii ku tiŋaapanpangu, ki gedi Tekoa fanpienma po. Ban den caa yaa yogunu, Josafati den fii ki sedi ki yedi: «Cengi mani nni yinba Juda yaaba leni yaaba n ye Jerusalemi. Yin paagi mani yi baa, ki yaa dugi o Diedo yi Tienu po. Lanwani, yi baa yaa pa. Yin paagi mani yi baa, ki yaa dugi o saawalipuaba po, Yi baa paadi.»

Jesu Tondiba Tuona 16:5

Lani, Kilisiti nitaana den se li dandanli nni ke li pa ke a coali mo pugidi daali kuli.

Jesu Tondiba Tuona 19:21

Lani n den tieni ki pendi, Poli den jagi ki bili ke o baa tagi Maseduani leni Akayi po, ki gedi Jerusalemi. O den yedi: «N yaa gedi laa diema kuli, li tie tiladi min yuandi ki gedi Loma moko.»

Jesu Tondiba Tuona 19:6

Poli den maani bi po o nii, ke U Tienu Fuoma Yua jiidi bi po, ke bi maadi mi malanma ki pua saawali.

LOMA YAABA 1:12

bi mo, n yaa cua yi kani, tikuli n baa li papaali, kelima mini leni yinba n taani ki pia yaa dandanli po.

LOMA YAABA 15:23

Moala n soani n tuonli ki gbeni yaa dogi n lindi na kuli. Li pundi bina boncianla, ke n den bua ki cua yi kani.

LOMA YAABA 15:29

N bani ke n yaa cua yi kani, n baa gbie leni Kilisiti seli.

LOMA YAABA 15:32

Lanwani, U Tienu yaa bua, n baa pundi yi kani leni li pamanli ki go baa ki fuodi yi siiga waamu.

LOMA YAABA 16:25

Tin yaa kpiagidi U Tienu, wani yua n baa fidi ki teni yin yaa se ke li pa o sanŋoadima nni, nani min wangi yaa Laabaaliŋamo, ki doagidi Jesu Kilisiti, n yedi maama. N wangi o nani U Tienu bondoaginkaala, yaala n den duagi ŋasiili nni hali yogu. Laa bondoaginkaala doagidi moala.

2 Korenti 1:15

Min den bani cain ke li baa yaa tie yeni, n den jagi ke n baa kpa gedi yi kani, ke yin baa li ŋanbili ki pugini.

2 Korenti 1:21

Yua n teni ke ti taani leni yinba ki se ke li pa Kilisiti nni, tie U Tienu, wani yua n den gandi ti,

2 Korenti 11:4

Niloba yaa cua yi kani ki wangi yi Jesutoa, tin kaa waani yi yua, bi yantiatoali, yin ki den kpa baa U Tienu Fuoma kani yaali, bi ki ŋua yaa laabaaliŋamo n ki taa leni yin den kpa ŋua yua, yi yen juuni ki tuo ki gaa lani kuli bonŋanla.

2 Korenti 9:14

Bi go jaandi U Tienu ki miadi o yi po leni mi buama boncianla, kelima wan puni yi yaa ŋanbicianli po.

Filipi 1:8

U Tienu tie n siedo, ke n bua yikuli leni Jesu Kilisiti yaa buamoanma.

Filipi 2:26

O den bua hali bonŋanla ki le yikuli. Wan den bandi ke yi gbadi ke o yia, o yama den yagi li po boncianla.

Filipi 4:1

Lanwani, n kpibuadiba, min bua ki go le yaaba hali bonŋanla, yinba yaaba n tie n pamanli leni n kpiagidi, yinba n buakaaba, yin yaa se ke li pa o Diedo nni.

1 Tesaloniki 3:13

O Diedo n yaa paagidi yi pala, ke ti Baa U Tienu n yaa nua ke yi gagidi ki ŋani cain wani U Tienu po, kaa pia ban baa fidi ki kuli yi leni yaala, ti Diedo Jesu n go baa cua leni o nigagidiŋanba kuli yaa yogunu.

1 Tesaloniki 3:2

ki soani ti kpiilo Timote yi kani. O taa ki tuuni leni U Tienu, ki tie ti tuonsoanlielo Kilisiti Laabaaliŋamo wangima nni. Ti soani o wan paagi yi pala, ki tundi yi yin yaa se bonŋanla yi dandanli nni,

2 Tesaloniki 2:17

n yaa baagidi yi pala ki teni yin yaa se ke li pa yaala n ŋani tienma nni leni mi maama kuli nni.

2 Tesaloniki 3:3

Ama o Diedo tie tin fidi ki dugi yua yaa po. O baa teni yin yaa se ke li pa bonŋanla, ki kubi yi ke o Biado n da paadi yi.

Hebilunba 13:9

Yin da tuo bangicanmiba kuli n cuo yi yama, kelima li ŋani li ŋanbile n yaa paagidi o nilo pali. Ama lan da tie mi jiema kuana mabilikaama ka. Yaaba n ŋua laa mabilikaama buolu kuli, naa baadi todimiba lipo.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi.

1 Pieri 5:12

Silasi, o nidugika, min nua yua ke o tie ti kpiilo, wani n todi nni ke n diani yi po yaa tijenjenga n tie ne. N bua ki paagi yi pala, ki tieni yi po siedi ke yi se bonŋanla U Tienu ŋanbili yaali n tie i moamoani nni.

2 Pieri 1:12

Li tie lani yaa po ke n baa yaa tiadi yi laa bonla yogunu kuli, ba ke yi bani la, ki go se ke li pa yin baa yaa moamoani nni.