Levi 9:4 - U TIENU MAAMA TILI 2013

⁴ Ban go baa mi taanyenma padili naatonli, li petonli, yaa padili n tie jiema ki kali leni mi kpama, ki padi ba o Diedo nintuali, kelima dinla o Diedo baa doagidi o yuli yi po.»

Gourmanchéma Bible

⁴ Ban go baa mi taanyenma padili yaa naatonli leni li petonli ki padi ba Li Miali Diedo nintuali, leni yaa padili n tie jiema ki kali leni mi kpama. Kelima dinla Li Miali Diedo baa doagidi o yuli yipo.»

Levi 9:4 ပူးပေါင်းရင်းမြစ်များ

Mi Ñama 16:10

Alono n da den maadi yaa yogunu leni Isidayeli yaaba nitaana kuli, bi den gbegi ki diidi mi fanpienma nni, ki laa ke o Diedo kpiagidi doagidi ku tawaligu nni.

Mi Ñama 19:11

Ban yaa bogindi li dataali daali po, kelima li dataali daali, o Diedo baa jiidi Sinayi juali yuli po, bi niba kuli nintuali.

Mi Ñama 24:16

O Diedo kpiagidi den jiidi Sinayi juali po, ku tawaligu den ŋoagini li danaluoba. Li daleleeli, o Diedo yua n den ye ku tawaligu niinni den yini Musa.

Mi Ñama 29:43

N yen baa kadi leni Isidayeli yaaba laa kaanu yo. N kpiagidi baa gagidi ki ŋanbi laa kaanu.

Esekieli 43:2

N den laa ke Isidayeli Tienu kpiagidi ñani puoli, ki kpendi. O nialu den naani leni mi ñincianma gola yaa fuugu yeni, o kpiagidi mo den yendi ki tinga.

Esekieli 43:27

Laa dana yaa tuoni, ki ji cili li daniili leni yaa dana n baa ŋoadi, bi kopadicianba baa padi li padibinbinli po, yi padijuukaana leni yi taanyenma pada. Lani, n baa cengi yi. Mini o Diedo, U Tienu n yedi yeni.»

Levi 2:1

O nilo yaa baa padi yaa padili n tie jiema o Diedo po, o paabu n yaa tie yonŋanma. Wan kuodi mi niinni mi kpama, ki taa a dugibila ki pugini.

Levi 3:1

Nilo yaa bua ki padi mi yanduanma padili, o yaa baa padi nua, li yaa tie naatonli bi naasalo, o baa cuani yua n ki pia poadi, ki padi o Diedo po.

Levi 9:23

Musa leni Alono den kua u Kadikaanu Gbandieli nni. Ban den guani ki ñani, bi den gaali bi niba. O Diedo kpiagidi den doagidi Isidayeli yaaba kuli po.

Levi 9:3

Ŋan go yedi Isidayeli yaaba n baa li ŋuabuali i candanbaani padili po, ki go baa li padijuukaali mo yaa po, naabiga leni pebiga, ban pundi binyenli yenli. Ban yaa tie yaaba n ki pia poadi.

Levi 9:5

Bi den taa Musa n den waani ba yaala yeni kuli, ki cuani u Kadikaanu Gbandieli buliñoabu kani. Li nitaanli kuli den cua ki sedi o Diedo nintuali.

Levi 9:6

Musa den yedi: «Tieni mani o Diedo n puogi yi yaala, lani, wani o Diedo kpiagidi baa doagidi yi po.»

Mi Coadima 14:10

Ku niligu kuli den jagi ke bi baa lugidi ba a tana. Lanyogunu, o Diedo kpiagidi den doagidi u Kadikaanu Gbandieli yuli po, Isidayeli yaaba kuli nintuali.

Mi Coadima 16:19

Kore den taani o cagili yaaba kuli, ki fii Musa leni Alono po, u Kadikaanu Gbandieli buliñoabu kani. Lani, o Diedo kpiagidi den doagidi li nitaanli kuli po.