Levi 8:9 - U TIENU MAAMA TILI 2013

⁹ Lani, o den yilini o ku yufinfinjuagu, ki cibini o yaa fogiliga n tie wula mi gagidima maalima, nani o Diedo n den puogi musa maama.

Gourmanchéma Bible

⁹ Lani o den yilini o ku yufinfingu ki go cibini o yaa fogiliga n tie wula mi gagidima maalima, nani Li Miali Diedo n den waani o maama.

Levi 8:9 ပူးပေါင်းရင်းမြစ်များ

Mi Ñama 28:4

Diidi ban baa tieni yaa tiadi nne: li bencabili, li cabilakaali, li liadicianli, yaali n luni ki kpaa, ti finfinjuadi leni ku gbanñagidigu. A kpelo Alono leni o bijaba baa yaa la laa tiade ki tuuni n kopadiciantuonli.

Mi Ñama 29:6

Ŋan fini o yuli ti finfinjuadi, ki maani mi maalima bonla yaala n gagidi ki ŋani ti finfinjuadi po.

Mi Ñama 40:16

Musa den tieni o Diedo n puogi o yaala kuli nani wan den puogi o maama.

Levi 8:21

Ama o den taa mi ñima ki ŋuudi ti nuadi leni a biana, ki juu ki buoni li petonli yeni kuli cain li padibinbinli po. Li den tie yaa padili n juu ki buodi cain, yaali yaa nuulu n mani o Diedo po, nani wani o Diedo n den puogi Musa maama.

Levi 8:36

Alono leni o bijaba den tieni o Diedo n den teni Musa yaa ñoamabona kuli.

Sakari 3:5

O go den yedi: «Fini mani o yuli yaa finfinjuadi n ŋani.» Bi den fini o yuli yaa finfinjuadi n ŋani, ki go yieni o ti tiayiekaadi. O Diedo Maleki den se likani.