Levi 8:35 - U TIENU MAAMA TILI 2013

³⁵ Lanwani, yi baa yaa ye u Kadikaanu Gbandieli buliñoabu kani, hali danalele, u yensiinu leni ku ñiagu kuli. Yin yaa kubi mani o Diedo bali maama kuli. Yeni, yi kan kpe. Lani n tie U Tienu n teni yaa ñoamabona.»

Gourmanchéma Bible

³⁵ Lanwani yi baa yaa ye u Kadikaanu gbandieli buliñoabu kani hali dana lele, u yensiinu leni ku ñiagu kuli. Yin yaa kubi mani Li Miali Diedo *bali maama kuli ke yin da ti kpe. Lani n tie U Tienu n teni yaa ñoabona.»

Levi 8:35 ပူးပေါင်းရင်းမြစ်များ

1 Bi Badiba 2:3

Ŋan ŋoadi o Diedo a Tienu yedima, ki yaa cuoni o sani nni ki kubi o bali maama leni o ñoamabonbilikaana, o tundi leni o mabilikaama, nani lan diani maama Musa bali maama tili nni. Yeni, ŋan baa teli naani leni ŋan baa tieni yaala kuli baa cuoni a po bonŋanla.

Mi Ñama 29:35

Ŋan tieni Alono leni o bijaba po nani min bili a po maama. Bi kopadicianba tuonli cilima bogida baa tieni danalele.

Esekieli 43:25

A baa padi daali kuli ŋuabuayenli ti tuonbiadi po, yeni hali danalele. Bi go baa taa naatonbiyenli leni ti yanbidi siiga petonyenli, ke bani bonbilie yeni kuli ki pia poadi ki padi ba.

Esekieli 48:11

Laa fanma baa yaa tie ban gagidi yaa kopadicianba, ke bi tie Sadoki puoliŋuani siiga yaaba po yo. Bani yaaba n den soani n tuonli ke li tiegi ki naa den yaadi, Isidayeli yaaba n den yaadi yaa yogunu nani Levi buolu n den yaadi maama.

Levi 10:1

Alono bijaba, Nadabi leni Abihu den taa ti fantantiadi, yuakuli yengu yengu, ki padi u mu ki maani lipo tulale. Bi den kuani u mulamu u Kadikaanu Gbandieli nni o Diedo nintuali, o Diedo n den kuani ba yaala.

Levi 14:8

Ban ŋanbi yaa nilo yeni baa ŋuudi o tiadi kuli, ki kuo o gbanu po kobidi kuli, ki wali. Yeni, o baa ŋanbi. Li yaa puoli, o baa fidi ki kua li nagili nni. O kan fidi ki kua o gbandieli nni, danalele yàá tuoni.

Levi 8:30

Musa den taa mi gagidima sogima kpama leni yaa soama n den ye li padibinbinli po, ki mii Alono leni o tiadi po, ki go mii o bijaba leni bi yaa tiadi mo yaa po. O den tieni yeni ki gagidi Alono, o tiadi leni Alono bijaba leni bi mo yaa tiadi.

Levi 8:34

Yaala n tieni dinla ne, o Diedo n bili la, ke yin baa yi tuonbiadi sugili.

Levi 8:36

Alono leni o bijaba den tieni o Diedo n den teni Musa yaa ñoamabona kuli.

Mi Coadima 19:12

O baa wali leni laa ñima li dataali daali leni li daleleeli, lani, o baa ŋanbi. Ama o yàá wali li dataali daali leni li daleleeli yeni, o kan yaa ŋani.

Mi Coadima 3:7

Bi baa yaa tuuni u Kadikaanu Gbandieli nintuali, ban puogi ba yaa tuona Alono po leni Isidayeli yaaba nitaanli kuli po. Bi baa yaa tuuni li gbandieli tuona.

Mi Coadima 9:19

Ku tawaligu yaa den waagi ki ye li gbandieli po yaa banlu kuli, Isidayeli yaaba yen kubi o Diedo bali maama, kaa yen fii.

2 Korenti 7:1

N buakaaba, kelima tin pia laa ñoaniani yeni, tin yaa ŋanbidi mani ti yula. Tin yaa ñandi ti gbanandi leni ti yantiali kuli joagindi. Tin yaa tiendi ania ki suagi liiga leni mi gagidiŋanma, hali ki pundi li bianu U Tienu fangili nni.

Mi Tiadima 11:1

Musa den yedi: «Yi baa yaa bua o Diedo yi Tienu, ki yaa kubi o mabilikaama, o ñoamabona, o bujiali tundi leni o bali maama yogunu kuli.

1 Timote 1:18

N biga Timote, n teni a yaa ñoamabonli n tie ne, nani ban den kpa pua a po yaa saawali ki yedi maama: Ŋan yaa koani li dandanli koanŋanli.

1 Timote 5:21

N teni a yaa ñoamabonli n tie ne U Tienu nintuali, Jesu Kilisiti nintuali leni bi malekinba yaaba n gagidi ki ŋani nintuali, ke ŋan yaa ŋua laa maama kuli ki da gagidi bi niba leni biyaba, ŋan tieni bikuli po yenma.

1 Timote 6:13

N teni a li ñoamabonli U Tienu yua n puni yaala n fo kuli li miali yaa nintuali leni Jesu Kilisiti nintuali, wani yua n den tieni o siediŋamo Ponsi Pilati nintuali,

1 Timote 6:17

Ŋan tundi yaaba n tie a piada ŋanduna na niinni, ke ban da pia ti japaadi, ki da piani bi yula bi piama, yaama n ki pia dugidi. Ama ban piani bi yula U Tienu po, wani yua n puuni ti li bonla kuli ke li kandi, ki bua tin mangi ti pala li po.

1 Timote 6:20

Fini Timote, ŋan yaa guu U Tienu pianli, ki foagidi leni yaaba ki ŋua U Tienu, n pia yaa mafanma. Ŋan foagidi leni yaa niama n ñani bi niba banma, yaama n tie faama yeni kani.

2 Timote 4:1

N teni a yaa ñoamabonli n tie ne U Tienu nintuali leni Jesu Kilisiti yua n baa jia ti buudi leni yaaba n fo leni yaaba n kpe kuli nintuali, ki puogi a kelima o cuama leni o diema kuli po,

Hebilunba 7:28

Li bali maama den dini bi nisaaliba yaaba n tadi ke bi tua bi kopadicianba. Ama li poli yaa maama yaama n den yuandi ki cua li bali maama puoli po yeni, teni ke Bijua, wani yua n dagidi ki ŋani cain hali yaa yogunu kuli, n yaa tie bi kopadicianba bado.