Levi 8:23 - U TIENU MAAMA TILI 2013

²³ Musa den kodi li petonli yeni ki gaa mi soama, ki tuuni o nubili mi niinni ki duuni Alono jientubili tiipo, o jiennubijali po leni o jientajenbijali po.

Gourmanchéma Bible

²³ Musa den kodi li petonli yeni ki ga mi soama ki tu o nubili mi niinni ki tieni Alono jientubili tiipo, o jiennubijali po leni o jientajenbijali po.

Levi 8:23 ပူးပေါင်းရင်းမြစ်များ

Mi Ñama 29:20

Ŋan kodi li petonli yeni, ki taa li soama ki duuni Alono leni o bijaba jienu tubifajoma, ki go duuni bi jienu nubijali leni bi jientajenbijali. Ŋan wuli mi soama ki gaani ki lindi li padibinbinli.

Mi Ñama 29:21

Lani yaa pendi, ŋan ñani mi soama li padibinbinli kani, ki go ñani yaa kpama n gagidi ki ŋani ki mii Alono leni o tiadi po, ki go mii o bijaba leni bi liada po. Li yaa puoli, ŋan gagidi ki ŋanbi Alono leni o tiadi, o bijaba moko leni bi tiadi baa gagidi ki yaa ŋani.

Levi 14:14

O kopadiciamo baa taa mi tudima padili soama yeni, ki gedi ki duuni ma wan ŋanbi yua yaa jientubifaagu po, ki go duuni ma o jiennubijali po leni o jientajenbijali po.

Levi 14:17

Li yaa puoli, o kopadiciamo baa ñani yaa kpama n sieni leni o nubili, ki duuni wan baa ŋanbi yua yeni yaa jientubifaagu po, o jiennubijali po leni o jientajenbijali po, wan bi duuni mi tudima padiyanga yaa soama naankani yeni.

Levi 14:25

O baa kodi mi tudima padili pebiga yeni, ki taa mi soama ki duuni ma, yua n bua ki ŋanbi yeni jientubifaagu po, o jiennubijali po leni o jientajenbijali po.

Levi 14:28

O baa ñani mi kpama leni o nubili, ki duuni ma yua n bua ki ŋanbi yeni jientubifaagu po, o jiennubijali po leni o jientajenbijali po, wan bi kpa tieni mi tudima padili soama naankani yeni.

Levi 7:37

Lani n tie a padijuukaana, yaa pada n tie jiema, ti candandi pada, mi tudima candanbaani yaa pada, o kopadiciamo dinma yaa pada leni mi taanyenma yaa pada kuli mabilikaama.

LOMA YAABA 12:1

Lani yaa po, n kpiiba, n mia yi ki go tundi yi, kelima U Tienu ninñingbadima po, ke yin pa U Tienu yi yula nani yaa padili n fo, yaali n gagidi ki ŋani ki mani o po. Lani n tie lan pundi, yin yaa kpiagidi o maama.

LOMA YAABA 6:13

Yin da go teni ti tuonbiadi n diedi yi gbananbuoli, ki teni tin tua mi biadima jatiadi. Ama yin teni yi yula U Tienu, nani yaaba n fii bi tinkpiba siiga, ki go ye ki fo yeni. Yin yaa puuni yi gbanandi U Tienu ki teni tin tua mi teginma jatiadi.

LOMA YAABA 6:19

N maadi nani bi nisaaliba n maadi maama, kelima yi yantiana tadingu po, ke yin fidi ki gbadi. Nani yin den kpa puni yi gbanandi ke ti tua ti cagindi leni mi biadima yonbi, ki baa yaa tiendi ti tuonbiadi maama, moala yin yaa puuni yi gbanandi tin yaa tie mi teginma yonbi, ke yin fidi ki pundi mi gagidiŋanma U Tienu po.

1 Korenti 1:2

ki diani li tili U Tienu Nitaanli, yaali n ye Korenti dogu nni po. O den gagidi ki ŋanbi yi Jesu Kilisiti nni, ke yin yaa tie o nigagidiŋanba. N fuondi yi leni yaaba n jaandi ki miadi ti Diedo Jesu Kilisiti i kaani kuli, wani yua n tie bi Diedo leni ti yaa Diedo.

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie ti po mi yanfuoma, mi teginma, mi gagidiŋanma leni mi daafaabima.

1 Korenti 6:20

Moamoani o daa yi leni yaa dunga n pa. Lanwani, yin yaa kpiagidi U Tienu yi gbanandi nni.

Filipi 1:20

Min bua ki go sugini maama tie ke min da le i fe liba kuli po. Ama nani lan den kpa tie maama, li go tie yeni moala. N sugini ke Kilisiti n baa ti kpiagidi n miali yema kuli nni, min ye leni min kpe kuli.

Filipi 2:17

Ba li yaa tie ke n soama baa wuli ki tua nani li ñincabili yeni, yi dandanli tuonli padili po, n baa yaa mangidi n pali li po, n go baa yaa mangidi n pali leni yikuli.

1 Tesaloniki 5:22

Yin foagidi leni mi biadima buolu kuli.

Hebilunba 2:10

Li den dagidi ke yua n tagi li bonla kuli leni li bonla kuli n ye yua yaa po, n lingi ki taani bila boncianla o kpiagidi nni. Lanwani, o den sua ke li pundi wan dagidi ki yaa ŋani cain, ki faabi ba kelima o fala po.

Hebilunba 5:8

Ba ke o tie U Tienu Bijua, o den bandi mi tuoma U Tienu po n tie yaala, kelima wan laa yaa fala po.