Levi 8:21 - U TIENU MAAMA TILI 2013

²¹ Ama o den taa mi ñima ki ŋuudi ti nuadi leni a biana, ki juu ki buoni li petonli yeni kuli cain li padibinbinli po. Li den tie yaa padili n juu ki buodi cain, yaali yaa nuulu n mani o Diedo po, nani wani o Diedo n den puogi Musa maama.

Gourmanchéma Bible

²¹ Ama o den taa mi ñima ki ŋuudi ti nuadi leni a biana, ki sia ki buoni li petonli yeni kuli cain li padibinbinli po. Li den tie yaa padili n sia ki buodi cain, yaali yaa nuulu n mani Li Miali Diedo po, nani wani Li Miali Diedo n den waani o maama.

Levi 8:21 ပူးပေါင်းရင်းမြစ်များ

Mi cilima 8:21

O Diedo den gbadi yaa nuulu n mani o po. Lanwani, o Diedo den maadi o pali nni mi naa maama: «N kan go soli ki tinga kelima o nisaalo po, kelima o pali nni, o li tia mi biadima hali o biwaama yogunu. N kan go bolini yaala n fo kuli nani min tieni maama moala yeni.

Mi Ñama 12:9

Yin da ŋmani ti, ke tii beni, yin da ŋaani ti mi ñima nni mo, ama yi baa puli ti ki taani li yuli, a biana leni ti nuadi kuli.

Mi Ñama 29:18

Ŋan juu li petonli yeni kuli li padibinbinli po. Laa bonla tie li padijuukaali o Diedo po, yaala n baa buodi ke li nuulu baa yaa mani, o Diedo U Tienu po.

Mi Ñama 40:16

Musa den tieni o Diedo n puogi o yaala kuli nani wan den puogi o maama.

Levi 1:13

O baa taa mi ñima ki ŋuudi tugu nni yaala leni a biana. O kopadiciamo baa maani likuli li padibinbinli po, ki juu. Li tie padijuukaali, u mu n buoni yaali, ke li nuulu mani o Diedo po.

Levi 1:17

O baa toadi i fiabi ki ban ŋaa lan yaa diegi. Lanwani, o kopadiciamo baa maani ku bonyugidigu yeni yaa daadi n maa li padibinbinli po ki co yeni po. Li tie padijuukaali, u mu n buoni yaali, ke li nuulu mani o Diedo po.

Levi 1:9

O nilo yua n cua li padili po yeni, baa taa mi ñima ki ŋuudi tugu nni yaala leni a biana, o kopadiciamo mo n juu likuli li padibinbinli po. Li tie padijuukaali, u mu n buoni yaali, ke li nuulu mani o Diedo po.

Levi 2:9

Wani o kopadiciamo baa ñani lienni yaala n baa yaa tie mi tiadima po, ki juu la li padibinbinli po. Li tie u mu n buoni yaa padili, yaali yaa nuulu n mani o Diedo po.

Levi 8:13

Musa go den teni ke Alono bijaba nagini. O den lani ba a liada, ki ñagini bi ciamu a cabiñaginkaana, ki cibini ba mu fogilimu nani o Diedo n den puogi Musa maama.

Levi 8:9

Lani, o den yilini o ku yufinfinjuagu, ki cibini o yaa fogiliga n tie wula mi gagidima maalima, nani o Diedo n den puogi musa maama.

Efesa 5:2

Yin yaa ye leni yiyaba leni mi buama, nani Kilisiti n den bua ti maama, ki puni o yuli U Tienu, ki tua yaa paabu leni yaa padili yaa nuulu n mani.