Levi 8:14 - U TIENU MAAMA TILI 2013

¹⁴ O den teni ke bi cuani li naatonli i candanbaani padili po. Alono leni o bijaba den maani bi nii li naatonli yeni yuli po.

Gourmanchéma Bible

¹⁴ O den teni ke bi cuani li naatonli ti candandi padili po. Alono leni o bijaba den maani bi nii li naatonli yeni yuli po.

Levi 8:14 ပူးပေါင်းရင်းမြစ်များ

Pisomi 66:15

N baa padi a po li padijuukaali Leni yaa yandi n pia mi kpama, A petona leni a dugibila. N baa padi a po a naatona leni a ŋuabuana. Joma.

Esayi 53:10

O Diedo den tuo ke bi pua ki moagi o, Ki waani o fala. Wan puni o miali ke li tua li padili yeni, O baa le o puoliŋuani, O miali baa foagidi, O Diedo yanbuama mo n tieni o nuu nni.

Esekieli 43:19

A baa teni bi kopadicianba Levi buolu, yaaba n tie Sadoki puoliŋuani, min puni bani yaaba u sanu, ban yaa kpendinni n po naatonbili ti tuonbiadi sugili miabu padili po. Li Miali Diedo U Tienu n yedi yeni.›

Esekieli 43:20

A baa taa li soama ki tieni li padibinbinli yinnaada yeni po, li bunbunli ñoakunnaadi po leni yaala n kugini ki lindi li kuli po. Yeni a baa ñani li padibinbinli yeni po ti tuonbiadi, ki gagidi ki ŋanbi li.

Esekieli 44:27

Yaa daali ke o kua u kaangagidiŋamu nni, o baa cuani o padili ki padi ti tuonbiadi sugili miabu po. Li Miali Diedo U Tienu n yedi yeni.

Levi 1:4

O baa maani o nuu ki padiyanga yeni yuli po. O Diedo baa gaa laa padili, ki ñani laa nilo po o tuonbiadi.

Levi 16:21

Alono baa maani o niliedi li ŋuabuafuodili yeni yuli po, ki togidi Isidayeli yaaba tagili, bi biadima leni bi tuonbiadi kuli. O baa maani likuli li ŋuabuali yeni yuli po, ki teni ban gedini li mi fanpienma nni. Lani, o baa teni li, yua n baa deli ki yaani li mi fanpienma nni.

Levi 16:6

Alono baa kpa padi li naatonli ti tuonbiadi sugili miabu padili po, ki mia sugili o yuli po leni o diegu yaaba kuli po.

Levi 4:15

U Tienu nintuali, Isidayeli yaaba nikpela baa maani bi nii li naatonli yuli po, bi siiga yendo n kodi li.

Levi 8:2

«Yini Alono leni o bijaba, ki taa ti tiayiekaadi leni mi gagidima kpama leni yaa naatonli n baa tua ti candandi padili, ki go taa petonalie leni yaa baabuogu n gbie leni yaa dupen n ki pia dabinli.

Mi Coadima 8:12

Levi buolu baa maani bi nii a naatona yeni yula po. A baa taa naatonyenli, ki padi ti tuonbiadi sugili miabu padili. Li naatonlieli mo, a baa padi li li padijuukaali o Diedo po, ki mia Levi buolu po, bi tuonbiadi sugili.

LOMA YAABA 8:3

Li bali maama n kaa den fidi ki tieni yaala kelima ti gbanandi tadingu po, U Tienu tieni la. O den soani o Bijacele kelima ti tuonbiadi po, ke o taa yaa gbanandi n naani leni ti tuonbiadi n diedi yaa gbanandi. Wan den tieni yeni, o den buni ki cuo ti tuonbiadi ti gbanandi nni.

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba po, ke timo n baa ki tua o yaa niinni U Tienu niteginkaaba.

1 Pieri 3:18

Kilisiti moko den laa fala yenma ti tuonbiadi po, ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den guani ki baa li miali, kelima mi Fuoma po.