Levi 7:31 - U TIENU MAAMA TILI 2013

³¹ O Diedo nintuali, o kopadiciamo baa juu mi kpama li padibinbinli po, li bengunli mo n tua Alono leni o bijaba yaa biinu.

Gourmanchéma Bible

³¹ O kopadiciamo baa sia mi kpama li padibinbinli po Li Miali Diedo nintuali, li bengunli mo n tua Alono leni o bijaba yaa biinu.

Levi 7:31 ပူးပေါင်းရင်းမြစ်များ

Mi Ñama 29:26

Li yaa puoli, ŋan taa li padipetonli yeni bengunli ki tieni yaa bogidili n waani ke a teni la o Diedo. Lani n baa tua a mo yaa biinu.

Levi 3:11

O kopadiciamo baa juu lane li padibinbinli po. Li tie u mu n buoni yaa padijiema o Diedo po.

Levi 3:16

O kopadiciamo baa juu lani li padibinbinli po. Likuli tie u mu n buoni yaa padijiema, ke mi nuulu mani o Diedo po. Mi nankpama kuli tie o Diedo n die yaala.

Levi 3:5

Alono bijaba baa juu lani li padibinbinli po. O baa maani la, yaa padijuukaali n maa yaa daadi n co yeni tanpoli, likuli n buodi. Li tie u mu n buoni yaa padili, ke li nuulu mani o Diedo po.

Levi 5:13

O kopadiciamo baa padi o nilo yeni po, ki mia o po sugili. O baa baa o tuonbiadi sugili mo. O kopadiciamo baa tieni laa padili, nani lan tiendi maama mi jiema padili po yeni.»

Levi 6:16

Kopadiciamo n puni yaa paabu kuli baa juu ki buodi cain. Bi kan je liba kuli lienni.»

Levi 7:34

U Tienu wani o ba bili ke yinba Isidayeli yaaba, yin ñani mi taanyenma padiyandi kani a benguna leni a pana, ki teni Alono leni o bijaba. Laa bali maama baa yaa ye hali yaa yogunu kuli.»

Levi 8:29

Musa den taa li padipetonli yeni bengunli, ki tieni yaa bogidili n doagidi ke o teni li U Tienu. Laa biinu tie o yaa biinu yo, nani o Diedo n den bili maama.

Mi Coadima 18:11

Ŋan go die yaala ke li tie a biinu tie Isidayeli yaaba n kpendinni n po yaala leni ban yen tieni yaa maalima n waani ke bi teni nni yeni. N puni la fini leni a bijaba. A diegu nni yua n ki joagini kuli baa je ma. N puni la fini, a bijaba leni a bisiaba lan tua yaa mabilikaama n baa yaa ye yaa yogu n tuu yaa yogu kuli po.

Mi Coadima 18:18

Ti yandi yeni nandi baa yaa tie a po nani li bengunli, yaali ke bi yen tieni yaa maalima n waani ke bi teni la o Diedo, bi nani li jienpanli yeni.

1 Korenti 9:13

Yii bani ke yaaba n tuuni U Tienu diegu tuonli baa yaa baadi bi jiema U Tienu diegu nni ka? Yaaba n tuuni li padibinbinli kani baadi bi biinu ban padi yaala nne.

Mi Tiadima 18:3

Bi kopadicianba n baa yaa pia yaa biinu, yaaba n padi nua bi pia kani nno: Bi baa teni o kopadiciamo yo li boacabili, i yaagi leni ku puogu.