Levi 7:21 - U TIENU MAAMA TILI 2013

²¹ Yaa nilo n sii yaa bonla n joagini, li yaa tie nisaalo yaa joagindi bi yaa yanga n joagini, bi lan tie yaa joaginbuolu kuli, o yaa ŋmani mi taanyenma padinandi, o Diedo n die yaadi yeni, bi baa paadi ki ñani laa nilo o buolu nni.»

Gourmanchéma Bible

²¹ Yaa nilo n sii yaa bonla n joagini, li yaa tie nisaalo yaa joagindi bi yaa yanga n joagini, bi lan tie yaa joaginbuolu kuli, o yaa ŋmani mi taanyenma padinandi, Li Miali Diedo n die yaadi yeni, bi baa paadi ki ñani laa nilo o buolu yaaba siiga.»

Levi 7:21 ပူးပေါင်းရင်းမြစ်များ

Mi cilima 17:14

Yaa bonjaga n tie jifolo ki naa kua koanciagu o gbanandi nni, bi baa bolini o ki ñani o o niba siiga, kelima o fidi n ŋantaado.»

Mi Ñama 12:15

Hali danalele, yi baa yaa di yaa dupen n ki pia dabinli. Hali laa dana cilima daali, dabinli kan yaa ye yi diena nni, kelima yaa nilo n dini yaa dupen n pia dabinli a daleleeda yeni siiga, bi baa ñani o Isidayeli buolu nni.

Mi Ñama 12:19

Danalele yeni, yin da pia dabinli yi diena nni ba waamu. Yaa nilo n dini yaa dupen n pia dabinli kuli, bi baa ñani o Isidayeli nitaana siiga, wan tie caano bi dotielo.

Esekieli 33:25

Lanwani, ŋan yedi ba daa, ke o Diedo U Tienu yedi mi naa maama: ‹Yi ŋmani ti nandi leni mi soama, ki ŋua i buli, ki go kpaani bi niba. Yi tama ke yene ke yi baa diedi mi diema!

Esekieli 4:14

N den yedi: «Li Miali Diedo U Tienu, n daa dini kuli yaala n joagini. Hali n biwaama ki taa ki pundi hali dinla, mii ŋmani yankpienga, mii ŋmani bonfuodo n kpa yaa yanga, yaa nangu n joagini mo kuli daa kua n yaa ñoabu nni.»

Levi 11:20

Yaa bonfuodibila n pia i fiabi ki yugi, ki go cuoni taananaa ki tinga po kuli, baa yaa tie yi po kuali.

Levi 12:1

O Diedo den maadi leni Musa, ki yedi:

Levi 17:10

Li yaa tie ke Isidayeli buolu yua, yaa ka yaa caano n kaa bi siiga ŋmani mi soama, ba lan tie yaa soabuolu kuli, n baa buli o n nunga, ki paadi ki ñani o o buolu nni,

Levi 17:14

kelima gbanandi kuli miali n tie ti soama yaama n ye ti niinni. Li tie lani yaa po yo ke n yedi yinba Isidayeli yaaba, yin da ŋmani gbananbuoluba kuli soama, kelima gbanandi kuli miali n tie ti soama. Yua n ŋmani ma kuli, bi baa paadi ki ñani o o buolu nni.

Levi 18:29

Yaa niba n tieni laa cagindi buoli siiga ba bonyenla, bi baa paadi ki ñani ba bi yaa niba siiga.

Levi 19:8

Yua n ŋmani yeni, o baa gaa o tudima panpaani, kelima o fali ki joagini yaa bonla n gagidi o Diedo po. Bi baa paadi ki ñani laa nilo o buolu nni.

Levi 20:3

Mini mo baa buli n nunga laa nilo po, ki paadi ki ñani o o buolu nni, kelima o den padi o biga Moleki po. O joagini n kaangagidiŋamu, ki biidi n yeli yaali n gagidi ki ŋani.

Levi 22:3

Yedi ba: Yi puoliŋuani kuli siiga, nifiima n tuu nifiima, yaa joa n nagini Isidayeli yaaba n gagidi yaa padijiedi o Diedo po, ki nan pia joagindi o niinni, n baa paadi ki ñani laa nilo n nintuali. N tie Li Miali Diedo.

Levi 22:4

Alono puoliŋuani siiga, yaa joa n pia mi gbaadima, bi o fado, n cuo yua, yàá ŋanbi o baa, o kan je yaa jiema n gagidi ki ŋani. Li baa yaa tie yeni leni yua n sii yaa nilo n joagini kelima o sii o tinkpilo, bi yua n joagini kelima o biidi o kpataali.

Levi 23:29

Yaa nilo n ki loli o ñoabu ki biidi o pali landaali, bi baa paadi ki ñani o o buolu nni.

Levi 7:20

Ama nilo yaa ye leni joagindi ki nan ŋmani mi taanyenma padinandi, o Diedo n die yaadi yeni, bi baa paadi ki ñani laa nilo o buolu nni.

Levi 7:22

O Diedo go den yedi Musa:

Levi 7:25

Nilo yaa dini ban padi o Diedo po yaa padijuukaana kpama, bi baa paadi ki ñani laa nilo o buolu nni.

Levi 7:27

Nilo yaa ŋmani soama, lan tie yaa soabuolu kuli, bi baa paadi ki ñani laa nilo o buolu nni.»

Mi Coadima 19:22

Yua n joagini yeni n sii yaala kuli, lani moko baa yaa joagini. Yaa nilo n sii yua joagini yeni, mo baa yaa joagini, hali ku yenjuagu.»

Mi Tiadima 14:10

Ama yin da ŋmani yaa jami n naa pia yaala n todi ba ke bi dugi, ki naa go pia poaga kuli. Bi baa yaa tie yi po yaala n joagini.

Mi Tiadima 14:3

Yin da ŋmani yaala n joagini.

1 Samueli 20:26

Sayuli naa den yedi liba landaali. Ama o den bungi o pali nni, ke bonludikaaliba n tieni, ke o joagini U Tienu po. O li joagine, laa pia kuli tama.