Levi 7:16 - U TIENU MAAMA TILI 2013

¹⁶ Nilo yaa padi taanyenma padili kelima o den niani nianli bi li yaa tie yanbuama po, bi baa ŋmani ti padinandi ban padi yaa daali. Yaala n sieni, ban faa ki ŋmani.

Gourmanchéma Bible

¹⁶ Nilo yaa padi taanyenma padili kelima o den niani nianli bi li yaa tie yanbuama po, bi baa ŋmani ti padinandi ban padi yaa daali. Yaala n sieni, ban faa ki ŋmani.

Levi 7:16 ပူးပေါင်းရင်းမြစ်များ

Pisomi 116:14

N baa kuani min den niani O Diedo yaa ñoaniani, O niba kuli nintuali.

Pisomi 116:18

N baa kuani min den niani O Diedo yaa ñoaniani, O niba kuli nintuali,

Pisomi 66:13

N baa cua a diegu nni leni a padijuukaana. N baa kuani min niani a yaa ñoaniani kuli.

Mi Ñama 35:29

Isidayeli jaba leni li puoba kuli, yaaba n pia ti bulicindi ki bua Musa n tii o Diedo n den puogi o wan tii yaa gbandieli yeni kuli, den cuani o Diedo po bu paabu leni li yankuali.

Mi Kpanjama 7:14

«N den niani ke n baa padi i tuondi pada U Tienu po. N kuani laa ñoanianu dinla.

Esekieli 46:12

Li yaa tie ke o bado padi o Diedo po, yanbuama padijuukaali, bi taanyenma padili leni yanbuama, bi baa luodi o po yaa buliñoabu n tiegi puoli. Lanwani, o baa padi o padijuukaali leni o taanyenma padili. Li nani wan bi tieni maama mi fuodima daali yeni. Li yaa puoli, o baa ña, ban yuandi ki luoni bu buliñoabu.

Levi 22:23

A baa fidi ki cuani nua bi pia ke o taayenli foagi bi ke li koabi, li yaa tie yanbuama bi tuondi paabu po. Ama li kan tuo ŋan cuani laa yanga buolu li nianli po.

Levi 22:29

Yi yaa cua ki puni o Diedo i tuondi paabu, yi baa tieni nani lan pundi maama, ke o Diedo n gaa yi po.

Levi 23:38

Laa pada baa pugini yin padi o Diedo po ya mi fuodima dana, ke li tie yanbuama paabu bi li nianli padili.

Mi Coadima 15:3

yi baa yaa padi o Diedo po, ban yen juugi yaa pada u mu nni: lan tie padijuukaali, ñoanianu padili, yanbuama paabu padili, bi jaanma dana pada. Yi baa padi i ne leni ti yanbidi, lan tua yaa nuulu n mani o Diedo po.

Mi Tiadima 12:11

Lankani n baa yaa tie, o Diedo yi Tienu n gandi yaa kaanu, ki baa teni o yeli n yaa ye. Lankane, yi baa yaa kpendinni min bili yi po yaala kuli. Lani n tie: yi padijuukaana, yi pada, yi diim, yin ñandi yaala o po yi kpaandi nni leni yin baa niani o Diedo yaa paabu kuli.

Mi Tiadima 12:17

Die yi dogi nni, yi kan fidi ki je yi ŋalikama, yi duven leni yi kpama diim. Yi kan go fidi ki je, yi yanbidi leni yi yangbenga bontonkpiamu, bi yi paabu siiga paabuba kuli. Lan tie nianli paabu, yanbuama paabu, bi yin ñani yi kpaandi nni, o Diedo po yaala.

Mi Tiadima 12:26

Ama, yin die yaala ki gagidi la leni ñoanianu paabu, yi baa gedini la o Diedo n gandi yaa kaanu yeni kane.

Mi Tiadima 12:6

Lankane, yi baa yaa kpendinni yi padijuukaana, yi pada, yi diim, yin ñani yi kpaandi nni yaala, yin niani yaa paabu, yi yantiapaabu, yi yanbidi leni yi yangbenga bontonkpiamu kuli.