Levi 7:12 - U TIENU MAAMA TILI 2013

¹² Nilo yaa cua mi taanyenma padili po ke li tie tuondi, o baa padi mi taanyenma padiyanga yeni, ki pugini yaa dupen n kali leni mi kpama kaa pia dabinli leni yaa yoncagidi ke bi wuli yi po mi kpama, ke yii pia dabinli, ki go cuani ban pua yaa lalaadi leni mi yonŋanma leni mi kpama.

Gourmanchéma Bible

¹² Nilo yaa cuani mi taanyenma padili ke li tie tuondi, o baa padi mi taanyenma padiyanga yeni, ki pugini yaa dupen n kali leni mi kpama kaa pia *dabinli, leni yencangili ban wuli yaali yaa po mi kpama, ke lii pia dabinli ki go cuani ban pua yaa lalaadi leni mi yonŋanma leni mi kpama.

Levi 7:12 ပူးပေါင်းရင်းမြစ်များ

2 Bi Badiba Jama 29:31

O bado Esekiasi den guani ki maadi leni bi niba, ki yedi: «Moala, yinba yaaba yaa nii n cuani yaa paabu n yabi o Diedo po, yin cuani U Tienu diegu kani, mi taanyenma pada leni ti pagidi pada.» Bi niba den cuani ti yandi laa pada po. Yaaba n den pia ti bulicindi moko den padi a padijuukaana.

2 Bi Badiba Jama 33:16

O den guani ki ŋanbi o Diedo padibinbinli, ki padi li po mi taanyenma leni i tuondi pada, ki den yedi ke Juda yaaba n yaa kpiagidi o Diedo Isidayeli Tienu.

Nehemi 12:43

Landaali bi den padi a pada boncianla, ki mangi bi pala kelima U Tienu den puni Isidayeli yaaba li pamancianli. Bi puoba leni a bila moko den mangi bi pala. Lane bi niba den gbadi Jerusalemi pamanli kpaani hali foagima.

Pisomi 107:8

Ban pagi o Diedo kelima o ŋanbili po, Leni wan tiendi yaa bancianma bi nisaaliba po.

Pisomi 116:17

N baa padi a po i tuondi pada, Ki taa o Diedo yeli ki jaandi a.

Pisomi 50:23

Yua yaa padili n tie ti pagidi, Wani n kpiagidi nni. Yua n kubi o sanu ke u tiegi, N baa teni wan le U Tienu faabima.

Jeremi 33:11

I pamandanyani, li pamankandikaali yani, togibaa leni toginaa yani. Yi go baa gbadi ke bi niba yiini ki tua: ‹Pagi mani Li Miali Diedo U Paaciamu Kuli Daano kelima o ŋani, o ŋanbili mo ye hali yaa yogunu kuli!› Yi go baa gbadi yaaba n cuani i tuondi pada yani o Diedo diegu nni. N baa teni yaaba n den ye ti yonbidi n guani ki kpeni min kaani ba nani kpiama yeni. Mini o Diedo n yedi yeni.»

Ose Tili 14:2

Isidayeli yaaba, lebidi mani ki guani O Diedo yi Tienu kani, Kelima yi tuonbiadi n teni ke yi tuudi ki baa.

Levi 2:4

A yaa baa cuani yaa padili n tie jiema, ban luoni yaama u fanu nni nani dupen yeni, ŋan ŋanbi ma leni mi yonŋanma leni mi kpama, bi ŋan tieni yoncangili, ki wuli li po mi kpama. Ama lani bonlilie yeni kuli nni, ŋan da tieni dabinli.

Levi 2:5

A padili yaa tie jiema, yaama n ŋaani ki sanga nni, mi baa yaa tie yonŋanma, ki kali leni mi kpama, kaa pia dabinli.

Levi 22:29

Yi yaa cua ki puni o Diedo i tuondi paabu, yi baa tieni nani lan pundi maama, ke o Diedo n gaa yi po.

Levi 6:16

Kopadiciamo n puni yaa paabu kuli baa juu ki buodi cain. Bi kan je liba kuli lienni.»

Levi 7:15

Ban ŋmani mi taanyenma yeni padinandi, ki je i tuondi padijiema yeni ban padi yaa daali, ki da tuo liba n faa.

Amosi 4:5

Yaa taani mani ban pua yaa dupen leni li dabinli, Ki padi i tuondi pada. Kpaani mani ki waani yin kpendinni n po yaa paabu yi yama po, Kelima yinba Isidayeli yaaba, yi nan bua yene. Li Miali Diedo U Tienu n yedi yeni.

Mi Coadima 6:15

O go baa cuani ki baabuoga, ke ki gbie leni yaa dupen n ki tieni dabinli leni yaa maada ke bi kali mi yoma leni mi kpama leni yaa lalaadi n ki pia dabinli, ke bi joagi ti mi kpama. O baa cuani, ban taani laa pada kuli leni mi pienma pada leni a ñincaba.

Luki 17:16

O den labini Jesu taana kani, ki tuondi o. O den tie Samari yua.

Luki 17:18

Be yaa po ke oba ki lebidi ki cua ki baa pagi U Tienu, kali o nilamo na bebe?»

LOMA YAABA 1:21

Ba ke bi bani wani U Tienu, baa kpiagidi o ki go tuondi o nani lan pundi maama, ama bi yaadi bi yanluoma nni. Bi yanpiima teni ke bi kua li biigili nni.

Efesa 5:20

Yaa tuondi mani U Tienu yua n tie Baa yogunu kuli li bonla kuli po, ti Diedo Jesu Kilisiti yeli nni.

Hebilunba 13:15

Lanwani, kelima Jesu po, tin yaa padi mani U Tienu po yaa padili n tie ti pagidi yaa yogunu kuli, lani n tie ti ñoana n yaa pagi o yeli.

1 Pieri 2:5

Yinba yaaba mo n tie nani yaa tana n fo, teni mani ban maa yi yin tua U Tienu diegu, o Fuoma n ye naankani. Lani, yi baa tua yaa kopadicianba n gagidi U Tienu po, ki padi o po yaa pada n gagidi, ki go mani o po, kelima Jesu Kilisiti yaa po.