Levi 4:26 - U TIENU MAAMA TILI 2013

²⁶ O baa juu mi kpama kuli li padibinbinli po, nani ban tiendi maama mi taanyenma pada po. O baa padi o yudaano yeni po, ki mia o po sugili yene. Yeni, o baa baa sugili.

Gourmanchéma Bible

²⁶ O baa sia mi kpama kuli li padibinbinli po nani ban tiendi maama mi taanyenma pada po. O baa padi o yudaano yeni po ki mia opo sugili yene. O baa baa sugili mo.

Levi 4:26 ပူးပေါင်းရင်းမြစ်များ

2 Bi Badiba Jama 29:24

Bi kopadicianba den kodi ba ki wuli bi soama li padibinbinli po, ki mia Isidayeli yaaba po bi tuonbiadi sugili. O bado den yedi ke li padijuukaali leni ti tuonbiadi padili kuli tieni, Isidayeli yaaba kuli po yo.

Esekieli 43:22

Li dalieli, ŋan taa yaa ŋuabuali n ki pia poadi, ki padi li ti tuonbiadi sugili miabu po. A baa tieni yeni ki ñani li padibinbinli tuonbiadi, nani ŋan den tieni maama leni li naatonbili, ki ñani ti tuonbiadi yeni.

Levi 1:4

O baa maani o nuu ki padiyanga yeni yuli po. O Diedo baa gaa laa padili, ki ñani laa nilo po o tuonbiadi.

Levi 12:8

O pua yeni yaa kan fidi ki baa ki pebiga, o baa taa kpaajefanmulie bi kpaajenawuundilie ki cuani. Yendo baa tua li padijuukaali, o lielo mo baa tua ti tuonbiadi sugili miabu, lani, o baa ŋanbi.»

Levi 14:18

Yaa kpama n sieni o kopadiciamo nupuogu nni yeni, o baa duuni ma wan ŋanbidi yua yeni yuli po. O tieni yeni o Diedo nintuali, ki bua ki mia o po sugili o tudima po.

Levi 15:15

O kopadiciamo baa padi mu, yenga n tua ti tuonbiadi sugili miabu padili, ki liega mo n tua padijuukaali. Yeni, o kopadiciamo baa mia o nilo yeni po sugili o fado po, o Diedo nintuali.

Levi 17:11

kelima gbanandi kuli miali ye mi soama nne. N puni yi ma, ke man yaa ye li padibinbinli po, ke man pa yi sugili ki faabi yi miana, kelima li tie li miali po yo, ke mi soama puuni ti tuonbiadi sugili.

Levi 19:22

O kopadiciamo baa mia o po sugili o Diedo nintuali. O baa padi o po li petonli yeni, lin tua mi tudima padili, kelima o joa yeni n tieni yaa tuonbiadi po. Yeni o joa yeni baa baa o tuonbiadi sugili.

Levi 3:5

Alono bijaba baa juu lani li padibinbinli po. O baa maani la, yaa padijuukaali n maa yaa daadi n co yeni tanpoli, likuli n buodi. Li tie u mu n buoni yaa padili, ke li nuulu mani o Diedo po.

Levi 4:19

O baa ñani li naatonli yeni kpama kuli, ki juu ma li padibinbinli po.

Levi 4:20

O baa tieni laa naatonli moko nani ban tiendi i candanbaani padili yaa naatonli maama. O baa tieni lini moko yene. O kopadiciamo baa padi li nitaanli po, ki mia li po sugili yene. Li baa baa sugili mo.

Levi 4:31

O kopadiciamo baa ñani mi kpama kuli, nani ban tiendi mi taanyenma padiyanga maama yeni, ki juu ma li padibinbinli po, lan tua o Diedo po nuulumanu. O baa padi o nilo yeni po, ki mia o po sugili yene. Yeni, o baa baa sugili.

Levi 4:35

O kopadiciamo baa ñani mi kpama kuli, nani ban tiendi mi taanyenma padipia maama yeni, ki taani leni yaala n baa juu kuli, ki juu li padibinbinli po, ki taani leni u mu n buoni yaala o Diedo po. O baa padi o nilo yeni po, ki mia o po sugili yene. Yeni, o baa baa sugili.

Levi 5:10

o baa padi yaa kpaajiega n sieni, kan tua padijuukaali ki ŋoadi nani lan bili a padijuukaana po maama. Lanwani, o kopadiciamo baa padi o nilo yeni po, ki mia o po sugili. Yeni, o baa baa sugili.

Levi 5:13

O kopadiciamo baa padi o nilo yeni po, ki mia o po sugili. O baa baa o tuonbiadi sugili mo. O kopadiciamo baa tieni laa padili, nani lan tiendi maama mi jiema padili po yeni.»

Levi 5:16

O baa pugini ki dunga yeni po, kujapienamuu siiga kuli kujapienyenli, kelima wan biidi yaala u kaangagidiŋamu yeni po. O baa teni likuli o kopadiciamo. Lanwani, o kopadiciamo yaa padi li petonli yeni, o baa mia o po sugili. Yeni, o baa baa sugili.

Levi 5:18

O baa cuani o tagili po yaa petonli n ki pia poadi, ki teni o kopadiciamo. O baa cuo li o yanloli nni, ke li ŋua nani ban bili li dunga maama. O kopadiciamo baa padi o nilo yeni po, ki mia sugili wan tieni yaa tudima kaa faami yeni po. Lani, o baa baa sugili.

Levi 6:7

Line n tie yaa padili n tie jiema bali maama. O Diedo nintuali, Alono bijaba n baa cua ki padi laa padili li padibinbinli kani.

Mi Coadima 15:25

O kopadiciamo baa mia Isidayeli yaaba nitaanli kuli po, bi tuonbiadi sugili. Lani, bi baa baa sugili, kelima li tie yaa tuonbiadi ke bi tieni kaa bani. Bi go baa baa sugili, kelima bi cuani li padili, yaala n juu u mu nni, o Diedo po. Bi go baa baa sugili, kelima bi cuani ki padiyanga ti tuonbiadi sugili miabu po, ban tieni yaa tuonbiadi kaa bani yeni po.

Mi Coadima 15:28

O kopadiciamo baa padi ki mia yua n tieni ti tuonbiadi kaa bani yeni po sugili o Diedo nintuali. O yaa padi ki mia o po sugili, o baa baa sugili.