Levi 4:24 - U TIENU MAAMA TILI 2013

²⁴ O Diedo nintuali, o baa maani o nuu li ŋuabuali yeni yuli po, ki kodi li, ban kodi a padijuukaana yaa yandi naankani. Li tie i candanbaani padili.

Gourmanchéma Bible

²⁴ O baa maani o nuu li ŋuabuali yeni yuli po, ki kodi li ban kodi a padijuukaana yaa yandi naankani, Li Miali Diedo nintuali. Li tie ti candandi padili.

Levi 4:24 ပူးပေါင်းရင်းမြစ်များ

2 Bi Badiba 12:16

Baa den buali yaa niba n gobidi li tuonli yeni ban ñandi i ligi maama ki pa bi tuonsoanba, kelima bi den tuuni ke li tiegi.

2 Bi Badiba Jama 29:23

Ban den baa padi yaa ŋuabuana ki mia sugili yeni, bi den gedini a o bado leni li nitaanli kuli nintuali, ke bi maani bi nii a ŋuabuana yeni po.

Mi Ñama 29:38

Daali kuli, ŋan padi li padibinbinli po pebilalie, yaaba n pia binyenli yenli. Ŋan yaa tiendi yeni daali kuli ki da cedi.

Esayi 53:6

Tikuli den yaadi nani i pe yeni. Yuakuli den tagi wan bua yaa sanu. Ama o Diedo den tuni wane ti tagili kuli.

Levi 1:11

O baa kodi li li padibinbinli jienu po, u kaangagidiŋanmoanu nintuali. Alono bijaba, bi kopadicianba mo baa wuli mi soama li padibinbinli po, ki gaani i kaani kuli.

Levi 1:4

O baa maani o nuu ki padiyanga yeni yuli po. O Diedo baa gaa laa padili, ki ñani laa nilo po o tuonbiadi.

Levi 1:5

O baa kodi ki yanga yeni u kaangagidiŋanmoanu nintuali. Alono bijaba, bi kopadicianba mo baa cuani mi soama ki mii mii li padibinbinli yaali n ye u Kadikaanu Gbandieli yeni nintuali kaani kuli.

Levi 14:13

O baa kodi ki pebiga yeni ban padi ti tuonbiadi pada leni a padijuukaana naankani, yaa kaanu n gagidi ki ŋani nni. O tieni yeni, kelima mi tudima padili leni ti tuonbiadi sugili miabu padili padiyanga yeni tie o kopadiciamo yaa biinu yo. Li tie yaa bonla n gagidi ki ŋani cain.

Levi 16:15

O baa kodi ti tuonbiadi sugili miabu ŋuabuali bi niba po, ki taa li soama ki kandi bu kpalidoaginkaabu ki kua. O baa tieni laa soama mo nani wan bi tieni maama leni li naatonli yaa soama yeni. O baa mii mi soama ku kpaku biili po leni li nintuali.

Levi 3:13

O baa maani o nuu ki padiyanga yeni yuli po, ki kodi ka u Kadikaanu Gbandieli buliñoatuogili kani. Alono bijaba baa wuli o soama li padibinbinli kaani kuli.

Levi 3:2

O baa maani o nuu ki padiyanga yuli po, ki kodi ka u Kadikaanu Gbandieli buliñoatuogili kani. Alono bijaba bi kopadicianba mo, baa mii mii mi soama li padibinbinli kaani kuli.

Levi 3:8

O baa maani o nuu ki padiyanga yeni yuli po, ki kodi ka u Kadikaanu Gbandieli buliñoatuogili kani. Alono bijaba baa mii mii mi soama li padibinbinli kaani kuli.

Levi 6:18

«Yedi Alono leni o bijaba mine: I candanbaani pada bali maama n tie ne: Ban kodi a padijuukaana yandi naankani yeni, bi baa kodi i candanbaani padiyandi lankane, o Diedo nintuali. Li tie yaa bonla n gagidi ki ŋani cain.

Levi 6:22

Bi kopadicianba niba siiga, a bonjala bebe n baa ŋmani laa nandi, kelima li tie yaa bonla n gagidi ki ŋani cain.

Levi 7:2

Ban kodi a padijuukaana padiyandi naankani yeni, bi baa kodi mi tudima candanbaani padiyandi moko lankane. Bi baa mii mi soama li padibinbinli kaani kuli.